اعايىندى ادىلوۆتەر تاعدىرى
ءارىپتىڭ كولەمى: قالىپتى حح عاسىرداعى قازاق ۇلت-ازاتتىق قوزعالىسى العان بيىك شىڭ – «الاش-وردا» حالىق كەڭەسىنىڭ قۇرىلۋى بولاتىن. وسى وقيعاعا بيىل 100 جىل تولعالى تۇر. بولشەۆيزمنىڭ بۇل ۇلتتىق اۆتونوميا عۇمىرىن ەكى-اق جىلدا ۇزگەنى، ال قوزعالىسقا قاتىسى بارلاردى 20-شى جىلداردىڭ سوڭىنا قاراي ساياسي قۋعىن-سۇرگىنگە تۇسىرگەنى، 1930 جىلى «الاشورداشىلاردىڭ»، ياعني «ۇلتشىلداردىڭ» العاشقى لەگىنىڭ تورتەۋىن اتىپ، باسقاسىن ءتۇرلى مەرزىمگە سوتتاپ جىبەرگەنى بەلگىلى. ماسكەۋدەگى بىرىككەن مەملەكەتتىك ساياسي باس باسقارما (وگپۋ) بۇگىندە «الاش ءىسى» دەپ اتالاتىن № 78754 ءىس بويىنشا شىعارعان ايىپتاۋ قورىتىندىسىمەن 44 ادام جاۋاپقا تارتىلدى. ولاردىڭ مىنانداي «كونتررەۆوليۋتسيالىق قىزمەتتەرى» دالەلدەندى دەپ تۇجىرىمدالدى: بىرىنشىدەن، 1921–1922 جج. استىرتىن ۇيىم قۇرعان، كەيىننەن، سول ۇيىمعا جاتاتىندىق بەلگىلەرى بويىنشا ولار ءوزارا قارىم-قاتىناستا بولىپ، انتيسوۆەتتىك قىزمەتتەر جۇرگىزگەن; ەكىنشىدەن، شەكارا سىرتىندا جۇرگەن