Ел басы Шамғон Қажығалиевтің қайтыс болуына байланысты марқұмның туған-туыстары мен жақындарына көңіл айту жеделхатын жолдады
kerey.kz
Жеделхатта Елбасы қазақ өнерінің аса көрнекті өкілі, барша халқымыздың мақтанышы болған Ш.Қажығалиевтің дүние салуына байланысты көңіл айтты-деп хабарлайды ақорда баспа сөз қызметі.
«Шамғон Сағаддинұлы халқымыздың арасынан шыққан алғашқы кәсіби дирижерлердің бірі, домбырашы, педагог ретінде өнеріміздің өркендеуіне өлшеусіз үлес қосты. Өзі басқарған Құрманғазы атындағы қазақ мемлекеттік халық аспаптары оркестрін әлемге танытып, талантты шәкірттердің бірнеше буынын тәрбиеледі. Ол ұлттық бай мұрамыз бен классикалық шығармаларды насихаттауға аса зор еңбек сіңірді», – делінген жеделхатта.
Нұрсұлтан Назарбаев соңына мол мұра қалдырған Ш.Қажығалиевтің жарқын бейнесі халқымыздың жадында мәңгі сақталатынын атап өтті.
Шамғон Сағаддинұлы Қажығалиев(15.6.1927 жылы туылған, Қазіргі Батыс Қазақстан облысы Жаңақала ауданы) – дирижер, Қазақстанның (1967) және КСРО (1985) халық артисі. Алматы консерваториясын (қазіргі Қазақ ұлттық консерваториясы, 1950),Санкт-Петербург консерваториясының опера-симфония дирижері факультін бітірген (1964). 1950 -60, 1964 – 68 жылдары және 1971 жылдан Қазақ халық аспаптары оркестрінің, 1968 -71 жылдары Қазақ симф. оркестрінің көркемдік жағын басқарушы және бас дирижері қызметін атқарды. 1970 жылдан Алматы консервато-риясында пед. қызметтен шұғылданды. Қажығалиевтың басқаруымен оркестр М.Глинка, Л.Бетховен, В.Моцарт, Г.Берлиоз, В.Моцарт, П.И. Чайков-ский, С.В. Рахманинов, С.С. Прокофьев, А.И. Хачатурян, Д.Д. Шостақович, А.Жүбанов, М.Төлебаев, Ғ.Жұбанова, С.Мұхамеджанов, т.б. қомпозиторлардың шығармаларын рындап, әлемнің көптеген елдерінде өнер көрсетті. Қазақ халық аспаптары оркестрі Қажығалиев жетекшілігімен Қытайда, Румынияда, Венгрияда, Финляндияда, Польшада, Италияда, Португалияда, Данияда, т.б.елдерде өнер сапарларында болды. Қазақстан Мемлекеттік сыйлық иегері (1982), Жастар мен студенттердің Бухаресте өткен дүниежүз, фес-тивалінің жеңімпазы (1953). Еңбек Қызыл Ту, “Құрмет белгісі”, “Халықтар достығы” ордендерімен марапатталған.
Елбасы мемлекет және қоғам қайраткері, Ұлттық ғылым академиясының академигі Қилыбай Медеубековтің қайтыс болуына байланысты марқұмның туған-туыстары мен жақындарына көңіл айту жеделхатын жолдады
Жеделхатта қазақ ғылымының көрнекті өкілі Қ.Медеубековтің Қазақ КСР Жоғарғы Кеңесінің төрағасы, Ленин атындағы Бүкілодақтық ауыл шаруашылығы ғылымдары академиясының (ВАСХНИЛ) вице-президенті, оның Шығыс бөлімшесі төралқасының төрағасы, білікті ғалым ретінде еліміздің өркендеуіне зор үлес қосқаны атап өтілген.
«Қилыбай Үсенұлы ауыл шаруашылығы саласына арнап көптеген мамандар мен ғалым шәкірттер даярлап, өзіндік мектебін қалыптастырды. Оның маңызды ғылыми еңбектері және жолын жалғастырушы ізбасарлары алдағы уақытта да ел игілігіне қызмет ете береді деп сенемін», – делінген жеделхатта.
Қазақстан Президенті республикамыздың дамуына көп еңбек сіңіріп, ғылымда айрықша із қалдырған Қ.Медеубековтің жарқын бейнесі халқымыздың жадында әрдайым сақталатынын айтты.
Қилыбай Үсенұлы Медеубеков[1] (15.5.1929 жылы туылған, Оңтүстік Қазақстан облысы Қазығұрт ауданы Абай ауылы) — ғалым, қоғам қайраткері, ауыл шаруашылғы ғылым докторы (1978), профессор. (1979), ҚР ҰА-ның академигі (1996), Қазақстанның ғылым мен техникаға еңбек сіңірген қайраткері (1997). К.А. Тимирязев атындағыМәскеу ауыл шаруашылғы академиясын бітірген (1953). Республиканың ғылыми-зерттеу мекемелерінде ғылыми жұмыстарымен айналысып, басшылық қызметтер атқарды. 1997 жылдан Мал шаруашылығы және ветеринария ғылыми-өндірістік орталығында. Медеубековтың академик Ә.Еламановпен бірге жүргізген ғылыми-зерттеу жұмыстары нәтижесінде республикадағы биязы жүнді, жоғары өнімді қой тұқымы — солтүстік қазақ мериносы шығарылды. Ол академик В.А. Больмонттың бастамасымен қолға алынған ағылшынның биязылау кроссбред жүнді қойларын жерсіндіру, сондай-ақ линкольн, ромни-марш, бордер-лейстер бітімдес қойлардың отандық репродукторларын құру жұмыстарын жалғастырды. Оның негізгі ғылыми ізденістері бағалы қой тұқымдарының гендік қорын сақтауға, жетілдіру және көбейтуге, таза тұқымды австралия мериностарының репродукторын құруға, солтүстік қазақ мериносын асылдандыруға және биязылау жүнді, төлді көп беретін қой тұқымын шығаруға бағытталған. 500-ден астам ғылыми еңбек жазған. Қазақстан Мемлекеттік сыйлық лауреаты (1974). Октябрь революциясы, “Халықтар достығы” және екі мәрте Еңбек Қызыл Ту ордендерімен, медальдармен марапатталған.
Пікір қалдыру