Зайсандағы «Қазақия» және «Ғизатия» медіреселері Шығыстағы мұсылман орталығы болған
ҚМДБ-ның Өскемен өңірі бойынша өкіл имамы, Шығыс Қазақстан облыстық «Халифа Алтай» мешітінің бас имамы Ермек қажы Мұқатайұлымен еліміздің шығыс өңіріндегі діни ахуал, өткені мен бүгіні туралы сұхбаттасқан едік.baq.kz Ермек қажы, Өскемен өңіріне өкіл имам болып тағайындалғаныңызға жылға жуық уақыт болып қалды. Осы мерзім ішінде қандай игі бастамаларға мұрындық бола алдыңыз? Бисмиллахир рахманир-рахим! Иә, Жаббар-Хақ біздің маңдайымызға Шығыс Қазақстанда, Өр-Алтайдың тәжі болған Өскеменде діни қызмет етуді жазыпты. Аллаға сансыз шүкірлер болсын! Жалпы, бір жайтты жақсы білгендеріңіз жөн, ҚМДБ-ға қарасты өкілдіктер өз бетінше ештеңе жасамайды. Біз тек ҚМДБ төрағасы, бас муфти мен орынбасарлары және аппарат жетекшісі тарапынан берілген нұсқауларды тиісті мерзім ішінде қал-қадірімізше орындауға күш саламыз. Негізінен ҚМДБ-ның өкілдікке тапсырған уағыз-насихат ісі,
