7 jeltoqsanda Aqtöbe qalasında jürgizilgen arnayı iri operaciya kezinde mwnay wrladı degen küdikpen qılmıstıq toptıñ birneşe müşesi qwrıqtalğan edi. Sonday-aq Almatıda da arnayı is-şara wyımdastırılıp,  Erkin Izbasar, kölik jürgizuşisi wstalğan bolatın.  Wlttıq qauipsizdik komitetiniñ arnayı wşağımen Aqtöbege jetkizilgen küdiktilerdi tergeu, tağıl­ğan ayıptıñ qanşalıqtı däleldi, dälelsiz ekenin anıqtau tiisti organdardıñ qwzıretindegi şarua. Redakciyamızğa bilikti bapker Bauırjan Nwrmahanov kelip, Erkin Izbasardı wzaq jıldan beri tanitının aytıp, onıñ sportqa qosqan eñbegi jaylı jazğan maqalasın wsındı.  

Men   Erkin Izbasar­men 1980 jıldardan beri tanıspın. Ekeumiz küres zalında tanısıp, tanıstığımız dostıqqa, joldastıqqa wlas­tı. Ol Aqtöbe öñi­rinde erkin kürestiñ damuına erekşe köñil böldi. Özi de jastayınan küresip, jol apatına wşırağanğa deyin sportpen şwğıldanğandığınan bolar.

Erkin Aqtöbe öñiriniñ erkin küresi damuı üşin, jastar ösip şı­ğuı üşin köp küş saldı. Jastar ösip şığuı üşin Reseydiñ Hasavyurt qaplasındağı bapker­lerdi şaqırtıp, bizdiñ baluandardı sol jaqqa jiberip, Hasavyurttıñ, Reseydiñ wlttıq qwramasına engen sportşıların Aqtöbege şaqırtıp, birlesken oqu-jattığu jiının ötkizdi. Küni keşe Almatıda ayaqtalğan Konfederaciya kubogı üşin ötken dodağa äzirlikti Aqtö­beniñ erkin küres bal­uandarı Hasavyurtta ötkizdi. Hasavyurttağı jattığu jiınına jüre­tin baluandardıñ jolına qısıltayañ uaqıtta qarajat tabılmay, Erkin baluandardı ji­beru üşin aqşa izdep qinalğanın bilemin.

Birde Aqtöbege bar­ğanda Erkin meni bal­uandardıñ äzirlik ötki­ze­tin zalına ertip bardı. Öziniñ bolaşaqta atqaratın şaruasımen bölisken edi sonda. “Bauırjan, nege bizdiñ Aqtöbe qalasında da Hasavyurttağıday baluandar mektebi bolmaydı? Hasavyurtta Magomed Guseynov aşqan   mektep-internatta 200 baluan bar. Solardıñ bäri internatta jatadı, sol jerde jattığadı. Bäri işinde. Osı mekteptiñ tülek­teri arasınan älem çempionı,Olimpiada oyındarınıñ jeñim­pazı men jüldegerleri şıqtı. Nege biz de sonday jüyemen jwmıs istemeymiz? Erkin küres elimizge kelgeli alpıs jılğa juıqtadı, äli birde-bir älem çempio­nı joq. Jaraydı, ke­zinde KSRO-nıñ şetqaqpaylauımen   Äbil­seyit Ayhanov, Amanjol Bwğıbaev, Amangeldi Ğabsattarovtıñ jarqırap körinuine mümkindik bolğan joq dedik. Täuelsiz­digimizdi alğanımızğa da 25 jıl toldı, erkin küresten ese­mizdiñ ketip jür­genine qarnım aşadı” degen edi. Jäne özi baluandar mektebin salamın degen jerge ağaş köşetterin de otırğızıp, alğaşqı qadamın bastağan da bolatın. Erkin küresten biılğı Rio Olimpiadasında 57 keli salmaqta eli­miz­diñ namısın Nwr­islam Sanaev qorğadı. Ras, bwl da legioner. Reseyden aldırğan baluan, biraq bwl baluan Qazaqstanğa kelgenge deyin Resey­diñ işki birinşiliginde top jarıp, qwramasına ilingen joq. Küres jolında endi-endi körinip kele jatqan Sanaevtan tamaşa baluan şığatının bilip elimizge aldırdı. Bıltırğı AQŞ-ta ötken älem birinşiliginde joldamanı ielenip, Rio Olimpiadasında bel­desti. Nwrislam Sanaev Braziliyada ötken jaz­ğı Olimpiada oyındarında äzir­bayjan baluanı Gadji Alievpen küreskende Sa­naev­tıñ altı wpayın töreşiler köpe-körneu bermey qoydı. Sonda Erkin Iz­basar beldesuge tö­relik etken qa­zılardıñ bärin jiıp alıp sil­kilep-silkilep wrısqan bolatın. “Bwlardı osılay toytarıp qoymasa, qazaq baluandarına tizesin batıra beredi” dep küyingen edi sonda.   Braziliya jerinde kü­reske tö­relik etken qazılardı jiıp qoyıp wrısqan Erkinniñ qasında twrıp Däulet Twr­lıhanovtıñ baluandarımız üşin küygen, ara tüsken kezi esime tüsti.

Men bapker retinde tört jazğı Olimpiada oyındarına baluan baptap qostım. Dañqtı baluan Däulet Twrlıhanovtıñ bizdiñ bal­uandardıñ esesi ketken jerde tikeley özi aralasıp, töreşiler­diñ bwra tartuına jol bermegenin körgenmin. Erkin de qazaq sportınıñ, baluandardıñ namısı üşin dep jürgen azamattıñ biri men üşin.Qazaq sportınıñ damuı üşin ülesin qostı.

 Bauırjan Nwrmahanov,

Almatı qalası

zhasalash.kz