ۇلىبريتانيا قارجى ءمينيسترى: بارلىق قيىن جاعدايعا دايىن بولدىق
ۇلىبريتانيا قارجى ءمينيسترى دجوردج وسبورن. ۇلىبريتانيا قارجى ءمينيسترى دجوردج وسبورن ۇلىبريتانيا ەۋروپا وداعىنان شىعۋعا داۋىس بەرگەن سوڭ تۋىندايتىن كۇتپەگەن قيىن جاعدايلارعا دايىن بولعانىن مالىمدەدى. وسبورن 27 ماۋسىمدا رەفەرەندۋم ناتيجەسى جاريالانعان 24 ماۋسىمنان بەرى انگليا ورتالىق بانكى باسشىسى مارك كارنيمەن ۇدايى بايلانىس ۇستاپ، الدىن الا ويلاماعان جاعدايلارعا دايىن بولۋ جوسپارى جاسالعانىن ايتتى. ول سونىمەن قاتار ەۋروپا ەلدەرى قارجى مينيسترلەرىمەن، ورتالىق بانك باسشىلارى، حالىقارالىق ۆاليۋتا قورىنىڭ ديرەكتورى، اقش قارجى مينيسترىمەن جانە ۇلىبريتانيانىڭ جەتەكشى قارجى ينستيتۋتتارى باسشىلارىمەن بايلانىستا بولعانىن دا ايتتى. ء“بىز كۇتپەگەن قانداي جاعدايعا بولسىن دايىن بولدىق” دەدى وسبورن. 27 ماۋسىمدا ازياداعى قور نارىقتارىندا فۋنت-ستەرلينگ ۇلىبريتانيانىڭ ەو-دان شىعۋىنىڭ ىقتيمال سالدارىنا بايلانىستى تاعى دا قۇلدىراي تۇسكەن. ۇلىبريتانيادا 23 ماۋسىمدا رەفەرەندۋم ءوتىپ، سايلاۋشىلاردىڭ 52
