Dariğa turalı tolğau
kerey.kz
Sara Qonaqaeva ülken qızınıñ da däuirlegen sätteri joq emes. 2006 jıldıñ jazı. Mäskeudiñ qaq ortasındağı Tverskaya köşesi. KGB-FSB polkovnigi Petr Stefanoviç Parşikovpen äñgime-düken qwrdım. Bwl kisi de jäy adam emes. Kuba revolyuciyası kösemderi – Fidel' Kastro men Çe Gevaramen aralasqan radio, telekommunikaciya tıñşısı bolıp tabıladı. Sonday bilikti ardager de apayımızdı sıylap, tamsana aytpay ma: “Dariğa, Dariğa…” Ärine, joğarı jaqta jürgenderdiñ köbisi oñbay twrğan qanişer, jemqorlar ekendigi aydan anıq. Sonıñ özinde de, änşi-bikeştiñ siñgen eñbegin joqqa şığaruğa bolmaydı. Onıñ sırlas dosı, Mayra Mwhammedqızı, ataqtı Parij operası sahnasıdan jarqırap körindi. Qazaq-tatar muzıka mamanı Ravil' Gizatulin mağan bılay dedi: “Mayranıñ dauısı – soprano. Älem boyınşa, küşti soprano änşiler tolıp twr. Dariğanıñ qoldauısız Mayra Parijdiñ törine şıqpas edi”.
Sonımen, Däkeñ – sırtqı sayasatımızdıñ beldi oyınşılarınıñ biri. Nege deseñizder? Öytkeni, tegeurindi şeteldikterdiñ birazı älgi bikeşti tanidı. Mısalı, 2004 jılı, Almatıdağı “Palladium” tüngi klubında AQŞ mıqtı sayasatkerleriniñ biri, Riçard Holbruktıñ tuğan küni toylandı. Öz basım kuä boldım Holbruk mırzanıñ alğıs aytqanına: “Dariğa! Osı merekeli keşti eşqaşan wmıtpaymın!” Al, 2019 jılı, KSRO Halıq ärtisi, keremet sazger Evgeniy Dmitrieviç Doganıñ kişinevtik üyinde qonaq boldım. Äñgime barısında maestro mağan bılay dedi: “Dariğa öz diskterin tamaşa şığardı! Olardıñ dıbıs sapası men poligrafiya körkemdeuligi – ülgi eterlik dünie!” Kördiñizder me? Qanşa aytqanmen, özge jwrttıñ ökilderi köbinese mäsimov-qasımovtardı emes, Dariğa hanımdı söz etedi. Bälkim, onıñ bwrınğı küyeui de änşi-bikeştiñ közqarasına igi äser etti. Rahat Mwhtarwlı Äliev qazaq futbolın Europalıq Odaqqa kirgizip, elimizdegi osı sport türiniñ damuına jaña serpilis bergeni sözsiz. Al, Qazaqstannıñ qazirgi diplomatiyasınıñ twtqasın wstağan äkimsımaqtar elimizdi keri qaytaru üşin, bizdi sarı orıs pen qara qıtaydıñ bağıtına itermeleydi.
Biraq, birneşe jağdaylarda arğın qızı mült ketti. Mısalı, derekti fil'mderdiñ rejisseri Stanislav Petroviç Çernışev 2000-şı jıldardıñ basında “Qazaqfil'm” kinostudiyasınıñ jetekşisi boluğa wmtıldı. Maqalamızdıñ bas keyipkeri Moldova tumasın qoldamadı. Täjiribeli kino qayratkeri otandıq fil'mderdiñ qara şañırağın körkeyter edi. Äzimov, Amanşaev sındı pısıqaylarmen salıstırğanda, Sekeñ kino salası men Qazaqstanğa berilgen adam ğoy. Esesine, Dariğa apayımız wltı belgisiz sözuar Voloden'ka Rerihke demeuşilik jasadı, Izrail' azamatı Aleksandr Klebanovke elimizdiñ telekommunikaciya salasın amanat etti. 
Gürjistannıñ bwrınğı prezidenti Mihail Saakaşvili tuğan eliniñ qwqıq qorğau jüyesin edäuir jaqsarttı, paraqorlıqtıñ deñgeyin aytarlıqtay tömendetti. Alayda, Mihonıñ özi talay qılmıs jasap, Gürjistan tarapınan aşılğan qılmıstıq isterdiñ ayıptaluşısına aynaldı. Ukrainada tığılğan Mişiko kokain paydalanatın naşaqor. Onıñ täkapparlığına öz basım birneşe ret kuä boldım. Nazarbay tegimen jamılğan bikeş te sonday. Araq işudi jaqsı köredi temirtaulıq qız. Qatardağı adamdarğa şekesinen qaraydı milliarder-äyel. Biraq, änşi-bikeştiñ qazirgi kürdeli jağdayın esepke alıp, Dariğa apayımızğa sättilik tileymin! Onıñ jaqsı jerleri joğarıda atalğan kemşilikterinen artıq bola bersin!
Daniyar NAURIZ
Pikir qaldıru