عالىم تۇرسىنبەك كاكىشەۆپەن قوشتاسۋ ءراسىمى ءال-فارابي اتىنداعى قازاق ۇلتتىق ۋنيۆەرسيتەتىنىڭ “ستۋدەنتتەر سارايىندا” ءوتتى. الماتى، 9 قىركۇيەك 2015 جىل.

مارقۇم تۇرسىنبەك كاكىشەۆتى اقتىق ساپارعا شىعارىپ سالۋعا كەلگەندەر.

الماتى قالاسىنىڭ اكىمى باۋىرجان بايبەك (ورتادا) پروفەسسور تۇرسىنبەك كاكىشەۆپەن قوشتاسۋ راسىمىندە.

قارالى راسىمگە كەلگەندەر مارقۇمنىڭ تۋعان-تۋىستارىنا كوڭىل ايتتى.

تۇرسىنبەك كاكىشەۆپەن قوشتاسۋ ءراسىمى كەزىندە مارقۇمنىڭ سۋرەتىن كوتەرىپ كەلە جاتقان جىگىتتەر. الماتى، 9 قىركۇيەك 2015 جىل.

تۇرسىنبەك كاكىشەۆپەن قوشتاسۋ راسىمىندەگى قارالى جيىن. الماتى، 9 قىركۇيەك 2015 جىل.

پروفەسسور تۇرسىنبەك كاكىشەۆپەن قوشتاسۋعا ستۋدەنتتەر مەن زەرتتەۋشىلەر، مارقۇمنىڭ تۋىستارى مەن جەرلەستەرى، الماتى قالاسى اكىمى جانە پارلامەنتتىڭ بىرنەشە دەپۋتاتى قاتىستى.

تۇرسىنبەك كاكىشەۆ 1950 جىلى قازاق مەملەكەتتىك ۋنيۆەرسيتەتىن بىتىرگەن سوڭ «لەنينشىل جاس» (قازىرگى «جاس الاش») گازەتىندە ءبولىم مەڭگەرۋشىسى، «مەكتەپ» باسپاسىندا اعا رەداكتور بولىپ قىزمەت اتقارعان. ​1952-1958 جىلدارى قازاقستان كومپارتياسى ورتالىق كوميتەتىنىڭ تاريحى ينستيتۋتىنىڭ عىلىمي قىزمەتكەرى، 1960-1968 جىلدارى ادەبيەت جانە ونەر ينستيتۋتىندا عىلىمي قىزمەتكەر بولعان. ال 1978-1986 جىلدارى قازاق مەملەكەتتىك ۋنيۆەرسيتەتىندە فيلولوگيا فاكۋلتەتىنىڭ دەكانى بولىپ ىستەگەن. ول - قازاق ادەبيەتتانۋ عىلىمىنىڭ تاريحى مەن سىنىنا ارنالعان ونداعان مونوگرافيالىق زەرتتەۋلەردىڭ اۆتورى.

قوشتاسۋ ءراسىمى ءال-فارابي اتىنداعى قازاق ۇلتتىق ۋنيۆەرسيتەتىندەگى “ستۋدەنتتەر سارايىندا” ءوتتى.

تۇرسىنبەك كاكىشەۆتى الماتىداعى كەڭساي زيراتىنا جەرلەدى.

مارقۇمدى جەرلەگەن سوڭ زيرات باسىندا قۇران وقىلدى. كەڭساي، الماتى، 9 قىركۇيەك 2015 جىل.

قازاقستاندىق بەلگىلى  ادەبيەتتانۋشى، پروفەسسور تۇرسىنبەك كاكىشەۆ 89 جاسىنا قاراعان شاعىندا، 2015 جىلى قىركۇيەكتىڭ 7-ءى كۇنى الماتىدا دۇنيەدەن ءوتتى.

سۋرەتتە: مارقمۇنىڭ زيراتى باسىنداعى تەمىر قورشاۋ. كەڭساي، الماتى، 9 قىركۇيەك 2015 جىل.

تۇرسىنبەك كاكىشەۆ زيراتىنا ورناتىلعان ۋاقىتشا بەلگىدەگى جازۋ. كەڭساي، الماتى، 9 قىركۇيەك 2015 جىل.

اسىلحان ماماشۇلى

ازاتتىق راديوسى