Kirispe
«1998 jıldıñ 12 tamızında Golovatyuk Vladimir Mihayloviç esimdi azamat Resey Federaciyasınıñ «Azamattıq turalı» zañınıñ 3 babınıñ negizinde Astanadağı Resey elşiliginiñ konsuldığında Resey azamattığın aladı. Tiisinşe, tölqwjat räsimdemegen, tek özge eldiñ azamattığın alğan, söyte twra Qazaqstan azamattığınan bas tartpağan.
Bizdiñ elde mwnday jayttar bar ekeni jasırın emes. Köbine Reseymen şekaralas aymaqtardıñ qarapayım twrğındarı ekijaqtı azamattıq aladı da onı jasırıp jüredi» delingen hatta.
Golovatyuk degen kim?
Hatta soraqı mälimettiñ bası aşılıp otır. «Reseymen şekaralas aymaqtardıñ qarapayım twrğındarı ekijaqtı azamattıq alıp alğan» deydi. Bwl olarğa nege kerek?
Al älgi Resey azamattığın alıp alğan Golovatyuk degen kim? Söytsek qatardağı adam emes eken…
«Ol – Şığıs Qazaqstan oblıstıq mäslihatınıñ hatşısı! YAğni, şekaralıq aymaqtıñ ökildik biliginiñ jetekşisi! Oblıstıñ bastı twlğalarınıñ biri! Mäselen, Qıtaydağı İle-Qazaq avtonomiyasınıñ basşısı nemese Reseydegi Orınbor oblıstıq duması jetekşisiniñ Qazaqstan azamattığı boluı mümkin be? Joq! Al bizdiñ elde bäri mümkin!» dep jazılıptı hatta.
Dälel bar…
Jazılğan jay däleldeli bolu üşin hatpen qosa Resey Federaciyası Federaldıq migraciya qızmetiniñ elekrondı bazasınan köşirilgen qwjat ta jiberilgen.
«Onda Golovatyuktıñ 1998 jıldan bastap körşi elge jılına birneşe ret baratını körsetilipti. Däl osı qağazda 1998 jıldıñ 12 tamızında V.M.Golovatyukke Resey azamattığın beru turalı şeşim qabıldanğanı jazılğan.
ŞQO oblıstıq mäslihatı hatşısınıñ Resey azamatı retindegi jeke is-qwjatınıñ nömiri de anıqtalğan – 170309960» dep jazılıptı hatta.
Bwl wlttıq qauipizdikke töngen qauip!
Aytpaqşı, hattı Serik Hasanov esimdi äriptesimiz dayındaptı.
«Qazaqstan men Resey – körşiler, dostas memleketter, biraq bildey bir öñirdiñ jauaptı qızmetiniñ tizginin özge el azamatınıñ wstap otırğanı memlekettik qauipsizdik qağidalarına qayşı. Mäselen, el Prezidenti Öskemenge jwmıs saparımen bardı delik, onıñ jol jüru bağıttarınan körşi eldiñ türli qızmetteri mälimet alıp otırmaytınına kim kepildik bere aladı?
Oblıs ortalığınıñ äskeri bölimşelerinen bastap strategiyalıq kommunikaciyalar jüyelerine deyin türli mekemelerdiñ işki aqparattarı memlekettik qwpiyağa jatadı. Özge el azamatınıñ olardı oñay bilip otıruğa mümkindigi bar. Bwl wlttıq qauipizdikke töngen qauip bolmağanda ne?» – deydi ol.
Resey Golovatyukti «satpaydı»
Iä, satpaydı. Hat avtorınıñ aytuınşa, Golovatyuktiñ Resey azamattığı jöninde sol eldiñ tiisti mekemelerine swrau salıp köruge boladı. Biraq, olardıñ rastay qoyuı kümändi eken.
P.S. Äzir bwğan öz tarapımızdan bağa beru artıqtau bolar. Maqala jarıq körsin. Şığıs Qazaqstan äkimdigi ünsiz qalmas. Alayda Golovatyuktiñ Resey azamattığın alıp alğanı äri körşi elge jii saparlap barıp twratını ras bolsa, bwl memlekettiñ deñgeydegi dau boları anıq. Bir auız sözben, mwnı satqındıq dep bağalauğa boladı.
kaz.365info.kz
Pikir qaldıru