El bası Şamğon Qajığalievtiñ qaytıs boluına baylanıstı marqwmnıñ tuğan-tuıstarı men jaqındarına köñil aytu jedelhatın joldadı
kerey.kz
Jedelhatta Elbası qazaq öneriniñ asa körnekti ökili, barşa halqımızdıñ maqtanışı bolğan Ş.Qajığalievtiñ dünie saluına baylanıstı köñil ayttı-dep habarlaydı aqorda baspa söz qızmeti.
«Şamğon Sağaddinwlı halqımızdıñ arasınan şıqqan alğaşqı käsibi dirijerlerdiñ biri, dombıraşı, pedagog retinde önerimizdiñ örkendeuine ölşeusiz üles qostı. Özi basqarğan Qwrmanğazı atındağı qazaq memlekettik halıq aspaptarı orkestrin älemge tanıtıp, talanttı şäkirtterdiñ birneşe buının tärbieledi. Ol wlttıq bay mwramız ben klassikalıq şığarmalardı nasihattauğa asa zor eñbek siñirdi», – delingen jedelhatta.
Nwrswltan Nazarbaev soñına mol mwra qaldırğan Ş.Qajığalievtiñ jarqın beynesi halqımızdıñ jadında mäñgi saqtalatının atap ötti.
Şamğon Sağaddinwlı Qajığaliev(15.6.1927 jılı tuılğan, Qazirgi Batıs Qazaqstan oblısı Jañaqala audanı) – dirijer, Qazaqstannıñ (1967) jäne KSRO (1985) halıq artisi. Almatı konservatoriyasın (qazirgi Qazaq wlttıq konservatoriyası, 1950),Sankt-Peterburg konservatoriyasınıñ opera-simfoniya dirijeri fakul'tin bitirgen (1964). 1950 -60, 1964 – 68 jıldarı jäne 1971 jıldan Qazaq halıq aspaptarı orkestriniñ, 1968 -71 jıldarı Qazaq simf. orkestriniñ körkemdik jağın basqaruşı jäne bas dirijeri qızmetin atqardı. 1970 jıldan Almatı konservato-riyasında ped. qızmetten şwğıldandı. Qajığalievtıñ basqaruımen orkestr M.Glinka, L.Bethoven, V.Mocart, G.Berlioz, V.Mocart, P.I. Çaykov-skiy, S.V. Rahmaninov, S.S. Prokof'ev, A.I. Haçaturyan, D.D. Şostaqoviç, A.Jübanov, M.Tölebaev, Ğ.Jwbanova, S.Mwhamedjanov, t.b. qompozitorlardıñ şığarmaların rındap, älemniñ köptegen elderinde öner körsetti. Qazaq halıq aspaptarı orkestri Qajığaliev jetekşiligimen Qıtayda, Rumıniyada, Vengriyada, Finlyandiyada, Pol'şada, Italiyada, Portugaliyada, Daniyada, t.b.elderde öner saparlarında boldı. Qazaqstan Memlekettik sıylıq iegeri (1982), Jastar men studentterdiñ Buhareste ötken düniejüz, fes-tivaliniñ jeñimpazı (1953). Eñbek Qızıl Tu, “Qwrmet belgisi”, “Halıqtar dostığı” ordenderimen marapattalğan.
Elbası memleket jäne qoğam qayratkeri, Wlttıq ğılım akademiyasınıñ akademigi Qilıbay Medeubekovtiñ qaytıs boluına baylanıstı marqwmnıñ tuğan-tuıstarı men jaqındarına köñil aytu jedelhatın joldadı
Jedelhatta qazaq ğılımınıñ körnekti ökili Q.Medeubekovtiñ Qazaq KSR Joğarğı Keñesiniñ törağası, Lenin atındağı Bükilodaqtıq auıl şaruaşılığı ğılımdarı akademiyasınıñ (VASHNIL) vice-prezidenti, onıñ Şığıs bölimşesi töralqasınıñ törağası, bilikti ğalım retinde elimizdiñ örkendeuine zor üles qosqanı atap ötilgen.
«Qilıbay Üsenwlı auıl şaruaşılığı salasına arnap köptegen mamandar men ğalım şäkirtter dayarlap, özindik mektebin qalıptastırdı. Onıñ mañızdı ğılımi eñbekteri jäne jolın jalğastıruşı izbasarları aldağı uaqıtta da el igiligine qızmet ete beredi dep senemin», – delingen jedelhatta.
Qazaqstan Prezidenti respublikamızdıñ damuına köp eñbek siñirip, ğılımda ayrıqşa iz qaldırğan Q.Medeubekovtiñ jarqın beynesi halqımızdıñ jadında ärdayım saqtalatının ayttı.
Qilıbay Üsenwlı Medeubekov[1] (15.5.1929 jılı tuılğan, Oñtüstik Qazaqstan oblısı Qazığwrt audanı Abay auılı) — ğalım, qoğam qayratkeri, auıl şaruaşılğı ğılım doktorı (1978), professor. (1979), QR WA-nıñ akademigi (1996), Qazaqstannıñ ğılım men tehnikağa eñbek siñirgen qayratkeri (1997). K.A. Timiryazev atındağıMäskeu auıl şaruaşılğı akademiyasın bitirgen (1953). Respublikanıñ ğılımi-zertteu mekemelerinde ğılımi jwmıstarımen aynalısıp, basşılıq qızmetter atqardı. 1997 jıldan Mal şaruaşılığı jäne veterinariya ğılımi-öndiristik ortalığında. Medeubekovtıñ akademik Ä.Elamanovpen birge jürgizgen ğılımi-zertteu jwmıstarı nätijesinde respublikadağı biyazı jündi, joğarı önimdi qoy twqımı — soltüstik qazaq merinosı şığarıldı. Ol akademik V.A. Bol'monttıñ bastamasımen qolğa alınğan ağılşınnıñ biyazılau krossbred jündi qoyların jersindiru, sonday-aq linkol'n, romni-marş, border-leyster bitimdes qoylardıñ otandıq reproduktorların qwru jwmıstarın jalğastırdı. Onıñ negizgi ğılımi izdenisteri bağalı qoy twqımdarınıñ gendik qorın saqtauğa, jetildiru jäne köbeytuge, taza twqımdı avstraliya merinostarınıñ reproduktorın qwruğa, soltüstik qazaq merinosın asıldandıruğa jäne biyazılau jündi, töldi köp beretin qoy twqımın şığaruğa bağıttalğan. 500-den astam ğılımi eñbek jazğan. Qazaqstan Memlekettik sıylıq laureatı (1974). Oktyabr' revolyuciyası, “Halıqtar dostığı” jäne eki märte Eñbek Qızıl Tu ordenderimen, medal'darmen marapattalğan.
Pikir qaldıru