ۇلتتىڭ جامانى جوق. الايدا، ءاربىر ۇلتتىڭ ءوز ۇستانىمى، ءدىلى مەن ءدىنى، ادەت-عۇرپى، سالت-ءداستۇرى بار. ءجۇز جەردەن ماحاببات پەن تۇسىنىستىك بولعاننىڭ وزىندە ۇلتتىق بولمىسى جاعىنان ءبىر-بىرىنەن ەرەكشەلەنىپ، كوزقاراس ەكىگە بولىنەدى. بىرەۋدىڭ قاتەلىگىن كورىپ، ادام ونى قايتالاماۋعا تىرىسۋى تيic.
ءبىر بەيتانىس قىزدىڭ اڭگىمەسى ءالى ويىمنان كەتەر ەمەس. ۇلدە مەن بۇلدەگە ورانىپ، ەرتەگىدەگى حانشايىمداي ءومىر سۇرەمىن دەپ ويلاپ، اراب اراب جىگىتىنە تۇرمىسقا شىعادى. ءسويتىپ ونىمەن بىرىككەن اراب امىرلىگىنە كەتە بارادى. وندا بارعاندا كۇيەۋى قارا حيدجاپ كيگىزىپ، ۇيدە قاماپ ۇستايدى. وزىنەن باسقا تاعى ءۇش اراب ايەلى بار ەكەن. ول اراب جىگىتىنە تۇرمىسقا شىققانىنا قاتتى وكىنەدى. مۇندا نەگە كەلدىم دەپ جىلاۋمەن كۇندەرى وتەدى. ارمانى كوز الدىنان بال-بۇل ۇشادى. قاشۋدىڭ امالىن قاراستىرادى. بالالى بولادى. ەكى رەت قاشقاندا كۇيەۋى ۇستاپ الىپ، قۇجاتتارىن تارتىپ الىپ، ەلدەن شىعارمايتىنداي ەتەدى، قارا تىزىمگە ەنگىزەدى.
كۇيەۋى باسقا ەلگە ىسساپارعا كەتكەنىن پايدالانىپ، ۇيدە تىعۋلى قۇجاتتى تاۋىپ الىپ، بالاسىمەن قاشادى. قازاقستانعا باراتىن اقشاسى بولماعاندىقتان جول-جونەكەي كولىك توقتاتىپ، قايىر سۇراپ العا جىلجىپ وتىرعان. ەلشىلىكتەن كومەك سۇراپ، ەلگە ورالعان. اراب جىگىتىنە تۇرمىسقا شىققانىنا وكىنەتىنىن قايتا-قايتا ايتىپ، قازاق قىزدارىنىڭ باسقا ۇلت وكىلىنە تۇرمىسقا شىعۋىنا كەڭەس بەرمەيتىنىن، وعان قارسى ەكەنىن ءبىلدىردى. تانىمى مەن بولمىسى بولەك، كوزقاراستارى ءارتۇرلى بولعاندىقتان اركىم ءوز ۇلتىنا ۇيلەنگەنى دۇرىس ەكەن دەيدى ومىردەن تاياق جەگەن قۇربىم.
قىزدار، قۇلاقتارىڭىزعا «التىن سىرعا»، ەشقاشان، قانداي جاعداي بولماسىن وزگە ۇلت وكىلدەرىنە تۇرمىسقا شىعۋعا قىزىقپاڭىزدار! وزگە ۇلتقا تۇرمىسقا شىعىپ، شەكەسى قىزىپ جۇرگەن ىلۋدە ءبىر كەزدەسەر، ياعني 10 قىزدىڭ بىرەۋى عانا. ال قالعانى تۋعان-تۋىسىنان اجىراپ، توتىقۇستاي توردا ءومىر ءسۇرىپ،ەشقانداي بايلىق تا، باقىت تا جوق ەكەنىن ءبىلىپ، وكىنىپ جاتقاندارى بارشىلىق. بەيحابار كەتكەن قانشاما قازاق قىزدارى دا بار.
«باقىت وڭاي سيپاتپايدى بۇرىمىن» دەپ م.شاحانوۆ اعامىز ايتقانداي، باقىتتى الىستان ىزدەمەي، جانىڭىزدان ىزدەسەڭىز تابىلادى. سوندىقتان پاتەردەن پاتەرداى جاعالاسا دا قازاقتىڭ جىگىتىنىڭ ەتەگىنەن ۇستاعان دۇرىس. كەيبىر ادامدار ىشكىش، جالقاۋ قازاق جىگىتتەرىنە تۇرمىسقا شىققانشا، جاعدايى جاقسى وزگە ۇلتقا كەتكەن دۇرىس دەپ اقىل ايتادى. بىزدە باي بولسا بولدى، ۇلتىنا قاراماي كەتە بەر دەگەن قاعيدا پايدا بولا باستادى. تۇرمىسقا شىققىڭ كەلسە، شەتەلگە بارىڭدار، ول جاقتا ەركەكتەر كوپ دەيتىن پىكىرلەردى فەيسبۋكتەن وقىپ قالدىم.
بىردە تاكسيگە بىرگە مىنگەن قىزدىڭ جانىنداعى جىگىت تۇرىك ەكەن. ودان «بۇعان نەسىنە قىزىقتىڭ، قازاق جىگىتتەرى قۇرىپ قالدى ما» دەپ سۇرادىم. ول: «قازاقتىڭ جىگىتتەرى دورەكى، جالقاۋ، تۇرىكتىڭ جىگىتتەرى سياقتى قىزعا قاتتى كوڭىل بولمەيدى» دەدى. مىنە، وسىلاي ءبىر كىز باسقا ۇلتقا تاعى كەتتى. ال ولاردىڭ ءوز ەلدەرىندە ايەلى مەن بالا-شاعالارى بار. نە دەيمىز، وزگە ۇلتقا تۇرمىسقا شىعىپ قويعاندارعا باقىت تىلەيمىز. ال ءالى تۇرمىس قۇرماعان قىزدارعا وزگە ۇلت وكىلدەرىنە قۇمار بولماڭىزدار دەيمىز. قازاقستاندا قىزدار كوپ، جىگىتتەر از دەگەنمەنەن ۇيلەنەتىن جىگىتتەر بارشىلىق.
قورىتا ايتقاندا، قازاقتىڭ قانى بۇزىلماسىن، قازاق قىزدارى تەك قازاق جىگىتتەرىنە تۇرمىسقا شىقسىن!
قارلىعاش نۇرباي
Facebook-تەگى پاراقشاسىنان

Alashainasy.kz