Tarih Qazaq handığına 550 jıl Qazaq şejiresi
Qaduan men Sun' Meilin
kerey.kz
1944-jılı Şıñ Şısaydıñ onbir jıldıq uaqıtşa ükimeti qwladı. Köp ayaldamay Şıñ işki qıtayğa jötkelip ketti. Şığıs Qazaqiyanıñ tarihında bwrın soñdı bolmağan tarihi özgeris däl sol twsta birinen soñ biri orın alıp jattı. Surettegi aq şılauıştı kisi- Qaduan Mamırbekqızı. Kögeday Han Ordasınıñ soñğı handarınıñ biri Älen Uañnıñ zayıbı. Qasındağı kisi ataqtı sayasatker, diplomat Sun' Meilin. Ol qıtay prezidenti Jañ Qayşınıñ zayıbı. 
Zamanında Amerikadan bilim alğan, öte sauattı, mädenietti twlğa. 1944-jılı Nan Kinnen Ürimjige wşıp kelip türmedegi qazaqtardı bosatıp, şet qiırğa bosqan qazaqtardı elge oraltu mäselesin qoldap arnayı komissiya qwrğan jäne onşaqtı qazaqqa joğarı lauazımdı orın tağayındap jwmısqa saylap ketedi. 1946-jılı qazaqtar Nan Kindegi wlttıq kongre men parlamentke depudat bolıp qatısuına türtki bolğan kisi. Bwl surettegi Qaduan hanımmen (aq şılauıştı) bolğan kezdesui Nan Kinde tüsirilgen bolsa kerek. Qaduan Mamırbekqızın öte joğarı bağalağan, tipti 1949-1950 jılları kommunist qıtay Şığıs Qazaqiyağa kirgen twsta ol birtop qazaq ziyalıların (işinde Qaluan hanım da bar) Tayvanğa şaqırğan. Sun' Meilin 1944-1946 jıldarı jeke Qazaq polkın qwru mäselesin quattap onı bekittirip beruge qolwşın beredi jäne Zäkäriya Äşenwlın polk generaldığına deyin köterip, äskeri şen beredi, sonımen birge Qazaq wlttıq polkınıñ künşığıs jeti qazaq audanındağı rayon bölimşelerin aşuına äskeri qarjı bölip, qazaqtardı jappay äskerge aladı. Bwl twsta qıtaydıñ älemdegi tört ülken äskeri ordası “Huanpu Oficerler Mektebin” (黄埔军校) tamamdap kelgen jas qazaq mamandar iske tartıladı. Osı twsta ayta keteyin, Qaduan Mamırbekqızı 1946-jılı Nankinde qazaq depudattarımen birge prezident Jañqayşı men Sun' Meylinniñ qabıldauında bolğan soñ işki qıtayda bilim alıp jatqan qazaq studentterin jiıp şağın qwrıltay aşıp “oqularıñdı bitirgen soñ dereu elge qaytıñbar, Säbettiñ Şarqi Türkistan qwrsauına tüspeñder”dep ügit jürgizgen. Sol twsta işki äskeri tärbie alğan qazaq jastarınıñ Şarqi Türkistannıñ şırğauına tüskenderi kemde kem. 
Qaduan Mamırbekqızı, 60-jıldarı qastandıqpen köz jwmdı. Sun' Meilin Tayvanğa ornıqqan elmen birge bertinge deyin wzaq ğwmır keşip 2003-jılı 105 jasında qaytıs boldı. Sun' Meilinniñ mwnşalıq wzaq ğwmır keşkenin keş bilgenime bir esepten ökinemin, ol Qazaqqa qatıstı köp derektiñ tiri kuägeri edi, bir qazaq suırılıp şığıp izdep barmappız, ökiniş emey nemene!
Pikir qaldıru