شەكاراشىلار قىتايدان كەلە جاتقان جەسىر انانىڭ بار اقشاسىن تاركىلەپ الدى ەكسكليۋزيۆ
شىعىس قازاقستان وبلىسىنا قاراستى زايسان اۋدانىنىڭ «مايقاپشاعاي» كەدەندىك بەكەتىنەن قازاق ەلىنە قىتايدان كوشىپ كەلە جاتقان جەسىر انانىڭ 49 900 اقش دوللارىن شەكاراشىلار تاركىلەپ العان. Baq.kz رەداكتسياسىنا كومەك سۇراپ كەلگەن گۇلجان ءماۋىتحان ەسىمدى كەيۋانانىڭ باسىنداعى اۋىر جاعدايمەن وقىرمانداردى حاباردار ەتكەندى ءجون كوردىك. ءومىر بويى جيعان-تەرگەنىنەن ءبىر-اق ساتتە قازاقستان شەكاراسىنا كەلىپ ايىرىلعان انانىڭ قازىرگى جاعدايى اۋىر. وقيعانىڭ تولىق ءمان-جايى بىلاي… ءماۋىتحان گۇلجان اقپان ايىنىڭ 8-ءى كۇنى قىتايدان قازاقستانعا بالالارىمەن جانە ىنىسىمەن بىرگە كوشىپ كەلۋ ءۇشىن شقو زايسان اۋدانىنا قاراستى «مايقاپشاعاي» كەدەندىك بەكەتىنەن وتەدى. كۇيەۋىنەن جاستاي جەسىر قالىپ، ەكى بالاسىن ءومىردىڭ نەبىر تاۋقىمەتىن تارتا ءجۇرىپ ەر جەتكىزگەن گۇلجان قىتايداعى وزىنە تيەسىلى ءۇيى مەن بار دۇنيە-مۇلكىن ساتىپ، ول اقشاعا استانا قالاسىنان ءۇي الۋدى كوزدەگەن
