Qazaqstanda twrıp jatqan 130 mıñ äzerbayjan diasporası ökilderi memleketterimiz arasındağı mañızdı däneker bolıp sanaladı, – dedi Qazaqstan Prezidenti.
Qazaqstan Prezidenti Äzerbayjan Respublikasına resmi saparınıñ qorıtındısı boyınşa BAQ ökilderi üşin brifing ötkizdi-dep qabarlaydı Aqorda baspasöz qızmeti. Äzerbayjan Respublikası, Baku qalası Memleket basşısı kezdesu barısında qarauğa wsınılğan barlıq mäselelerdiñ talqılanğanın atap ötti. – Bizdiñ qarım-qatınasımızdıñ negizgi özegin sauda-sattıq qwraydı. Ol basqa da bağıttar boyınşa özara is-qimıldı damıtu mümkindigin qamtamasız etip otır. Bügingi kezdesu sauda aynalımın wlğaytu qajettigin ayqındap berdi. Öytkeni, 140 million AQŞ dolları kölemindegi qazirgi körsetkiş bizdiñ müddemizge say kelmeydi, – dedi Nwrswltan Nazarbaev. Qazaqstan Prezidenti ekijaqtı sauda-ekonomikalıq baylanıstar salasında paydalanılmağan zor äleuet bar ekenine nazar audardı. – Elderimiz mwnı ekijaqtı saudanı odan äri wlğaytu üşin paydalanuğa tiis. Qazaqstan Äzerbayjanğa metallurgiya önimin, eksportqa şığarılıp jatqan lokomotivterdi jetkizuge äzir. Äzerbayjannan
