«jaman aytpay jaqsı joq»!separatizmmen, mäñgürtizmmen saqtanayıq!
kerey.kz
Nwrlan Sädirdiñ facebook paraqşasınan .
Barlıq adamnıñ boyında işek tayaqşası (kişeçnaya paloçka, escherichia soli) degen bakteriya bar. Sebebi, ol – toq işektegi qalıptı mikrofloranıñ ökili, qalıptı jağdayda adamğa alıp bara jatqan asa ziyanı da joq, kerisinşe birqatar paydalı qızmetter atqaradı, sonıñ işinde işek auruın tudıratın bakteriyalarğa,şiritkiş bakteriyalarğa, Candida tuıstığındağı sañırauqwlaqtarğa antagonist (jau)bolıp keledi; «E», «K» tobındağı vitaminderdi sintezdeuge qatısadı,kletçatkanı jartılay ıdıratadı. Biraq sanitarlıq därigerler bwl bakteriyanı auız suınan taba qalsa dürligip ketedi, olardıñ oybaylaytınday da jöni bar, işek tayaqşası – qorşağan orta nısandarınıñ fekaldı lastanuın anıqtaytın sanitarlıq-körsetkiş bakteriyası (sanitarno-pokazatel'naya bakteriya) bolıp tabıladı. Qarapayım sözdermen aytqanda, qorşağan ortadan, mısalı sudan momın mikroorganizm – işek tayaqşasınıñ tabıluı bwl sudıñ adamnıñ ülken däretimen (al bwl därette bizdiñ tayaqşadan äldeqayda tentek mikrobtardıñ örip jüretini aytpasa da tüsinikti şığar ) lastanğanın bildiredi.
Georgiy taspası da sol siyaqtı, bir qarasañ – qarapayım bir şüberek, qalıptı jağdayda eş ziyanı joq, kerisinşe maldıñ moynına baylauğa, klassikalıq (sozılmaytın) dambalbau siyaqtı uaq-tüyek isterge äbden jarap qaladı. Biraq qorşağan ortada, mısalı qoğamdıq orındarda bwl taspanıñ anıqtaluı, äsirese köbeyui osı ortanıñ separatizmmen, mäñgürtizmmen , bötenimperiyalıq sayasatpen bılğanğanın körsetedi. Qorşağan ortada işek tayaqşası tabılğan jağdayda sanitarlıq därigerler dabıl qağatını sıqıldı, qoğamda georgiy taspası beleñ alğanda memleket pen memleketşil qauım dür ete qaluı kerek edi, biraq ökinişke oray sanaulı jekelegen azamattardıñ janayqayı men ükimettiñ keybir jartıkeş häm bılqıldaqtau söz ben isterinen basqa köp eşteñe bayqalmaydı. Men özimdi orısşa aytqanda zakonoposluşnıy grajdanin-mın dep sanaymın, sondıqtan separatizm men otarlau simvolın taqqandardıñ barıp jağasınan ala qoymaspın, biraq indettiñ aldın aluğa asa köñil böletin bwrınğı sanitarlıq däriger retinde mına närsege nazar audarğım keledi – işek tayaqşası men georgiy taspasınıñ körsetkiştik mäni zor, yağni bwl bakteriya men şüberek erteñ bäleniñ qay jerden şığatının şwqıp körsetetinimen mañızdı. Sondıqtan, «jaman aytpay jaqsı joq», diagnostikalıq jäne klinikalıq twrğıdan alğanda qwndı jerlerdi jattap alıñızdar.
Gürji eli. Gruziya.
facebook äleumettik jelisinen alındı.
Pikir qaldıru