Зуқа батырдың кенжеұлы Сауат қажы Стамбулда қаласында 90 жасында қайтыс болды
kerey.kz
Сауыт қажы Зуқа батыр ұлы 1928 жылы Алтай аймағының Көктоғай ауданында туған. Зуқа батырдың кенже ұлы. Зуқа батыр 33 баланың әкесі еді. Төрт әйелінен 12 ұл және 8 қызының аты белгілі. Сауыт қажы ағасы Сұлтаншәріп бастаған көшпен бірге , тар жол-Тайғақ кешулерді бірге бастан өткізіп, Такламакан шөлін кесіп өтіп, Гималай асып, Түркияға жеткен. Қазақстан тәуелсіздік алғаннан кейін Зуқа батырдың қара шаңырағы Алматы қаласыа көшіп келді. 
1994- жылы Сауыт қажы Түркиядан арнайы Алтайға келіп, Зуқа батырдың басына қорғанын жаңалап салып, құран қатын түсіріп қайтты.
Жыл өтіп алпыс-алты өзгеріпті,
Өзгерген жайларды көз көріпті.
Зуқа батыр баласы Сауыт қажы,
Бұйрықша 94-жыл кез келіпті.
…
Дидар ғайып бұл міне арман екен,
Біздің ел Түркияға барған екен,
Әкесі өлген кезде Сауыт қажы,
Бөлеулі бесігінде қалған екен.
…
Дұшпанға қатал мінез ол қаһарман,
Халықтың ардагері батыр бабаң.
Арнайы Түркиядан жалғыз келіп,
Әке қорғанын Сауыт қажы жаңалаған.
Қалматай, Құдабай Нұғанұлы Сіләм,
Дастанның соңын ослай тамамдаған.
Зуқа батыр дастанынан үзінді.
Сіләм НҰҒАНҰЛЫ
Зуқа батыр- 1866 жылы қазіргі Шығыс Қазақстан облысының Зайсан ауданында дүниеге келген. Зуқаның әкесі шығыс өңіріне аса танымал болған Сәбит дамолла. Арғы атасы Нұрмұхаммед абыз. Текті әулеттен шыққан батыр бабамыз, орыс отаршылдығы мен гоминдаң қытай езгісіне тап болған қазақ халқын азат ету жолында қаза табады. Биыл батыр бабамыздың туғанына 150 жыл толды.
Әлемнің оннан аса елінде, жирма қаласында аталып өтілді. ҚР шетелдегі елшіліктері, Халқаралық ұйымдар, ҚР әр қаладағы әкімшілітері мен жеке азаматтар демеушілік жасап ұйымдастырды.
“Зуқа батыр-150 жыл” ұйымдастыру алқасы мен Kerey.kz ақпараттық порталы Сəнияхан апамызға және Зуқа батырдың ұрпақтарына қайғыларына ортақтасып, көңіл айтады. Сауыт атамыздың жаны жанатта болсын…
Жаназа намазы 27 қараша бесін намазында Стамбул қаласында Гүнешлі Казаккент Алтай мешітінде оқылады .
Kerey.kz
Пікір қалдыру