Şäkerim qajınıñ atına qatıstı
kerey.kz
Şäkerimdi “Şäkärim” dep atau qalıptasıp ketti. Özim de osılay aytıp jürgem. Mwhtar Mağauin aqsaqaldıñ eki uäjinen soñ pikirimdi özgerttim. Aqsaqaldıñ sözinşe, birinşiden, Şıñğıstau, Baqanas pen Şwbartaudağı ağayını közi tirisinde häm keyin şayırdı “Şäkerim” dep atağan. Ekinşiden, tipti zamandastarınıñ közin körip, sözin estigenderge senbegen jağdayda, mınaday qisınğa toqtauğa boladı: qazaq tilinde “äkä” degen buın müldem joq, söz işinde kezdespeydi, fonetikalıq zañdılıqqa qayşı. “Äke”, “däke” (marlya), “Säke” degen siyaqtı ataular sonıñ ayğağı. Aqsaqaldıñ osı birinşi uäji-aq öz basıma jetkilikti edi, ekinşisi mwnıñ dwrıstığın äbden wğındırıp twr.
Ğalım BOQAŞtıñ facebook paraqşasınan alındı
BAS TÄUELSİZDİGİ
Adamnıñ şın minezi, oy-pikiri häm qabileti jeke bası üşin sayasi-ekonomikalıq täuelsizdik tuğanda ğana bilinedi (salıstırmalı türde aytıp otırmın, absolyut täuelsizdik bolmaydı, ärine). YAğni şama-şarqına qaray jaylı baspanası, twraqtı jwmısı häm tabıs közi, zeynet pen mwqtajdıq järdemaqısı bar; jılına kem degende bir märte şetke şığıp kele alatın erkindigi bar; aptasına az degende birneşe märte janı jaqın adamdarmen oyın-sauıq ortalıqtarına, ya sayasi-äleumettik klubtarğa barıp twratın jağdayı bar; mädeniet pen sport salasındağı hobbiin damıtatın, ğılım salasındağı talabın wştaytın äri läzzat alatın mümkindigi bar; boydaq bolsa, basına jetetin, otbasılı bolsa, bala-şağasına jetetin, zeynetker bolsa, kütimine jetetin qorı bar adam ğana tuğan-tuıs häm dos-jarmen qarım-qatınasta da, bilikpen qarım-qatınasta da oyın bükpey aytatın şınşıl, anıq azamatqa aynaladı. Örkenietti rejimder zañnıñ üstemdigin ornatu arqılı halqına osınday sayasi-ekonomikalıq azattıq äperedi. Al qudalauşı rejimder zañnan üstemdigin ornatu arqılı halqına bas kötertpey, kişigin – wlığına, adalın – aramına, ädilin – äkkisine, mamanın – mansapqorğa, kärisin – jasına kiriptar etip qoyadı. Kiriptar adamnıñ şın söyleui, şın is qıluı, ärbirden soñ şın ömir sürui qiınnıñ qiını. “Kisiniñ qolına qarağannıñ küni qwrısın” deydi qazaqtıñ bir maqalı. Ras söz.
Ğalım BOQAŞtıñ facebook paraqşasınan alındı
Pikir qaldıru