«التىن ورداعا-750 جىل». بابالار مۇراسىن ناسيحاتتاۋ بالاباقشادان باستالۋ كەرەك – ۇستازدار
kerey.kz
باتىر بابالاردىڭ مۇراسىن ناسيحاتتاۋ بالاباقشادان باستالۋ كەرەك. بيىل التىن وردانىڭ قۇرىلعانىنا -750 جىل. كۇللى ەل كولەمىندە ەسكە الىپ جاتقان تاريحي وقيعانى كىشكەنتاي بۇلدىرشىندەرگە تاربيەشىلەر وزگەشە ادىسپەن جەتكىزدى دەپ حابارلايدى kerey.kz اقپاراتتىق پورتالىنىڭ ءتىلشىسى.
الماتى قالاسى، الاتاۋ اۋدانى كمقك №37 بوبەكجاي – بالاباقشاسىندا بولعان سەمينارعا تەك بالالار عانا ەمەس، قالانىڭ وزگە مەكەمەلەرىنەن دە ۇستاز-تاربيەشىلەر قاتىستى. «التىن ورداعا -750» جىل اتتى سەمينارعا ۇزاق ۋاقىت دايىندالعان بالالار ءبىر ءسات وزدەرىن بۇرىنعىنىڭ جاۋىنگەرى رەتىندە سەزىندى.
ەل قورعاۋدا ەرلەردىڭ رولىندە ويناعان بالالاردىڭ قىلىشپەن شايقاسۋى كورىنىستىڭ كوركىن اشا ءتۇستى. حاس باتىر رەتىندە نەگىزگى جاتتىعۋلاردى جاساپ، دەنەلەرىن شىنىقتىردى. «جەكپە- جەك»، «تۋىڭدى تىك» ويىندارى ويناتىلدى. كورىنىس سوڭىندا جەڭىستەن ءسۇيىنشى سۇراعان اجەي التىن وردانىڭ ءتول تەڭگەسىن تاراتتى. بۇلدىرشىندەرگە باعزى تاريحتان مالىمەت بەرەتىن كورىنىستەن سوڭ پەداگوگتار شەبەرلىك ساباعىنا قاتىستى. سەمينارعا «قالالىق مەكتەپكە دەيىنگى تاربيە ءبولىمىنىڭ باسشىسى لۋنارا ماساقباەۆا جانە ادىسكەر گۇلناز سەرىكقىزى باستاپ وزگە دە بالاباقشالاردان پەداگوگتار قاتىستى.
«بيىل ۇلىق ۇلىس – ايبىندى التىن وردانىڭ قۇرىلعانىنا 750 جىل تولىپ وتىر. وسىعان وراي پرەزيدەنت قاسىم-جومارت توقاەۆتىڭ التىن وردانىڭ 750 جىلدىعىن لايىقتى اتاپ ءوتۋ جانە ۇلىستىڭ نەگىزىن قالاعان جوشى حان ەسىمىن ۇلىقتاۋ تۋرالى سوزدەرىن زور ىقىلاسپەن قابىلدادىق. سەميناردا تاربيەلەنۋشىلەر ءوز ونەرلەرىن كورسەتىپ، پەداگوگتار وزدەرى تىككەن قۋىرشاقتارىنا جان ءبىتىرىپ، مۋزىكالىق ءنومىر كورسەتتى. پەداگوگتار ءبىر –بىرىمەن وي ءبولىستى. قوناقتار ءوز ويلارىن ەركىن جەتكىزىپ، شىن جۇرەكتەن العىستارىن ءبىلدىردى»،-دەدى شارانى ۇيىمداستىرۋشىلار.
1269 جىلى تالاس قۇرىلتايىندا دەربەستىگى تولىق مويىندالعان التىن وردا (جوشى ۇلىسى) يمپەرياسىنىڭ 750 جىلدىعى بيىل تويلانباق. جوشىنىڭ ۇلدارى باتۋ حان نەگىزىن قالاپ، بەركە حان ىرگەسىن بەكىتكەن «التىن وردا» موڭكە تەمىردىڭ بيلىگى تۇسىندا 1269 جىلى تالاس وزەنىنىڭ بويىندا شاقىرىلعان شىڭعىس ۇرپاقتارىنىڭ قۇرىلتايىندا ءوز الدىنا دەربەس يمپەريا ەكەنىن تولىق مويىنداتۋعا قول جەتكىزدى. قازاق دالاسىندا وسىدان سەگىز عاسىر بۇرىن قۇرىلعان الىپ يمپەريا التىن وردانىڭ مەرەيتويى ۇلىتاۋدا وتەدى.
«ءىس-شارانىڭ ماقساتى “التىن وردانىڭ” تاريحىن مەكتەپ جاسىنا دەيىنگى بالالارعا قىزىقتى، ءارى تۇسىنىكتى ەتىپ جەتكىزۋ ەدى. وقۋ قىزمەتىندە بالالار وزدەرىن سول “التىن وردا” ۇلىسىنىڭ باتىرىنداي كورسەتە ءبىلدى. التىن وردانىڭ 750 جىلدىعىن تويلاۋ “ماڭگىلىك ەل” بولۋدى كوزدەگەن ەلباسىمىز ن.نازارباەۆتىڭ باستاماسى. “التىن ورداعا -750 جىل” اتتى تاريحي ماڭىزى بار مەرەكەلىك ءىس-شارانى قالالىق دەڭگەيدە وتكىزدىك. قالاداعى وزگە بالاباقشالاردان دا پەداگوگ مامانداردى شاقىردىق. ويعا العان جوسپارىمىز ورىندالىپ، بالالار ءوز دەڭگەيىندە تاريحتان ماعۇلمات الدى»، -دەدى كمقك N 37 بوبەكجاي-بالاباقشاسىنىڭ مەڭگەرۋشىسى اينۇر الىمبەكوۆا.
ءامىربولات قۇسايىنۇلى، الماتى
پىكىر قالدىرۋ