جولبارىستى قايتا جەرسىندىرۋ ءۇشىن دي كاپريوعا ءۇمىت ارتادى
امەريكالىق اكتەر لەوناردو دي كاپريو. لەوناردو دي كاپريو سياقتى اتاقتى ادامدار قازاقستاندا جولبارىس پوپۋلياتسياسىن قالپىنا كەلتىرۋ پروبلەماسىن تالقىلاۋعا تۇرتكى بولدى. «كاسپي» نەمەسە «تۇران جولبارىسى» دەپ اتالاتىن ءتۇز تاعىلارى مۇندا 20-عاسىردىڭ ءبىرىنشى جارتىسىنا دەيىن مەكەندەگەن. كەزىندە قازاقستاندى مەكەندەگەن مىسىق تۇقىمداس ءىرى جىرتقىش «كاسپي» نەمەسە «تۇران جولبارىسى» دەپ اتالاتىن تۇقىمعا جاتادى. بەنگال جانە امۋر جولبارىستارىنان تۇرقى كىشىلەۋ بولعانىمەن، ول دا ءىرى اڭ بولعان. حاتتالعان دەرەككە قاراعاندا، كاسپي جولبارىسىنىڭ سالماعى 240 كيلوگرامعا جەتەتىن. بۇل تۇقىمنىڭ ءبىر ەرەكشەلىگى -جيرەن ءتۇستى ءجۇنىنىڭ بوياۋى قانىق. ال ءتۇسى قوڭىر رەڭكتى بولىپ كەلەتىن جولاقتارى ۇزىن ءارى ءجيى ورنالاسقان. قىستىڭ كۇنى كاسپي جولبارىسىنىڭ تەرىسى، اسىرەسە قارىن تۇسىنىڭ ءجۇنى قالىڭداي تۇسەدى. تۇمسىعىندا قويۋ مۇرتى بولعان. قۇجاتتارعا قاراعاندا، قازاقستاندى مەكەن ەتكەن