ءدۇبارا
اڭگىمە … – اسسالاۋماعالەيكۋم، اعا، دەپ قوسارلانا جامىراي شىققان داۋىسقا بۇرىلعاندا، وڭ جاق بۇيىنىندە ءتورت-بەس قادام جەردە تۇرعان ءۇش جىگىتتى كوردى. سالەمدى الا بەرە الگىلەردىڭ جۇزىنە تاڭىرقاي كوز جۇگىرتىپ شىقتى. ۇشەۋى دە اق تاقيا، اق تۋفلي، اق شالباردىڭ سىرتىنا بوس قويا بەرگەن ۇزىن ەتەك اق كويلەكتىڭ ۇستىنەن قارا جەلەتكى كيىپ، ساقالدارىن قويا بەرگەن. جاس شاماسى جيىرمانىڭ و جاق، بۇ جاعىنداعى مىنا جىگىتتەردىڭ سىرت تۇرپاتى بۇعان وقشاۋ كورىندى. -اعا ءبىز ۋاعىز ايتامىز، ءسىز سياقتى ۇلكەن ادامدار مۇسىلماندىقتى بىلە بەرمەيدى، الدىمەن بەس پارىزدى ۇيرەتەمىز، ءبىرىنشى يماننان باستايمىز، – دەپ، دوڭگەلەك ساقالدى جۇزىنە ساليقالىق بەرۋگە بارىنشا تىرىسقان تولىقشا قاراتورى جىگىت: -مىنا سەرىگىم، – جانىنداعى ۇزىنداۋ ارىق سارىنى يەگىمەن نۇسقاپ، – قازىر
