جەلتوقسان – تاۋەلسىزدىك تۇعىرى!
تۋرا بۇگىن، 1986 جىلعى جەلتوقسان كوتەرىلىسىنە 30 جىل تولىپ وتىر. ايتۋلى وقيعاعا بايلانىستى بۇدان 30 جىل بۇرىن قايمىقپاي ل.برەجنەۆ اتىنداعى ورتالىق الاڭعا شىققان قازاق جاستارى ەرەسەن ەرلىك، قايتپاس قايسارلىق كورسەتتى. بۇكىل كەڭەستىك كەڭىستىكتە العاشقى بولىپ توتاليتارلىق كوممۋنيستىك بيلىككە قارسىلىق تانىتتى. كەيبىر دەرەكتەردە الاڭدا 20-30 مىڭ ادام بولدى دەيدى. باسقا وبلىس ورتالىقتارىندا نارازىلىق تانىتقانداردى قوسقاندا كوتەرىلىسكە كەمىندە 50 مىڭ ادام قاتىسقانى اقيقات. اياۋسىز جازالاۋ كەزىندە كوپتەگەن جاس جىگىتتەر، اينالايىن، التىن قىزدارىمىز جۇزدەپ، مىڭداپ ءزابىر كوردى. قۋعىن-سۇرگىنگە ۇشىرادى. سوققىعا ۇشىراعاندار ءتىپتى دارىگەرگە بارۋدان ۇرەيلەندى. قانشاما تاعدىر ءبۇلىندى. «جارىلعان باس بورىك ىشىندە، سىنعان قول جەڭ ىشىندە» قالا بەردى. بۇگىندە سولاردىڭ ءبارى كورگەن قۇقايىن، تارتقان ازابىن قورىقپاي جاريا ەتۋگە ءتيىس. جەلتوقساننىڭ كەزەكتى ىزعارىنان شوشىعان
