SpaceX kompaniyası Dragon jük kemesin ğarışqa attandırdı
Ğarıştan oralğan Falcon-9 zımıranınıñ qonar säti. (Körneki suret.) AQŞ-tıñ jekemenşik SpaceX kompaniyası jasağan Falcon-9 zımıran-tasığışı aqpannıñ 19-ı küni Kanaveral müyisindegi wşıru alañınan Dragon jük kemesin halıqaralıq ğarış stanciyasına alıp wştı. Kemeni orbitağa şığarğannan keyin zımırannıñ alğaşqı satısı jerge oralıp, wşu alañına sätti qondı. Alğaşında senbige josparlanğan wşıru merzimi zımırannıñ ekinşi satısındağı aqauğa baylanıstı säl keyinge şegerilgen. Bwl jolı Falcon-9 zımıran-tasığışı 2011 jılı «Speys Şattl» bağdarlaması ayaqtalğalı beri paydalanılmağan LC-39 keşeninen ğarışqa wşırılğan. Dragon jük kemesi halıqaralıq ğarış stanciyasımen aqpannıñ 22-i küni tüyisedi dep josparlanğan. Amerikalıq käsipker Ilon Masktiñ ieligindegi SpaceX kompaniyası AQŞ ğarış agenttigimen (NASA) halıqaralıq ğarış stanciyasına jük jetkizu turalı kelisim jasasqan jeke menşik eki käsiporınnıñ biri. Köp ret
