Memleket basşısı kezdesu barısında qarauğa wsınılğan barlıq mäselelerdiñ talqılanğanın atap ötti.

– Bizdiñ qarım-qatınasımızdıñ negizgi özegin sauda-sattıq qwraydı. Ol basqa da bağıttar boyınşa özara is-qimıldı damıtu mümkindigin qamtamasız etip otır. Bügingi kezdesu sauda aynalımın wlğaytu qajettigin ayqındap berdi. Öytkeni, 140 million AQŞ dolları kölemindegi qazirgi körsetkiş bizdiñ müddemizge say kelmeydi, – dedi Nwrswltan Nazarbaev.

Qazaqstan Prezidenti ekijaqtı sauda-ekonomikalıq baylanıstar salasında paydalanılmağan zor äleuet bar ekenine nazar audardı.

– Elderimiz mwnı ekijaqtı saudanı odan äri wlğaytu üşin paydalanuğa tiis. Qazaqstan Äzerbayjanğa metallurgiya önimin, eksportqa şığarılıp jatqan lokomotivterdi jetkizuge äzir. Äzerbayjannan keletin kökönis köleminiñ özi bir jılda 12 ese östi. Biz özara kelisip, tauar aynalımın tayau kezeñde 500 million AQŞ dollarına deyin wlğayta alamız, – dedi Memleket basşısı.

Odan soñ Nwrswltan Nazarbaev eki eldiñ kölik-tranzit salasın damıtudıñ basımdığı bar bağıt ekenin atap ötti.

– Qazaqstanda Qıtay şekarasınan Kaspiy teñizine deyin wzındığı 2000 şaqırımday bolatın temirjol, sonday-aq «Batıs Europa – Batıs Qıtay» avtojolı salındı. Olar öz nätijesin bere bastadı. Qazirgi uaqıtta jükterdi Qıtay Halıq Respublikasınan Europağa Kavkaz jäne Kaspiy teñizi arqılı jetkizu mäselesi tuındap otır. Bwl Äzerbayjan üşin zor äleuettiñ bar ekenin bildiredi, – dedi Qazaqstan Prezidenti.

Memleket basşısı älemdik narıqta eki el de mañızdı röl ie bolıp otırğan energetika salasındağı ıntımaqtastıqtıñ strategiyalıq sipatı bar ekenin ayttı.

– Biz mwnay jäne mwnay önimderin älemdik narıqtarğa, sonıñ işinde Äzerbayjan aumağı arqılı da kidirissiz jetkizudi qamtamasız etuge müddelimiz. Qazaqstanda iri jobalardı iske qosqanda biz qwral-jabdıq öndirisi nemese özge de önimder jergilikti jerde bolu üşin qajetti jağday jasauğa tırısamız. Osığan oray biz tiisti täjiribe men maşıq qalıptasqan salalarda birlesken öndiris käsiporındarın qwru mümkindigin talqıladıq, – dedi Nwrswltan Nazarbaev.

Kezdesu kezinde Qazaqstan Prezidenti halıqaralıq jäne öñirlik wyımdar ayasındağı özara is-qimıl mäseleleri de äñgimege arqau bolğanın atap ötti.

– BWW Qauipsizdik keñesiniñ twraqtı emes müşesi retinde Qazaqstan öñirlik problemalarğa köñil audaradı. Bizdiñ el Äzerbayjan men Armeniya janjalına qatıstı BWW ayasında qabıldanğan qararlarda qol jetkizilgen kelisimderdi wstanadı. Qazaqstan barlıq elmen dostıq qatınastı qoldaydı jäne ärqaşan dau-damaydıñ beybit rettelgenin qalaydı, – dedi Memleket basşısı.

Bwdan bölek, Memleket basşısı terrorizmmen küres salasında özara is-qimıl ornatu qajettigine toqtaldı.

Nwrswltan Nazarbaev mädeni-tarihi qwndılıqtarımızdıñ ortaqtığın jäne özara qarım-qatınas jasauda şeşilmegen tüytkilder joq ekenin atap ötip, keñ auqımdı mäseleler jöninde odan äri özara tiimdi is-qimıl üşin qajetti zor mümkindikterge nazar audardı.

– Bwl saladağı ıntımaqtastıqtıñ äleueti zor, ol şığarmaşılıq ziyalı qauım ökilderiniñ, oqu orındarı men ğılımi mekemelerdiñ tığız baylanısı arqılı jalğasıp keledi. Qazaqstanda twrıp jatqan 130 mıñ äzerbayjan diasporası ökilderi memleketterimiz arasındağı mañızdı däneker bolıp sanaladı, – dedi Qazaqstan Prezidenti.

Soñında Memleket basşısı qonaqjaylığı üşin Äzerbayjan Prezidenti men halqına alğıs bildirip, baq-bereke jäne igilik tiledi.

Nwrswltan Nazarbaev I.Älievti Astana qalasında ötetin Şanhay ıntımaqtastıq wyımı otırısına jäne «EKSPO-2017» halıqaralıq körmesiniñ aşılu saltanatına qwrmetti qonaq retinde qatısuğa şaqırdı.

I.Äliev qarım-qatınasımızdıñ berik negizi bar ekenin, jürgizilgen  kelissözder men qol qoyılğan qwjattar sonıñ däleli bolıp sanalatının ayttı.

Äzerbayjan köşbasşısı halıqaralıq arenada eki eldiñ özara tiimdi is-qimıl ornatıp otırğanın atap ötti.

– Halıqaralıq jäne öñirlik qwrılımdar ayasında sayasi özara is-qimıldıñ belsendi damıp kele jatqanı bayqaladı. Nwrswltan Nazarbaevtı jäne Qazaqstan halqın BWW Qauipsizdik Keñesiniñ twraqtı emes müşesi bolıp saylanumen tağı da qwttıqtaymın, – dedi I.Äliev.

Äzerbayjan Prezidenti osı jolğı sapar ayasında sauda-ekonomikalıq ıntımaqtastıqtıñ barlıq qırı jan-jaqtı talqılanğanın ayttı.

– Jaqın arada vedomstvoaralıq ükimet komissiyası otırısın ötkizu turalı şeşim qabıldandı. Elderimizdiñ ekijaqtı tauar aynalımı kölemin arttıruğa mümkindik beretin eksporttıq wstanımdarı talqılanatın boladı. Äzerbayjannıñ Qazaqstan ekonomikasına nemese kerisinşe Qazaqstannıñ Äzerbayjanğa salğan investiciyasınıñ öskeni – quantarlıq jayt. Bwğan eki taraptan da zor müddelilik bar, – dedi I.Äliev.

Soñında Äzerbayjan köşbasşısı ekijaqtı kelissöz barısında sauda-ekonomika, kölik jäne energetika mäseleleri jönindegi talqılaulardıñ bäri sındarlı sipatta bolğanın atap ötti.

***

Memleket basşısınıñ Äzerbayjanğa resmi saparı ayasında tömendegidey qwjattarğa qol qoyıldı:

– «Qazaqstan temirjolı» wlttıq kompaniyası» akcionerlik qoğamı men «Äzerbayjan temirjolı» jabıq akcionerlik qoğamı arasındağı Logistika jäne temirjol köligi maşinasın jasau salasındağı strategiyalıq ıntımaqtastıq turalı kelisim;

–Qazaqstan Respublikasınıñ Ükimeti men Äzerbayjan Respublikasınıñ Ükimeti arasındağı 1996 jılğı 16 qırküyektegi Tabıs pen mülikke qosarlanğan salıq saludı boldırmau jäne salıq töleuden jaltaruğa jol bermeu turalı konvenciyağa özgerister men tolıqtırular engizu turalı Qazaqstan Respublikasınıñ Ükimeti men Äzerbayjan Respublikasınıñ Ükimeti arasındağı hattama;

– Qazaqstan Respublikasınıñ Ükimeti men  Äzerbayjan Respublikasınıñ Ükimeti arasındağı Halıqaralıq avtomobil' qatınası turalı kelisim;

– Qazaqstan Respublikasınıñ Sırtqı ister ministrligi men Äzerbayjan Respublikasınıñ Sırtqı ister ministrligi arasındağı 2017-2018 jıldarğa arnalğan ıntımaqtastıq bağdarlaması;

– Qazaqstan Respublikasınıñ Ükimeti men Äzerbayjan Respublikasınıñ Ükimeti arasındağı Ösimdikter karantini jäne olardı qorğau salasındağı ıntımaqtastıq turalı kelisim;

– Qazaqstan Respublikasınıñ Prezidenti Nwrswltan Nazarbaev pen Äzerbayjan Respublikasınıñ Prezidenti Il'ham Älievtiñ birlesken deklaraciyası.