الماتىداعى سەل جۇرتتى ابىگەرگە سالدى
بۇگىن تاڭ الدىندا الماتىنىڭ ناۋرىزباي اۋدانىندا سەل ءجۇرىپ، بىرقاتار ەلدى مەكەندەردە ۇيلەردى تاسقىن سۋ باسقان. توتەنشە جاعداي قىزمەتى سەل قايتالانۋى مۇمكىن دەگەن حاباردى جوققا شىعاردى. تاسقىننان زارداپ شەككەن قاراعايلى ەلدى مەكەنى. الماتى، 23 شىلدە 2015 جىل. رۋسلان مەدەلبەك الماتى قالالىق اكىمدىگىنىڭ مالىمەتى بويىنشا، 23 شىلدە تاڭ الدىندا ناۋرىزباي اۋدانى اۋماعىندا سەل جۇرگەن. “تۇنگى ساعات ۇشتە قارعالى وزەنىندە سۋ دەڭگەيى كوتەرىلگەنى تۋرالى حابار ءتۇستى. تاسقىننان الماتىنىڭ ىرگەسىندەگى كامەنكا مەن قاراعايلى اۋىلدارىنىڭ، ناۋرىزباي اۋدانىندا ءبىراز ۇيلەردى سۋ العان” دەپ مالىمدەدى الماتى توتەنشە جاعدايلار دەپارتامەنتى باستىعىنىڭ ورىنباسارى ەرلان نۇرپەيىسوۆ. رەسمي مالىمەت بويىنشا، قارعالى وزەنى بويىندا ورنالاسقان ايماقتاردان 200-دەن اسا ادام ەۆاكۋاتسيالانىپ، 176-مەكتەپ جانە ناۋرىزباي اۋداندىق اكىمدىگىنە ورنالاستىرىلعان. الماتىنىڭ شەتىندەگى ىرگەلى مەن العاباس اۋىلدارى جانە تاعى بىرقاتار ەلدىمەكەندەردە سەل
