قازاقستان ۇلتتىق بانكىنىڭ توراعاسى قايرات كەلىمبەتوۆ كتكتەلەارناسىنداعى “سلۋگي نارودا” باعدارلاماسىنىڭ تىلشىسىنە ەكسكليۋزيۆتى سۇحبات بەردى. باعدارلاما ەفيرگە 23 تامىزدا شىقتى.

كەلىمبەتوۆ قازاقستاندىقتاردىڭ كوكەيىندە جۇرگەن بىرنەشە سۇراققا جاۋاپ بەردى: ۆاليۋتالىق باعامعا تۇزەتۋ جاسالا ما، ءبىر ساتتىك دەۆالۆاتسيا بولۋى مۇمكىن بە، دوللار مەن ەۋروعا نە بولادى، دەدوللاريزاتسيا قالاي وتەدى، مۇنايدىڭ، ازىق-تۇلىك پەن كيىمنىڭ باعاسى قالاي وزگەرەدى، زەينەتاقى قورىندا قانداي وزگەرىس بولادى، جيناق قورىن قاي ۆاليۋتامەن ساقتاعان دۇرىس، دەۆالۆاتسيانىڭ بولعانىن كىم تالاپ ەتىپ وتىر، التىن-ۆاليۋتا رەزەرۆىندەگى جاعداي قالاي.

كەلىمبەتوۆ ۇلتتىق بانكتىڭ التىن-ۆاليۋتا رەزەرۆىنىڭ 2015 جىلدىڭ العاشقى ماۋسىمىندا الدىڭعى جىلدىڭ سايكەس كەزەڭىنە قاراعاندا “17 پايىزعا وسكەنىن، ياعني 29 ميلليارد دوللارعا جاقىنداعانىن” ء(ساۋىر-مامىر) ايتتى.

ۇلتتىق بانك توراعاسى رەتتەۋشىنىڭ “ينفلياتسيالىق تارگەتتەۋ ساياساتىنا” قالاي وتكەنىن ايتىپ بەردى. ونىڭ ايتۋىنشا، بۇل رەسەيدە بىلتىر بولعان جاعدايعا ۇقساس. “رەسەيدىڭ ورتالىق بانكى 5-7 جىل بويى دايىندالدى. دەدوللاريزاتسيا بويىنشا ۇلكەن جۇمىستار جاسالدى. رەسەيدىڭ بانك جۇيەسى مەن ۆاليۋتالىق دەپوزيتىنىڭ دەڭگەيى 20-25 پايىزدان جوعارى ەمەس”، – دەدى كەلىمبەتوۆ.

تەلەارنا ءتىلشىسى ءوز كەزەگىندە قازاقستان رەسەيدىڭ ء“جۇرىپ وتكەن جولىنمەن وتۋگە دايىن ەمەس” ەكەنىن ايتتى.

كەلىمبەتوۆتىڭ ايتۋىنشا، ەكى جىل ىشىندە قازاقستاندا تەڭگە ورتاشا ەسەپپەن 22 پايىزعا تومەندەدى: “الەمدىك باسەكەلەستىككە سايكەس قۇنسىزدانۋ بولدى”.

ۇلتتىق بانك توراعاسى “دەدوللاريزاتسيا بويىنشا وتە ماڭىزدى جۇمىستاردىڭ” ارنايى كەستەمەن جۇرگىزىلىپ جاتقانىن مالىمدەدى. “ەگەر ءسىز جىلجيتىن جانە جىلجىمايتىن مۇلىكتى ساتىپ الۋ جونىندە كەلىسىمشارتقا وتىرساڭىز، ول مەملەكەتتىك تىركەۋدەن وتكىزىلەدى، سايكەسىنشە ونىڭ اقىسىن تەڭگەمەن تولەۋ كەرەك بولادى”، – دەدى ول.

كەلىمبەتوۆ دەدوللاريزاتسيانىڭ ءبىر كۇندە اياقتالمايتىنىن ايتتى. “بۇل زاڭ جوباسىنىڭ وزگەرۋى، حالىقتىڭ قارجىلىق ساۋاتتىلىعى. شامامەن 3-5 جىلدا اياقتالادى”.

كەلىمبەتوۆتىڭ ايتۋىنشا، بۇرىن مەملەكەت دەپوزيتكە اقشا سالعاندارعا بەس ميلليونعا دەيىنگى سوماعا كەپىلدىك بەرسە (دوللارمەن دە، تەڭگەمەن دە), جاڭا زاڭ جوباسى بويىنشا ەندى تەك تەڭگەمەن اقشا ساقتاعاندارعا 10 ميلليونعا دەيىن كەپىلدىك بەرىلەدى.

تەڭگەنىڭ كەلەشەگى تۋرالى سۇراققا ۇلتتىق بانك توراعاسى بىلاي دەپ جاۋاپ بەردى: “مۇناي باعاسى ەندى 100 دوللار نەمەسە ودان جوعارى بولمايدى. الداعى ءۇش جىلدا باررەل 70-80 دوللار بولادى دەپ ۇمىتتەنەمىز. سونىمەن قاتار، قازاقستان تاڭداپ وتىرعان ساياسات عاجايىپ اكەلمەيدى، سوندىقتان دا باررەل باعاسى 50 دوللار بولادى دەپ بولجاپ، سوعان سايكەس بيۋدجەتتى ۇنەمدەۋ كەرەك”.

“ۇلتتىق بانكتىڭ ماقساتى باعانىڭ وسۋىنە جول بەرمەۋ. پرەزيدەنت 2020 جىلعا 3-4 پايىز ينفلياتسياعا جەتۋگە تاپسىرما بەردى”، – دەدى كەلىمبەتوۆ.

ۇلتتىق بانك توراعاسى رەسەيگە سالىنعان سانكتسيالاردىڭ قازاقستانعا اسەرى تۋرالى سۇراققا دا جاۋاپ بەردى. كەلىمبەتوۆ رەسەي ەكونوميكاسى الدەقايدا ورنىقتى ەكەنىنە سەنىمدى.

كەلىمبەتوۆ جيناق قوردى تەڭگەمەن دە، شەتەل ۆاليۋتاسىمەن دە پروپورتسيونالدى تۇردە ساقتاۋعا كەڭەس بەردى. “بۇل دا بيزنەس جوسپارعا بايلانىستى. تەڭگە نەمەسە دوللارمەن قايدا ساقتايتىنىڭىزعا بايلانىستى”، – دەدى ول. كەلىمبەتوۆ 4700 ادام دەپوزيت اشقان “ۆاليۋت-ترانزيت بانكتىڭ” 2006 جىلعى جاعدايىن ەسكە الدى. ول ءار سالىمشىعا مەملەكەتتىڭ 4,3 ميلليون تەڭگە تولەگەنىن ايتتى.

ء“بىز تۇبەگەيلى وزگەرىستىڭ بولماۋى ءۇشىن جۇمىس ىستەپ جاتىرمىز. ءبىر جاعىنان، مەملەكەت باسشىسى جاڭا ساياساتقا وتەر الدىندا ەسكەرتۋ جاريالاناتىنىن ايتتى”، – دەدى ۇلتتىق بانك توراعاسى.

Tengrinews.kz