ترامپ اقش قورعانىس كۇشتەرىنە “قوماقتى قارجى” سۇراماقشى
اقش پرەزيدەنتى دونالد ترامپ. مەريلەند، 24 اقپان 2017 جىل. اقش پرەزيدەنتى دونالد ترامپ ەلدىڭ قارۋلى كۇشتەرىنە “قوماقتى قارجى” سۇراماق نيەتى بارىن مالىمدەدى. بۇل تۋرالى ول جۇما كۇنى كونسەرۆاتيۆتىك ساياسي پارتيالار كونفەرەنتسياسىندا ايتقان. ارمياعا قارجىنى قانداي كەزەڭگە ءبولۋدى سۇرايتىنى جايلى اق ءۇي باسشىسى ناقتىلامادى. پرەزيدەنت ترامپ اقش قارۋلى كۇشتەرىن نىعايتۋ جانە جەتىلدىرۋگە نيەتتى ەكەنىن مالىمدەگەن. ونىڭ سوزىنشە، بۇل ەل تاريحىنداعى ەڭ ءىرى اسكەري قۋاتتى ارتتىرۋ بولۋى مۇمكىن. قۇراما شتاتتاردىڭ قورعانىس بيۋدجەتى 500 ميلليارد دوللاردان استام سومانى قۇرايدى. بۇل قىتاي، رەسەي، ساۋد ارابياسى جانە ۇلىبريتانيا ءتارىزدى ەلدەردىڭ قورعانىس سالاسىنا جۇمسايتىن شىعىندارىن قوسا ەسەپتەگەندەگىدەن ارتىق قارجى. اقپان ايىنىڭ باسىندا اقش قورعانىس ءمينيسترى دجەيمس مەتتيس «يسلام مەملەكەتى» ەكسترەميستىك توبىنا قارسى كۇرەسكە امەريكالىق اسكەريلەردىڭ ازىرلىگىن