قانات يسلام مەن گەننادي گولوۆكين استانادا ءبىر كۇندە جۇدىرىقتاسۋى مۇمكىن
بۇل ماسەلەگە بايلانىستى قازىر كەلىسسوزدەر ءجۇرىپ جاتىر-دەپ حابارلايدى vesti.kz. ©Vesti.kz قازاقستاندىق كاسىپقوي بوكسشى قانات يسلام برازيليالىق روبسون اسيسسپەن 17 اقپانعا بەلگىلەنگەن جەكپە-جەكتەن كەيىن استانادا وتەتىن بوكس كەشىنە دايىندىقتى باستاي الادى. سپورتشىنىڭ وكىلى بەرىك سۇلتان Vesti.kz باسىلىمىنا بەرگەن سۇحباتىندا بوكسشىنىڭ الداعى جوسپارلارى جايلى ايتىپ بەردى. “مادەنيەت جانە سپورت ءمينيسترى 29 قازاندا وتكەن جەكپە-جەكتەن كەيىن قانات يسلامدى قابىلداپ، وعان مەملەكەت باسشىسىنىڭ قۇتتىقتاۋىن جەتكىزدى. سول كەزدەسۋدە EXPO حالىقارىلىق كورمەسىن وتكىزۋ بارىسىندا ۇلكەن بوكس كەشىن ۇيىمداستىرىپ، سوندا قانات يسلامدى شاقىرۋ تۋرالى وي تۋىنداعان بولاتىن”، – دەدى بەرىك سۇلتان. سونداي-اق، قانات يسلامنىڭ وكىلى قازاقستاندىق بوكسشىنىڭ EXPO قارساڭىندا وتكىزىلەتىن بوكس كەشىنە قاتىسۋعا دايىن ەكەنىن ايتتى. “كەشتىڭ ناقتى قاي ايدا وتەتىنى بەلگىسىز. بوكس كەشى جازدىڭ سوڭىندا وتەتىن بولسا، قانات مامىر
