Wlttıñ jamanı joq. Alayda, ärbir wlttıñ öz wstanımı, dili men dini, adet-ğwrpı, salt-dästüri bar. Jüz jerden mahabbat pen tüsinistik bolğannıñ özinde wlttıq bolmısı jağınan bir-birinen erekşelenip, közqaras ekige bölinedi. Bireudiñ qateligin körip, adam onı qaytalamauğa tırısuı tiic.
Bir beytanıs qızdıñ äñgimesi äli oyımnan keter emes. Ülde men büldege oranıp, ertegidegi hanşayımday ömir süremin dep oylap, arab arab jigitine twrmısqa şığadı. Söytip onımen Birikken Arab Ämirligine kete baradı. Onda barğanda küyeui qara hidjap kigizip, üyde qamap wstaydı. Özinen basqa tağı üş arab äyeli bar eken. Ol arab jigitine twrmısqa şıqqanına qattı ökinedi. Mwnda nege keldim dep jılaumen künderi ötedi. Armanı köz aldınan bal-bwl wşadı. Qaşudıñ amalın qarastıradı. Balalı boladı. Eki ret qaşqanda küyeui wstap alıp, qwjattarın tartıp alıp, elden şığarmaytınday etedi, qara tizimge engizedi.
Küyeui basqa elge issaparğa ketkenin paydalanıp, üyde tığulı qwjattı tauıp alıp, balasımen qaşadı. Qazaqstanğa baratın aqşası bolmağandıqtan jol-jönekey kölik toqtatıp, qayır swrap alğa jıljıp otırğan. Elşilikten kömek swrap, elge oralğan. Arab jigitine twrmısqa şıqqanına ökinetinin qayta-qayta aytıp, qazaq qızdarınıñ basqa wlt ökiline twrmısqa şığuına keñes bermeytinin, oğan qarsı ekenin bildirdi. Tanımı men bolmısı bölek, közqarastarı ärtürli bolğandıqtan ärkim öz wltına üylengeni dwrıs eken deydi ömirden tayaq jegen qwrbım.
Qızdar, qwlaqtarıñızğa «altın sırğa», eşqaşan, qanday jağday bolmasın özge wlt ökilderine twrmısqa şığuğa qızıqpañızdar! Özge wltqa twrmısqa şığıp, şekesi qızıp jürgen ilude bir kezdeser, yağni 10 qızdıñ bireui ğana. Al qalğanı tuğan-tuısınan ajırap, totıqwstay torda ömir sürip,eşqanday baylıq ta, baqıt ta joq ekenin bilip, ökinip jatqandarı barşılıq. Beyhabar ketken qanşama qazaq qızdarı da bar.
«Baqıt oñay sipatpaydı bwrımın» dep M.Şahanov ağamız aytqanday, baqıttı alıstan izdemey, janıñızdan izdeseñiz tabıladı. Sondıqtan päterden päterdäi jağalasa da qazaqtıñ jigitiniñ eteginen wstağan dwrıs. Keybir adamdar işkiş, jalqau qazaq jigitterine twrmısqa şıqqanşa, jağdayı jaqsı özge wltqa ketken dwrıs dep aqıl aytadı. Bizde bay bolsa boldı, wltına qaramay kete ber degen qağida payda bola bastadı. Twrmısqa şıqqıñ kelse, şetelge barıñdar, ol jaqta erkekter köp deytin pikirlerdi feysbukten oqıp qaldım.
Birde taksige birge mingen qızdıñ janındağı jigit türik eken. Odan «bwğan nesine qızıqtıñ, qazaq jigitteri qwrıp qaldı ma» dep swradım. Ol: «qazaqtıñ jigitteri döreki, jalqau, türiktiñ jigitteri siyaqtı qızğa qattı köñil bölmeydi» dedi. Mine, osılay bir kız basqa wltqa tağı ketti. Al olardıñ öz elderinde äyeli men bala-şağaları bar. Ne deymiz, özge wltqa twrmısqa şığıp qoyğandarğa baqıt tileymiz. Al äli twrmıs qwrmağan qızdarğa özge wlt ökilderine qwmar bolmañızdar deymiz. Qazaqstanda qızdar köp, jigitter az degenmenen üylenetin jigitter barşılıq.
Qorıta aytqanda, qazaqtıñ qanı bwzılmasın, qazaq qızdarı tek qazaq jigitterine twrmısqa şıqsın!
Qarlığaş Nwrbay
Facebook-tegi paraqşasınan

Alashainasy.kz