ءنازيپا قۇلجانوۆا- الاشتىڭ قايراتكەر قىزى
جۇمات انەسۇلى ءنازيپا قۇلجانوۆا حح -عاسىردىڭ باس كەزىنەن باستاپ قازاقتىڭ ءبىلىم سالاسىنىڭ، قازاق جۋرناليستيكاسىنىڭ،ەتنوگرافيا عىلىمىنىڭ، سونداي اق، مادەنيەتى مەن ادەبيەتىنىڭ دامۋىنا زور ۇلەس قوسقان قوعام قايراتكەرى. ن.قۇلجانوۆا سونىمەن بىرگە الاش پارتياسى مەن الاشوردا ۇكىمەتىنىڭ قۇرىلۋى تۋرالى 1917- جىلى سەمەي قالاسىندا وتكەن سيەزگە قاتىسىپ، ونىڭ قىزمەتتەرىنە بەلسەنە ارالاسقان، الاش وردا پارتياسىنىڭ سەمەي قالاسىنداعى بولىمشەسىنىڭ تورالقا مۇشەسى بولعان الاشتىڭ قايراتكەر قىزى. ءنازيپا قۇلجانوۆانىڭ العاشقى تەگى سەگىزباەۆا. 1902-جىلى ول قوستاناي ورىس قازاق گيمنازياسىن ءبىتىرىپ، سول جىلى تورعايداعى ەكى جىلدىق ورىس قازاق ۋچيليششەسىنىڭ مۇعالىمىنىڭ كومەكشىسى قىزمەتىن اتقارعان. ودان كەيىن ورىنبوردىڭ ەكى جىلدىق مۇعالىمدەر مەكتەبىن اياقتاعان. وسى كەزدە ءنازيپا ورىنبور مۇعالىمدەر مەكتەبىن ءبىتىرىپ، قىزمەت ىستەپ جۇرگەن جەرلەسى، اعايىنى نۇرعالي قۇلجانوۆقا كەزدەسەدى. ەكەۋىنىڭ كوڭىلدەرى جاراسىپ، قوسىلعاننان
