Djordj Vaşingtonmen salıstıratındar ne bilimsiz ne propagandist. Wqsaytını – 1, wqsamaytını – 1001.
kerey.kz
Vaşingtonğa teñeudegi jalğız argument “twñğıştığı.” Jağımpaz jandardıñ “jay ayqayınan” osını ğana köremin.
Qazaqstannıñ täuelsizdik aluı bizge täueldi emes faktorlardan tudı. N.Nazarbaev bolmasa basqa bireu prezident boluşı edi. Sonda tek birinşi bolğanı üşin töbemizge köteruimiz kerek pe?
Vaşington sekildi märtebege ie bolu üşin 2000 jılı ketip qaluı kerek edi, eki merzimnen keyin. Vaşington eki merzimnen, eşqanday konstituciyalıq şekteu äli joq kezde, öz erkimen ketti emes pe? Nege sonımen salıstırmaysıñdar.
Vaşingtonnıñ tuğan inisi eldegi iri biznesti özine menşiktep alğan joq qoy. Nege salıstırmaysıñdar?
Vaşington täuelsizdik üşin soğısta köş bastadı ğoy. Wlıbritaniyağa qarsı ülken soğıs boldı. Qazaqstannıñ täuelizdik aluı üşin soğıs boldı ma? Älde jeke basına täuekelge tigip KSRO ükimetine qarsı şıqtı ma? Qarsı şıqqandar boldı. Mısalı, Täşenov, Şahanov, Süleymenov. Qazaqstan KSRO-dan neşinşi bolıp täuelsizdigin aldı? Eske salıñdarşı. Nege salıstırmaysıñdar?
Amerika şınımen jaña payda bolğan memleket edi. Amerika handığı degen bolmağan sekildi. Esime tüsire almay otırmın. Nege salıstırmaysıñdar?
DjordjOtan degen partiya da bolmağan sekildi. Nege salıstırmaysıñdar?
Aytpaqşı, Vaşingtonnıñ wrpağı Senat basşısı retinde tağayındaldı ma? Nege salıstırmaysıñdar?
Elbası “tarihi” missiyanı orındadı ğoy, nege bağalamaysıñdar deytinderge. Äueli, “tarihi” degen söz jürek aynaytın mağınağa ie boldı, jağımpaz jandardıñ arqasında.
Ekinşiden, iä N.Nazarbaev täuelsizdiktiñ alğaşqı jıldarı el aldındağı ülken mindetin atqardı. Elge qızmet etti, mañızdı şeşimder men jetistikterge qol jetkizdi. Şekaranı bekitti. “Bolaşaq” bağdarlamasın bastadı. Astananı köşirdi. Tizimdi tolıqtıra bersek boladı. Biraq, mwnıñ bärin N.Nazarbaev 2000 jıldarğa deyin-aq atqarğan. Odan keyingi kezeñde demokratiyalıq joldan keri kettik. Konstituciya oyınşıqqa aynaldı, saylau jüyesi aldımen majoritarlıdan aralasqa, keyin proporcionaldığa auıstı, sonımen Parlament öldi de qaldı. Partiyalıq jüye qwru sätsiz boldı. Nwr Otan ötirik partiya. Sot jüyesi atqaruşı bilikke täueldi. Korrupciyanı jeñe almadı. Oligarhiya ornadı. Elde täuelsiz millioner, milliarder bolu mümkin bolmadı, tuısqandarı reyd jasap tartıp aldı, ne jağınu kerek boldı. Bilim jüyesi qattı qwldıradı. Nazarbaev universitetiniñ qwrıluımen (milliardtağan dollarğa), QazWU, QazWPU, EWU sekildi bazası mıqtı universitetter tiri ölikke aynaldı. Törtinşi bilikti birte birte öltirdi. Qazirgi erkin pikir bildiruimiz tek tehnologiyanıñ ğana arqası.
Ekonomika tek VVP-men ğana ölşenip, bizdi aldap ketti. Al ol VVP mwnay bağası şarıqtağan kezde jaqsı edi maqtanuğa. Mwnay bağası qwldırağanda teñgeni deval'vaciya jasap, teñgelik milliardtarmen maqtandı.
Qazaq wltınıñ baylığı jekemenşik bankilerdi qwtqaruğa jwmsaldı. Milliardtağan dollar. Ol jekemenşik bankiler halıqtı ülken payızben tonadı. Söytip bankrot boldı. Paraqorlar bayıp şetelge qaştı. Mwnıñ jauapkerşiligin kim moynına alar eken.
Al Jañaözen şe? Onı qayda qoyamız.
Rahıme Oşaqbaevtıñ topas postı qayradı osı sözderdi jazuğa. Wzaq pisken oy emes, asığıs jazdım. Oydı tolıqtırıp otırsañızdar. Qarsı pikir bolsa, märhaba.
P.S. Iä, men “Bolaşaq” bağdarlamasımen oqimın. Biraq, stipendiya halıq esebinen qarjılandırılatının bir sät eske tüsiru artıq etpes. Eşkimniñ jeke qaltasınan tiın ketip jatqan joq.
Qısqası, Astananıñ atın da, qala köşeleriniñ atın da auıstıruğa qarsımın.
P.S. 2. Aytpaqşı, älgi jağımpazdar, qajet kezde AQŞ-pen salıstıradı, qajet emes kezde “Bizdi 250 jıldıq tarihı bar elmen salıstıruğa bolmaydı” dep sayraydı. Oğan qarsı uäj aytsañ, AQŞ biz sekildi eki alpauıttıñ ortasında twrğan joq deydi. Oğan qarsı birdeñe aytsañ, san türli jeleu tabadı. Biraq Vaşingtonğa teñegende aldına jan salmaydı.
DARHAN ÖMİRBEK
(student, AQŞ)
facebook paraqşasınan alındı
Pikir qaldıru