تاعى دا «موڭعول» اتاۋى جايىندا
حاسەن قوجا-تۇرك شىڭعىز حان مەن ونىڭ قۇرعان مەملەكەتى ماسەلەسى الەم زەرتتەۋشىلەرى ەڭ كوپ قالام تارتقان تاقىرىپ سانالادى. بۇل تاريحتاعى كىسىلەر مەن رۋ-تايپا اتتارى تۇركشە، اسىرەسە قازاق تىلىنە جاقىن بولعاننان كەيىنگى كەزدەرى ءبىزدىڭ زەرتتەۋشىلەردىڭ دە جازعاندارى مولايدى. الايدا ولار شىڭعىز حان باسشىلىعىمەن 1206 جىلى قۇرىلعان مەملەكەتتىڭ «تۇركتىگىن» ايتا كەلە: «كوپتەگەن تۇرك رۋلارىن باعىندىرىپ ەل قىلعان «موڭعول» اتتى («سول ماڭايدا كوشىپ جۇرگەن سانى از تايپا») حالىق، شىڭعىز حان – موڭعول بولعان» – دەگەن تۇجىرىم ايتادى. ونداعان تۇرك رۋلارىن، حاندىقتارىن ءبىر عانا موڭعول دەگەن تايپا باعىندىرىپ، مەملەكەت سونىڭ اتىمەن اتالعان بولسا بۇعان قازاق (تۇرك) زەرتتەۋشىلەرى (حالقى) نەسىنە شاتتانۋعا ءتيىس؟! بۇل، كەرسىنشە، تۇرك ءناسىلىن قورلايتىن جاي ەمەس پە!؟ سوندىقتان، بۇل تاريحپەن كوپتەن تانىس بولسام دا،