JURNALISTER ODAĞINIÑ JWMISIN jandandıru qajet
kerey.kz
Jaña közqaras, bir pikir
Qazaq jurnalisteri “Qazaq tildi käsibi jurnalist” attı birlestik qwrğan eken. NIET DWRIS. Dwrıs deytinim, qazaq tildi jurnalister qoğamnıñ, tipti biliktiñ nazarınan tıstau, öz betimen ömir sürip keldi. Osı künge deyin qazaq jurnalisteriniñ ne jazıp jatqanın tügendeytin (şetelşe aytqanda monitorlaytın) ne bir qoğamdıq wyımdar, ne bilik bolmadı. Ükimettik wyımdar Jurnalister küninde, ne respublikalıq meyramdarda özderiniñ közine tüsken jurnalisterdi marapattay saludı ädetke aynaldırğan. Olarda jurnalister turalı “Mınau qoğamnıñ damuına layıqtı üles qosıp jatır au” degen kvalifikaciyalıq oy tüsterine kirgen emes.
Aşığın aytqanda, osı tayauğa deyin QAZAQSTAN JURNALISTER ODAĞI” attı qoğam ömir sürip kelgen.
Onı basqarğan Seytqazı MATAEV mırza turalı jaman oy, pikir bildiru tipti nietimde joq. Degenmen, qay kezeñde de, QAZAQ JURNALISTERİNİÑ eñbekterine köñil bölinbedi.
ÄKELİ BALALI MATAEVTARDIÑ QAMAUDA OTIRĞANI JURNALISTER QOĞAMI ÜŞİN ÜLKEN ÖKİNİŞ! Biraq,, tağdırdıñ bwyrığı solay bolğannan keyin, QAZAQSTAN JURNALISTER ODAĞIN qarausız qaldıruğa BOLA MA! Qazir Qazaqstan Jurnalister odağı törağası qızmetin uaqıtşa “ÄDİL SÖZ” qoğamınıñ basşısı T.Kaleeva hanım atqarıp otır. T.KALEEVA hanımnıñ Qazaqstan Jurnalister odağınsız, “Ädil söz” qoğamında da otırğan qızmetteri jeterlik. Ol kisiniñ Qazaqstan Jurnalister odağınıñ jwmıstarımen aynalısuğa bılayşa da uaqıtı joq. Onıñ sırtında T.Kaleeva hanım qazaq baspasözine şolu jasap, monitoring jasap otıruğa tildik mümkindigi de, qazaq tildi kömekşileri de joq,
QAZAQSTAN JURNALISTER ODAĞI jekemenşik qoğam emes. Sondıqtan, Qazaqstan Jurnalister odağı TÖRAĞASI qızmetin Eldiñ, jurnalisterdiñ müddesin oylaytın, qamtamasız ete alatın WYIMDASTIRUŞILIQ QABİLETİ bar JURNALISKE TAPSIRU QAJET AQ.
Onday JURNALISTER aramızda bar ma! Ärine, bar.
Meniñ oyımşa, Qazaqstan Jurnalister odağı törağasınıñ qızmetin “Qazaq gazetteri” wjımın basqarıp otırğan J.KENJALINGE ne “Prezident jäne halıq” gazetin basqarıp otırğan Marat TOQAŞBAEV tärizdi aq jürek jurnalisterge tapsıru kerek.
Al, jaña qwrılıp jatqan “Qazaq tildi käsibi jurnalister” birlestigine keletin bolsaq, Birlestiktiñ atı da wtımdı qoyılmağan. “Käsibi”, käsibi” emes, dep jurnalisterdiñ arasına jik saluğa bolmaydı. Kez kelgen jurnalist basılımdarda, sayt, portaldarda qızmet istep jürgen jurnalister qoğam ömirine aralasıp, jazuğa mindetti. Al, käsibi şeberlikti uaqıt qalıptastıradı. Sondıqtan atı dwrıs qoyılmağan birlestiktiñ, zatı da dwrıs bolatınına kümänim bar.
Qorıta aytqanda, törağanı qayta tağayındap, QAZAQSTAN JURNALISTER ODAĞINIÑ jwmısın jandandıru QAJET.
Jwmat ÄNESWLI, Qazaqstan Jurnalister odağınıñ ardageri
kerey.kz
Pikir qaldıru