«قارا باۋىر قاسقالداق» ءانىنىڭ اۆتورى ومىردەن وزدى
جەلتوقسان كوتەرىلىسىنە ارنالعان «قارا باۋىر قاسقالداق» ءانىنىڭ اۆتورى ىلەسبەك امانوۆ ومىردەن وزدى، دەپ حابارلايدى قازاقپارات. «سۋىق حابار! جاڭا عانا شىمكەنتتەگى جەلتوقسانشى دوسىم يسابەكوۆ ءسابيت حابارلاستى! جەلتوقسان كوتەرىلىسىنە ارنالعان “قارا باۋىر قاسقالداق” ءانىنىڭ اۆتورى،سازگەر ىلەسبەك امانوۆ اعامىز دۇنيەدەن ءوتتى… ىلەسبەك اعامىزدىڭ يمانى سالامات بولسىن!»،- دەپ جازدى فەيسبۋكتەگى پاراقشاسىندا ەرلان دەكەلباەۆ ەسىمدى جەلى قولدانۋشى. جەلتوقسان وقيعاسىنان تۇپ-تۋرا بiر جىلدان كەيiن دۇنيەگە كەلگەن «قارا باۋىر قاسقالداق» ءانىنiڭ تاريحى تۋرالى، ءاننiڭ اۆتورى، بەلگiلi سازگەر ىلەسبەك امانوۆ كوزى تىرىسىندە «جاس الاش» گازەتىنە بەرگەن سۇحباتىندا بىلاي دەپتى: «ءاننiڭ ءماتiنiن جازعان بەلگiلi اقىن – ەسەنعالي راۋشانوۆ. جۇلدىز جۋرنالىن قاراپ وتىرىپ وسى ولەڭ جولدارى كوزiمە وتتاي باسىلدى. قارا باۋىر قاسقالداق قايدا ۇشتىڭ پىر-پىرلاپ؟ سازىڭ قالدى ءسابيدiڭ ەڭبەگiندەي بىلقىلداپ. …
