باعلان مايلىباەۆتىڭ ورلەۋى مەن قۇلدىراۋى
گۇلبانۋ ابەنوۆا باعلان مايلىباەۆتىڭ قازاقستان پرەزيدەنتى اكىمشىلىگى باسشىسىنىڭ ورىنباسارى كەزىندەگى سۋرەتى. استانا، 19 اقپان 2015 جىل. قازاقستان پرەزيدەنتى اكىمشىلىگى جەتەكشىسىنىڭ ورىنباسارى باعلان مايلىباەۆتىڭ تۇتقىندالۋى قازىرگى نومەنكلاتۋراعا ءتان جولمەن تەز ورلەپ كەلە جاتقان جاس شەنەۋنىكتىڭ قىزمەت مانسابىن ءۇزىپ تاستادى. 40 جاستاعى باعلان مايلىباەۆتىڭ ءومىربايانىندا ونىڭ جاستىعىنا قاراماستان ءتۇرلى لاۋازىمدى قىزمەتتەرگە تاعايىندالىپ، تالاي اسۋعا شىققان جەتىستىكتەرى جەتەرلىك. ول 23 جاسىندا ساياسي عىلىم كانديداتى، 27 جاسىندا – زاڭ عىلىمى دوكتورى اتانعان. وسى جاسىندا ەلدە ورىس تىلىندە شىعاتىن باس باسىلىم – “كازاحستانسكايا پراۆدا” گازەتىن باسقارىپ، كوپ جىلدىق تاريحى بار باسىلىمنىڭ العاشقى قازاق باسشىسىنا اينالعان. 29 جاسىندا قازاقستان پرەزيدەنتى ءباسپاسوز قىزمەتىنىڭ جەتەكشىلىگىنە تاعايىندالىپ، وزىنە دەيىن وسى قىزمەتتى اتقارعانداردىڭ ىشىندەگى ەڭ جاسى بولدى. 33 جاسىندا مادەنيەت
