پەسكوۆ: رەسەيدىڭ ترامپ اكىمشىلىگىنەن كوڭىلى قالدى
دميتري پەسكوۆ، كرەملدىڭ ءباسپاسوز حاتشىسى. كرەملدىڭ ءباسپاسوز حاتشىسى دميتري پەسكوۆتىڭ سوزىنشە، ماسكەۋ اقش پرەزيدەنتى دونالد ترامپتىڭ اكىمشىلىگىنەن جانە قارىم-قاتىناستى جاقسارتۋدا ىلگەرىلەۋشىلىكتىڭ جوقتىعىنان كوڭىلى قالدى. پەسكوۆ CNN-گەع بەرگەن سۇحباتىندا ترامپ وتكەن جىلى سايلاۋالدى كامپانياسىندا رەسەيمەن ىنتىماقتاستىقتى دۇرىستاعىسى كەلەتىنىن مالىمدەگەنىن ايتتى. “وكىنىشكە وراي، بۇل ديالوگتىڭ قاشان باستالاتىنىن بىلمەيمىز” دەدى كرەملدىڭ ءباسپاسوز حاتشىسى. اقش-تا ارنايى قىزمەتتىڭ رەسەيدىڭ ەلدەگى پرەزيدەنت سايلاۋىنا ىقتيمال كيلىگۋىنە قاتىستى ەسەبى بەلسەندى تالقىلانىپ جاتىر. فەدەرالدىق تەرگەۋ بيۋروسى (FBI) بۇعان قاتىستى ترامپتىڭ كومەكشىلەرىنە تەرگەۋ جۇرگىزىپ جاتىر. ترامپتىڭ اقش ۇلتتىق قاۋىپسىزدىك ماسەلەلەرى بويىنشا كەڭەسشىسى اق ۇيدەن رەسەيدىڭ اقش-تاعى ەلشىسىمەن بايلانىسى تۋرالى اقپاراتتى جاسىرعانىن مويىنداعان سوڭ وتستاۆكاعا كەتكەن. رەسەيدىڭ سايلاۋعا ىقتيمال كيلىگۋىن كونگرەستىڭ بەس كوميتەتى دە تەكسەرىپ جاتىر. پەسكوۆ بۇلاردى “ماستانۋد” دەپ اتاعان.
