اسلان مۋسين حورۆاتياداعى ەلشى قىزمەتىنەن بوساتىلدى
اسلان مۋسين پرەزيدەنت اكىمشىلىگىن باسقارىپ تۇرعان كەزىندە. اسلان مۋسين قازاقستاننىڭ حورۆاتياداعى توتەنشە جانە وكىلەتتى ەلشىسى قىزمەتىنەن بوساتىلدى دەپ حابارلادى بۇگىن اقوردانىڭ ءباسپاسوز قىزمەتى. رەسمي اقپار بويىنشا، مۋسين ەلشى قىزمەتىنەن زەينەت جاسىنا تولۋىنا بايلانىستى بوساتىلعان. مۋسين حورۆاتيامەن قاتار بوسنيا جانە گەرتسەگوۆينا، چەرنوگورياداعى ەلشى قىزمەتىن دە قوسا اتقارعان. ول حورۆاتياداعى ەلشى قىزمەتىن 2014 جىلدىڭ ناۋرىزىنان بەرى اتقارعان. اسلان مۋسين 2008-2012 جىلدارى پرەزيدەنت اكىمشىلىگىن باسقارعان، 2012-2014 جىلدارى رەسپۋبليكالىق بيۋدجەتتىڭ ورىندالۋىن قاداعالاۋ جونىندەگى ەسەپ كوميتەتىنىڭ توراعاسى بولعان. مۇنىڭ الدىندا ول اقتوبە، اتىراۋ وبلىستارىن باسقارىپ، ءماجىلىس سپيكەرى بولعان. ازات ەۋروپا / ازاتتىق راديوسى
