داۋلەت تۇرلىحانوۆ پەن Niney One وكىلدەرى جەلىدە تاراعان اۋديوجازباعا قاتىستى پىكىر ءبىلدىردى
وليمپيادا ويىندارىنىڭ جۇلدەگەرى، قر ەڭبەك سىڭىرگەن جاتتىقتىرۋشىسى داۋلەت تۇرلىحانوۆ پەن Niney One وكىلدەرى جەلىدە تاراعان اۋديوجازباعا قاتىستى پىكىر ءبىلدىردى، – دەپ حابارلايدى Tengrinews.kz تىلشىسى.
ايتا كەتەيىك، وسىعان دەيىن ينتەرنەتتە داۋلەت تۇرلىحانوۆ پەن ەربولات بەدەلحاننىڭ اتىنان سويلەسكەن ادامداردىڭ اۋديوجازباسى پايدا بولعان ەدى. جاريالانعان اۋديوجازبادا ءوزىن داۋلەت تۇرلىحانوۆ دەپ تانىستىرعان ادام ەربولات بەدەلحانعا Ninety One توبى ءۇشىن سوگىس ايتادى. “نەمەنە شۋلاتىپ جۇرسىڭدەر، تەپسە تەمىر ۇزەتىن جىگىتتەر عوي بالالار، (…) شەتەلدىكتەرگە ۇقسايدى عوي تۇرلەرى، شەتەلگە كەتىپ قالسىن”، – دەيدى ەر ادام. بۇعان توپتىڭ پروديۋسەرى دەلىنگەن ادام ماقۇلداپ، كەلىسكەندەي بولادى.
https://youtu.be/bNNM52iV9D8
رەداكتسيامىزعا Niney One توبىنىڭ وكىلدەرى حابارلاسىپ، بۇل ۆيدەوعا قاتىستى پىكىرىن ءبىلدىردى. “قازىر توپتىڭ پروديۋسەرىنىڭ اينالسىندا بولىپ جاتقان وقيعانىڭ بارلىعى – قاستىق ارەكەتتەر. ونى كىمنىڭ جاساپ جاتقانىن ءبىز ازىرشە بىلمەيمىز. ەڭ قىزىعى ەربولات بەدەلحاننىڭ داۋسىن شەبەر سالىپتى، ءتىپتى ءبىزدىڭ ءوزىمىز ءوز قۇلاعىمىزعا سەنە المادىق. سوڭعى ۋاقىتتا ءبىزدىڭ اينالامىزدا شۋ شىعىپ جاتقانى ەشكىمگە دە جاسىرىن ەمەس. ءبىز بارلىعىنا دا ءتۇسىنىپ قارايمىز”، – دەيدى توپتىڭ پروديۋسەرلىگىمەن اينالىساتىن Juz Media كومپانياسىنىڭ وكىلدەرى.
سونداي-اق، ولار توپ تارايدى دەگەن قاۋەسەتتى دە جوققا شىعاردى. “بارلىق جەتىستىككە ەڭبەكپەن، قاجىر-قايراتىمىزبەن جەتتىك. قازىر دە قاجىر-قايراتىمىز بار. ۇندەمەسەك، بۇل ساحنادان كەتۋىمىزدى بىلدىرمەيدى. ءبىز جۇمىس بارىسىندامىز، ەڭبەكتەنىپ جاتىرمىز، سەبەبى ماقساتقا جەتۋىمىز كەرەك. سوندىقتان رەسمي تۇردە ايتامىز، Niney One توبىن تاراتۋ ەربولات بەدەلحاننىڭ جوسپارىندا جوق. ءبىز ءبىر وتباسىمىز. بىرگە باستادىق، شوۋ-بيزنەستەگى جولىمىزدى بىرگە جالعاستىرامىز”، – دەپ پىكىر ءبىلدىردى Niney One وكىلدەرى.
ءوز كەزەگىندە داۋلەت تۇرلىحانوۆ تا Instagram جەلىسىندەگى رەسمي پاراقشاسىندا بۇل اۋديوجازباداعى داۋىستىڭ وزىنە تيەسىلى ەمەس ەكەنىن ايتتى. “قۇرمەتتى وقىرماندار! مەن Ninety One توبىنا ەشقانداي دا سوگىس ايتقانىم جوق، توپ پروديۋسەرى ەربولات بەدەلحان ەكەۋمىزدىڭ ارامىزدا ەشقانداي دا əڭگىمە بولعان ەمەس”، – دەپ مالىمدەدى داۋلەت تۇرلىحانوۆ.
tengrinews.kz
پىكىر قالدىرۋ