اقش-تا يمميگراتسياعا قارسى جارلىق كۇشى توقتاتىلدى
يمميگراتسياعا قاتىستى ترامپ جارلىعى بويىنشا كەدەندە بوگەلىپ، كەيىن اقش-قا كىرۋگە رۇقسات العان يراندىق ستۋدەنتتى تۋىسى اۋەجايدا قارسى الىپ تۇر. بوستون، ماسساچۋسەتس، اقش. 3 اقپان 2017 جىل. اقش پرەزيدەنتى دونالد ترامپتىڭ يمميگرانتتارعا قاتىستى ەرەجەلەردى كۇشەيتكەن جارلىعىنىڭ كۇشىن توقتاتۋ جونىندە سيەتل سوتى شەشىم شىعارعاننان كەيىن كوپتەگەن شەتەلدىك جولاۋشىلار اقش-قا باراتىن ۇشاققا وتىرۋعا مۇمكىندىككە يە بولدى. Air France, Qatar Airways, Lufthansa and Swiss Airways ءتارىزدى اۋە كومپانيالارى قولدانىستاعى امەريكالىق ۆيزاسى بار جولاۋشىلارعا اقش-قا ۇشاتىن اۋە رەيستەرىنە وتىرۋعا رۇقسات ەتەتىنى تۋرالى مالىمدەگەن. اقش ىشكى قاۋىپسىزدىك مينيسترلىگى پرەزيدەنت ترامپتىڭ جارلىعىندا اتالعان ەلدەر ازاماتتارىنىڭ قۇراما شتاتتارعا كەلۋىنە تىيىم سالىناتىنى تۋرالى حابارلاۋدى دوعاراتىنىن جاريالاعان. شەتەلدىك جولاۋشىلاردى تەكسەرۋ قايتادان ستاندارتتى ەرەجە بويىنشا جۇرگىزىلەتىنى حابارلاندى. ترامپتىڭ جارلىعىنا قارسى سوتقا
