Дариға туралы толғау
kerey.kz
Сара Қонақаева үлкен қызының да дәуірлеген сәттері жоқ емес. 2006 жылдың жазы. Мәскеудің қақ ортасындағы Тверская көшесі. КГБ-ФСБ полковнигі Пётр Стефанович Паршиковпен әңгіме-дүкен құрдым. Бұл кісі де жәй адам емес. Куба революциясы көсемдері – Фидель Кастро мен Че Геварамен араласқан радио, телекоммуникация тыңшысы болып табылады. Сондай білікті ардагер де апайымызды сыйлап, тамсана айтпай ма: “Дариға, Дариға…” Әрине, жоғары жақта жүргендердің көбісі оңбай тұрған қанішер, жемқорлар екендігі айдан анық. Соның өзінде де, әнші-бикештің сіңген еңбегін жоққа шығаруға болмайды. Оның сырлас досы, Майра Мұхаммедқызы, атақты Париж операсы сахнасыдан жарқырап көрінді. Қазақ-татар музыка маманы Равиль Гизатулин маған былай деді: “Майраның дауысы – сопрано. Әлем бойынша, күшті сопрано әншілер толып тұр. Дариғаның қолдауысыз Майра Париждің төріне шықпас еді”.
Сонымен, Дәкең – сыртқы саясатымыздың белді ойыншыларының бірі. Неге десеңіздер? Өйткені, тегеурінді шетелдіктердің біразы әлгі бикешті таниды. Мысалы, 2004 жылы, Алматыдағы “Палладиум” түнгі клубында АҚШ мықты саясаткерлерінің бірі, Ричард Холбруктың туған күні тойланды. Өз басым куә болдым Холбрук мырзаның алғыс айтқанына: “Дариға! Осы мерекелі кешті ешқашан ұмытпаймын!” Ал, 2019 жылы, КСРО Халық әртісі, керемет сазгер Евгений Дмитриевич Доганың кишиневтік үйінде қонақ болдым. Әңгіме барысында маэстро маған былай деді: “Дариға өз дисктерін тамаша шығарды! Олардың дыбыс сапасы мен полиграфия көркемдеулігі – үлгі етерлік дүние!” Көрдіңіздер ме? Қанша айтқанмен, өзге жұрттың өкілдері көбінесе мәсімов-қасымовтарды емес, Дариға ханымды сөз етеді. Бәлкім, оның бұрынғы күйеуі де әнші-бикештің көзқарасына игі әсер етті. Рахат Мұхтарұлы Әлиев қазақ футболын Еуропалық Одаққа кіргізіп, еліміздегі осы спорт түрінің дамуына жаңа серпіліс бергені сөзсіз. Ал, Қазақстанның қазіргі дипломатиясының тұтқасын ұстаған әкімсымақтар елімізді кері қайтару үшін, бізді сары орыс пен қара қытайдың бағытына итермелейді.
Бірақ, бірнеше жағдайларда арғын қызы мүлт кетті. Мысалы, деректі фильмдердің режиссёрі Станислав Петрович Чернышев 2000-шы жылдардың басында “Қазақфильм” киностудиясының жетекшісі болуға ұмтылды. Мақаламыздың бас кейіпкері Молдова тумасын қолдамады. Тәжірибелі кино қайраткері отандық фильмдердің қара шаңырағын көркейтер еді. Әзімов, Аманшаев сынды пысықайлармен салыстырғанда, Секең кино саласы мен Қазақстанға берілген адам ғой. Есесіне, Дариға апайымыз ұлты белгісіз сөзуар Володенька Рерихке демеушілік жасады, Израиль азаматы Александр Клебановке еліміздің телекоммуникация саласын аманат етті. 
Гүржістанның бұрынғы президенті Михаил Саакашвили туған елінің құқық қорғау жүйесін едәуір жақсартты, парақорлықтың деңгейін айтарлықтай төмендетті. Алайда, Михоның өзі талай қылмыс жасап, Гүржістан тарапынан ашылған қылмыстық істердің айыпталушысына айналды. Украинада тығылған Мишико кокаин пайдаланатын нашақор. Оның тәкаппарлығына өз басым бірнеше рет куә болдым. Назарбай тегімен жамылған бикеш те сондай. Арақ ішуді жақсы көреді теміртаулық қыз. Қатардағы адамдарға шекесінен қарайды миллиардер-әйел. Бірақ, әнші-бикештің қазіргі күрделі жағдайын есепке алып, Дариға апайымызға сәттілік тілеймін! Оның жақсы жерлері жоғарыда аталған кемшіліктерінен артық бола берсін!
Данияр НАУРЫЗ
Пікір қалдыру