ادەبي الەم

اقسەلەۋ سەيدىمبەكوۆ اتىنداعى جاس اقىندار مەن جازۋشىلاردىڭ، كوسەمسوز شەبەرلەرىنىڭ وبلىستىق ادەبي-شىعارماشىلىق بايقاۋى وتەدى

kerey.kz

 |  Oct 20, 2016

ەل تاۋەلسىزدىگىنىڭ 25 جىلدىعىنا وراي، قاراعاندى وبلىسىنىڭ تىلدەردى دامىتۋ جونىندەگى باسقارماسى 2016 جىلعى 18 قاراشادا اقسەلەۋ سەيدىمبەكوۆ اتىنداعى جاس اقىندار مەن جازۋشىلاردىڭ، كوسەمسوز شەبەرلەرىنىڭ (قازاق جانە ورىس ءتىلدى) وبلىستىق ادەبي-شىعارماشىلىق بايقاۋىن وتكىزەدى.

بايقاۋ ەرەجەسى

بايقاۋدىڭ ماقساتى:

• مەملەكەتتىك ءتىلدىڭ قولدانىس اياسىن كەڭەيتۋ، ءتىل مادەنيەتىن كوتەرۋ;

• كوركەم ادەبيەت پەن كوسەمسوز جانرىن جانداندىرۋ;
• وزىندىك جازۋ ورنەگى بار جاس اقىندار مەن جازۋشىلاردى، كوركەمسوز شەبەرلەرىن انىقتاۋ;
• شىعارماشىلىعىمەن تانىلىپ جۇرگەن جاستارعا قولداۋ كورسەتۋ;
• ۇلى دالا تاريحى مەن مادەنيەتى، ۇلتتىق سالت-ءداستۇر، ۇلتتىق بولمىس ماسەلەلەرىنە ارنالعان
• شىعارمالاردى ناسيحاتتاۋ.

بايقاۋ شارتتارى:

— بايقاۋعا 16 – 35 جاس ارالىعىنداعى ۇمىتكەرلەر قاتىسا الادى;

— بايقاۋعا ەركىن تاقىرىپتا جازىلعان شىعارمالار ۇسىنىلادى;

— بايقاۋعا ۇسىنىلعان جۇمىستار سانىنا شەكتەۋ قويىلمايدى;
— ادەبي جۋرنالدارعا، باسقا بايقاۋلارعا ۇسىنىلعان شىعارمالار جانە تالاپقا ساي كەلمەيتىن ۇمىتكەرلەردىڭ شىعارمالارى قابىلدانبايدى; 
— ۇمىتكەرلەردىڭ بايقاۋعا ۇسىنعان شىعارمالارى قايتارىلمايدى جانە پىكىر بەرىلمەيدى;
— وسى بايقاۋدا بۇعان دەيىن باس جۇلدە العان جەڭىمپازدار قاتىسا المايدى; 
— ۇسىنىلعان شىعارمالار جازباشا جانە ەلەكتروندىق نۇسقادا Microsoft Word فايلدى فورماتى تۇرىندە (14 كەگلدە (شريفت), جولاراسى 1 ينتەرۆال، Times New Roman) قارپىمەن جىبەرىلەدى; 
— قاتىسۋشىلاردىڭ جول اقىسىن جىبەرۋشى جاق نەمەسە قاتىسۋشىنىڭ ءوزى تولەيدى. 
بارلىق تىركەلگەن شىعارمالاردى بايقاۋدىڭ  قازىلار القاسى الدىن الا قاراپ، قاتىسۋشىلاردىڭ ونەرىنە تالداۋ جاسايدى جانە باعالايدى.

ۇمىتكەرلەردىڭ شىعارمالارىن باعالاۋ كەزىندە:

• ۇسىنىلعان شىعارمالار تاقىرىبىنىڭ بايقاۋ ماقساتىنا سايكەستىگىنە;

• شىعارمانىڭ تاقىرىپتىق — يدەيالىق مازمۇنىنا;

• تۋىندىنىڭ كوركەمدىك ساپاسىنا;

• اۆتوردىڭ ءسوز ساپتاۋ مانەرى، ستيلدىك ەرەكشەلىگىنە نازار اۋدارىلادى.

بايقاۋعا قاتىسۋشىلار العىس حاتتارمەن، بايقاۋ جۇلدەگەرلەرى ديپلومدارمەن، اقشالاي سىيلىقتارمەن جانە اتالعان جانرلاردا ەرەكشە كوزگە تۇسكەن ۇمىتكەر اقسەلەۋ سەيدىمبەكوۆ اتىنداعى ارنايى جۇلدەمەن ماراپاتتالادى.

ارنايى جۇلدە بىرەۋ – 100 000 ء(جۇز مىڭ) تەڭگە
ءى ورىن ۇشەۋ – 60 000 (الپىس مىڭ) تەڭگەدەن
ءىى ورىن ۇشەۋ — 50 000 (ەلۋ مىڭ) تەڭگەدەن
ءىىى ورىن ۇشەۋ – 30 000 (وتىز مىڭ) تەڭگەدەن

بايقاۋعا ات سالىسىپ، قوسىمشا قولداۋ بىلدىرەمىز دەگەن ازاماتتار بولسا قارسىلىق بولمايدى.
بايقاۋعا قاتىسۋ ءۇشىن ۇمىتكەردىڭ تاپسىرىستارى (اتى-ءجونى، جۇمىس نەمەسە وقۋ ورنى، بايلانىس تەلەفوندارى كورسەتىلە وتىرىپ، جەكە كۋالىگىنىڭ كوشىرمەسىمەن قوسا) ا4 فورماتىنداعى كونۆەرتكە سالىنعان شىعارماسى (قازاق نەمەسە ورىس تىلدەرىندە ەلەكتروندى جانە قاعاز نۇسقاسى) 2016 جىلعى 12 قاراشاعا دەيىن قاراعاندى وبلىسىنىڭ تىلدەردى دامىتۋ جونىندەگى باسقارماسىندا (قاراعاندى قالاسى، گوگول كوشەسى, 34 ءۇي, تەل. 567476, 569348-ف) قابىلدانادى.

qasym.kz