|  |  | 

Жаһан жаңалықтары Саясат

АҚШ санкция ықтималдығымен «Кремль есебін» жариялады 


Ресей президенті Владимир Путин (оң жақта), осы елдің сыртқы істер министрі Сергей Лавров және Кремльдің баспасөз хатшысы Дмитрий Песков (арт жақта) ТМД елдері басшылары жиынында отыр. Сочи. 11 қазан, 2017 жыл.

Ресей президенті Владимир Путин (оң жақта), осы елдің сыртқы істер министрі Сергей Лавров және Кремльдің баспасөз хатшысы Дмитрий Песков (арт жақта) ТМД елдері басшылары жиынында отыр. Сочи. 11 қазан, 2017 жыл.

АҚШ қаржы министрлігі жариялаған “Кремль есебінде” Ресей президенті Владимир Путиннің айналасындағы санкция салынуы мүмкін адамдардың аты-жөні белгілі болды. Есепке ілінген 210 адамның ішінде үкімет мүшелері, Путин әкімшілігінің қызметкерлері, олигархтар және “өзге де жоғары лауазымды саяси жетекшілер” бар.

АҚШ-та жариялануы көптен күтілген осы тізімдегілер болашақта Америка санкциясына алынуы әбден мүмкін. “Кремль есебіне” Ресейдің 114 жоғары лауазымды саясаткерлері және 96 олигарх қамтылды. Бейресми түрде бұл есеп “Путин тізімі” деп аталады.

ТІЗІМДЕГІЛЕР

Аталған тізімге алынғандардың ішінде Ресей президентінің баспасөз хатшысы Дмитрий Песков, президент әкімшілігінің басшысы Андрей Вайно, премьер-министр Дмитрий Медведев және сыртқы істер министрі Сергей Лавров бірден көзге шалынады.

“Өзге де жоғары лауазымды саяси жетекшілер” бөлімінде Федерация кеңесінің басшысы Валентина Матвиенко, Мемлекеттік дума төрағасы Вячеслав Володин, Сыртқы барлау қызметінің директоры Сергей Нарышкин, Тергеу комитеnінің төрағасы Александр Бастрыкин, ФСБ басшысы Александр Бортников және Мәскеу мэрі Сергей Собяниннің аты-жөні аталған.

Ресей президенті Владимир Путин Қырымды Ресей Федерациясының субъектісі ретінде мойындайтын құжатқа қол қою кезінде. Сол жағында - Федерация кеңесінің басшысы Валентина Матвиенко. Оң жағында - Мемлекеттік думаның сол кездегі басшысы Сергей Нарышкин.

Ресей президенті Владимир Путин Қырымды Ресей Федерациясының субъектісі ретінде мойындайтын құжатқа қол қою кезінде. Сол жағында – Федерация кеңесінің басшысы Валентина Матвиенко. Оң жағында – Мемлекеттік думаның сол кездегі басшысы Сергей Нарышкин.

“Кремль есебінен” ресейлік мемлекеттік корпорациялар басшыларын да көруге болады. «Роснефть» басшысы Игорь Сечин, «Газпром» басшысы Алексей Миллер, «Ростех» жетекшісі Сергей Чемезов, “Ресей темір жолы” компаниясының бас директоры Олег Белозеров, Сбербанк басшысы Герман Греф, «Интер РАО» жетекшісі Борис Ковальчук – осы қатардағы тұлғалар. Тізімдегі «олигархтар сапында» Әлішер Усманов, Роман Абрамович, Сулейман Керимов, Олег Дерипаска, Евгений Касперский, Владимир Евтушенков, Петр Авен, Аркадий және Борис Ротенбергтер, Геннадий Тимченко, Олег Тиньков, Александр Мамут, Кирилл Шамалов, Михаил Прохоров, Владимир Потаниндер бар.

САНКЦИЯҒА ӘЛІ ЕРТЕ МЕ? 

“Кремль есебіне” қамтылған шенеуніктер мен олигархтарға болашақта санкция салынуы мүмкін. Алайда АҚШ президенті Дональд Трамптың әкімшілігі әзірге жақын арада ондай шара болмайтынын айтады.

30 қаңтарда жарияланған бұл тізім Конгреске 29 қаңтарда ұсынылған болатын. Тізім “Америка қарсыластарына санкция арқылы қарсы іс-шаралар” (CAATSA) федералдық заңының негізінде түзілген. Бұл заңға президент Трамп былтырғы тамыз айында құлықсыз кейіпте қол қойған. Аталған заңға Конгрестің қос палатасы басымдықпен дауыс берген еді. CAATSA заңы 2016 жылғы АҚШ президенті сайлауына Ресейдің қатысы болу ықтималдығына байланысты қабылданған.

Оқи отырыңыз: Ресей элитасы АҚШ санкциясынан қауіптенеді

Кремльдің баспасөз хатшысы Дмитрий Песков 29 қаңтарда АҚШ-тың биыл 18 наурызда Ресейде өтетін президент сайлауына осы есеп арқылы ықпал етуге тырысатынын айтқан.

26 қаңтарда АҚШ Ресейдің Қырымды аннексиялап, Украинаның шығысындағы жағдайға араласуына байланысты санкциясын ұлғайтқан болатын. Ол уақытта тағы да 21 адам және тоғыз компания санкцияға ілінген. Олардың арасында Ресей энергетика министрінің орынбасары Андрей Черезов, “Технопромэкспорт” компаниясы және “Сургутнефтегаздың” еншілес компаниялары бар.

Азаттық радиосы

Related Articles

  • Қызғаныш қозғау салған реформа

    Анна КЛЕВЦОВА Қазақстан президенті Нұрсұлтан Назарбаев (оң жақта) пен Өзбекстан президенті Шавкат Мирзияев Батыс баспасөзі Өзбекстанда жүргізіліп жатқан реформалар, Қазақстанның дін қызметі туралы заң жобасы және Олимпиада ойындарының құны туралы жазған. ӨЗБЕКСТАННЫҢ “АШЫҚТЫҒЫ” Ұлыбританиялық Financial Times газеті “Бір кездегі репрессиялық Өзбекстан Каримовтен кейінгі ашықтық [дәуіріне] аяқ басты” деген мақаласында Өзбекстанның жаңа президенті Шавкат Мирзияевтің саясатын мақтап, “Freedom House ұйымы саяси құқық, азаматтық еркіндік жағынан Солтүстік Кореяға теңестірген ел қысымды босаңсыта бастағанын білдіретін белгілер байқалады” деп жазған. “13 жыл бойы премьер-министр қызметін атқарған Шавкат Мирзияев те ескі жүйенің бір бөлігі болды, бірақ [23 жыл бойы Өзбекстанның құпия полиция бастығы болған Рустам] Иноятовты қызметінен алуы елді “ашық ету” процесін бастауға бағытталған ең батыл қадам

  • БАҚ: Сириядағы «Вагнер» жауынгерлері Ресейде емделіп жатыр

    Сириядағы әуе шабуылдарынан кейінгі көрініс (Көрнекі сурет). Сирияда АҚШ бастаған коалицияның әуе шабуылдарында жараланған ресейліктер Қорғаныс министрлігінің Мәскеу мен Санкт-Петербургтегі госпитальдарында емделіп жатыр. Бұл туралы Bloomberg агенттігіне зардап шеккендердің екі танысы құпия түрде хабарлаған. Мәліметтерге қарағанда, ауруханаға бірнеше науқас аса ауыр жарақатпен түсіп, қаза тапқандар саны артқан. 7 ақпанда коалиция авиациясы Сирияның Дейр-эз-Зор провинциясында Сирия президенті Башар Асад жағында соғысқан қарулы жасақтарға әуеден соққы жасаған. Әрқилы мәліметтер бойынша, шабуылдан «Вагнер» жекеменшік әскери компанясының құрамындағы жүздеген ресейлік оққа ұшқан. Қорғаныс министрлігі Ресей азаматтарының қазасын растамай отыр. Министрлік әуе соққысы жасалған ауданда ресейлік әскерилер болмағанын айтады. Сирияда халықаралық коалицияның соққысынан ресейлік жалдамалылар зардап шеккенін америкалық CBS телеарнасы Пентагондағы дереккөзіне сілтеме жасап хабарлаған. Жалдамалы

  • Назарбаевты мақтағаны үшін Трамп сынға ұшырады

    Анна КЛЕВЦОВА Нұрсұлтан Назарбаев (сол жақта) пен Дональд Трамп. Вашингтон, 16 қаңтар 2018 жыл. ТРАМПТЫ СЫНАУ Америкалық Washington Post газеті АҚШ президенті Дональд Трамптың АҚШ астанасында әскери парад өткізу ұсынысын сынау күшейіп бара жатқаны туралы жазған саяси шолушы Макс Буттың “Америка Трамптың тегеуірініне қарсылық білдіріп жатыр. Тек ұрынып қалмаңдар” мақаласын жариялады. “Трамп “авторитарлы тұлға» деген ұғымға сай” деп санайды Макс Бут. Шолушы Қазақстан президенті Нұрсұлтан Назарбаевтың АҚШ-қа жуырдағы сапары кезінде оны Дональд Трамптың мақтағанын еске салған. “Владимир Путин, Си Цзиньпин, Абдель Фаттах әл-Сиси және Режеп Тайып Ердоған сияқты диктаторларға Трамптың тәнті екені қайран қалдырмайды. Ол тіпті “үлкен, тамаша жұмыс атқарғаны” үшін 97,7 пайыз дауыспен “қайта сайланған” карикатуралық кейіпкер – қазақстандық Нұрсұлтан Назарбаевты

  • Марғұлан Сейсембаев Қазақстанға тағы да қайтып келді 

    Азаттық радиосы Қазақстандық бизнесмен Марғұлан Сейсембаев. Шетелге кетіп қалған кәсіпкер Марғұлан Сейсембаев Қазақстанға оралды. Ол өзі мен отбасының қауіпсіздігіне кепілдік берген “жоғарыдағы кісілердің” сөзіне сенімді болған соң елге келгенін айтады. Ақпанның 2-і күні Азаттық тілшісімен телефон арқылы қысқа ғана сөйлескен Марғұлан Сейсембаев қазір Қазақстанда екенін растады. Бұған дейін Қазақстанда өзі мен отбасының қауіпсіздігіне “ең жоғары дәрежеде кепілдік берілгені” туралы хабарлаған бизнесмен елге қандай шарттармен оралғаны туралы журналистерге комментарий бермейтінін айтты. Азаттық тілшісінің “Қауіпсіздігіңіз туралы кепілдікке сенімдісіз бе?” деген сауалына Марғұлан Сейсембаев: – Сенімді болмасам келмес едім, – деп қысқа жауап берді. Ол елге қайтып оралғанына байланысты кейін әлеуметтік желіде ақпарат жариялайтынын айтты. Біршама уақыттан бері шетелде жүрген Марғұлан Сейсембаев ақпанның

  • “Путиндік Ресей” жайлы 100 сұрақ 

    Азаттық радиолы Татьяна Кастуева-Жанның “Путиндік Ресейге қатысты 100 сұрақ” кітабының мұқабасы. “Путиндік Ресейге қатысты 100 сұрақ” (La Russie de Poutine en 100 questions) – қазіргі Ресейдің жағдайы түрлі дереккөздерден алынған фактілер мен жеке автордың тәжірибесіне сүйеніп сипатталған 100 қысқа тараудан тұратын кітап. Шығарманың мақсаты – либералдық құндылықтар негізінде тәрбиеленген Батыс Еуропа тұрғындарына қазіргі Ресейдің болмысын түсіндіру. “Путиндік Ресейге қатысты 100 сұрақ” кітабында Ресей мен Франция қоғамының арасында түсініспеушіліктер тым көп екені айтылады. Кітап авторы әрі Франциядағы ІFRI халықаралық қатынастар институтына қарасты Ресей және ТМД орталығының директоры Татьяна Кастуева-Жан Азаттықтың Орыс қызметіне сұхбат берді. – Фукуяманың (Фрэнсис Фукуяма – америкалық философ, саясаттанушы, саяси экономист әрі жазушы – ред.) “Тарихтың ақыры” деген кітабы

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: