Qazaq mul'tfil'mi halıqaralıq festival'da «Otansüygiştikke tärbieleu» jäne «Wlttıq erekşelik» attı eki birdey nominaciyanı jeñip aldı, dep jazdı «Egemen Qazaqstan» gazeti.Tayau künderi Qıtaydıñ Honju qalasında ötken dübirli animaciyalıq fil'mder festivalinen oñtüstikqazaqstandıq «SAQ» kinostudiyası tüsirgen «Qoşqar men teke» animaciyalıq fil'mi «Otansüygiştikke tärbieleu» jäne «Wlttıq erekşelik» degen eki birdey nominaciyanı iemdenip qayttı.

Festival'dıñ auqımdılığı tañday qaqtıradı. Bwl festival'ğa 45 elden 800-den asa studiyalar qatısqan.

- Osıdan bir jarım ayday uaqıt bwrın kinostudiyamızğa Qıtaydıñ şığısında ornalasqan Honju qala¬sınan animaciyalıq festival' ötedi degen habar kelip jetken bolatın. Qıtay eliniñ qay salada bolmasın narığı tığız ekeninen habardarmız. Onda mıñdağan animaciyalıq studiyalar jıl sayın birneşe mıñ tuındılar şığarıp jatqanın talay saparlarımızda közimizben körgenbiz. Sol sebepti, qwlşına qoymadıq. Biraq, wsınıs kelgen soñ bağımızdı sınauğa bel bayladıq, – deydi animaciyalıq kartinanıñ prodyuseri äri scenariy avtorı Baqıtjan Qwljabay. Osılayşa, bizdiñ animatorlar öz elimizde de jaqsı pikirge bölengen «Qoşqar men teke» mul'tfilimin alıp, beyneniñ astına qıtay tilinde titr jazğızıp, wyımdastıru alqasına jiberedi. Köp wzamay qazaq mul'tfil'mi festival'ğa qatısuşılar tizimine kirgeni jöninde aqparat keldi. Öytkeni, bwl festival'ğa qatısu üşin barlıq fil'mder irikteuden ötedi eken. Qısqası, «Qoşqar men teke» mul't-fil'mi festival'ğa qatısuğa qwqıq alğan rejisser öz komandasımen aqıldasıp, titrdi qıtay tilindegi dublyajben jazudı wyğarıptı. Sodan tez arada jerlesterimiz Ürimşi qalasındağı qazaq qandastarımızğa şığıp, ondağı öz äriptesteri – «Abay jolı» studiyasınıñ jetekşisi Ğwsman Qajıtay arqılı audarmaşılar tauıp, layıqtı akterlerdi dayındap, dublyaj jasauğa kirisip ketedi.

- Bwl ülken festival' 28 säuir men 3 mamır aralığında ötti. Ärine, Qıtay eliniñ animaciya salasına audarıp otırğan nazarına qarap, qattı tänti boldıq. Tipti, bir Honju qalasınıñ özinde jüzdegen gektar jerge alıp-alıp ğimarattar salıp, animaciyalıq studiyalardı tegin qonıstandırıp jatır. Onımen qoymay, barlığın memlekettik tapsırıs esebinen jwmıspen qamtıp otır. Bir ğana şart – memleket müddesine, wrpaqtıñ dwrıs tärbiesine qızmet etseñ boldı. Ol basqosuda ülken minberlerden Qıtay azamattarınıñ aytqan köptegen sözderi köñilimizden şıqtı. Onıñ köbisi «animaciya – sayasat» degenge sayadı. Olar «Bügin wrpaq boyına ne siñiremiz, keleşekte sonı alamız» degendi tınbay qaytalaydı. Mamandardan qwralğan Qazılar alqası festival'ğa iriktelip kelgen jwmıstardı tamaşalap, altınşı küni qorıtındısın şığaradı eken. Ülken-ülken pavil'ondarda şaması kelgender öz studiyalarınıñ tanıstırılımdarın jasap, şığarğan jwmıstarın körsetip jattı. Festival'ğa kelgen köptegen kompaniyalar özderine wnağan studiyalarmen sol jerde-aq ärtürli bağıtta tikeley kelisimşarttar jasauğa qol jetkizip jatqanın kördik. Bwl festival'dıñ osınday dwrıs wyımdastırılğanına qızıqtıq, – deydi qazaq prodyuseri.

Sonımen, altınşı küni yağni, festival'dıñ soñğı küni bizdiñ animatorlar resmi jabılu saltanatına baradı. Sol jerde «Eñ joğarğı somada kelisimşartqa otırğan kompaniyalar», «Animaciya arqılı balağa oqu üyretu», «Animaciya arqılı balağa tärbie beru», «Körermender közayımına aynalğan animaciyalıq obrazdar», «Animaciyalıq serial» siyaqtı köptegen nominaciyalar boyınşa marapattaular jürip jattı. Eñ qızığı, bir kezde qasımızğa Ğwsman bauırımız jıldam kelip, bizdi sahnağa şaqırıp jatqanın ayttı. Biz añ-tañbız. Qıtayşa bir söz wqpaymız. Äyteuir, sahnağa şığıp, bergen qağazın alıp, aytqandarına bas izep twrmız. Biraq, ne üşin ekenin äli tüsinbeymiz. Keyin tüsindirdi. «Qoşqar men teke» animaciyalıq fil'mi «Otansüygiştikke tärbieleu» jäne «Wlttıq erekşelik» degen eki birdey nominaciyanı iemdenipti, – deydi bizdiñ animatorlar. Ärine, quandıq!

Keyin resmi bölimnen soñ banket zalında Qıtaydıñ animaciya salasınıñ beldi mamandarınıñ biri Guo Djang esimdi kisimen jaqın tanıstıq. Sol kezde ol «Qoşqar men teke» mul'tfil'miniñ ideyasına maqtau ayttı. Qarapayım ğana eki januar Qoşqar men Teke arqılı Otan degen wğım¬dı balalardıñ sanasına jeñil siñdiru ädisin taba alğanımızdı bağaladı. Qıtay animatorı «Bwl mul'tfil'mniñ mädeni erekşeligi bölek. Onı Amerika, Europa, Japon, Qıtay eliniñ eşqaysısımen şatastıra almaysıñ. Bwl – Orta Aziya, bwl – Qazaqstan. Öytkeni, bwl mul'tfil'mnen dala iisi şığıp twr» degendi aytqanda, kädimgidey tebirenip qaldıq. Osı kezde bizdi özge elge alıp şığatın küş – mädenietimiz ekenine tağı köz jetkizdik, – deydi prodyuser Baqıtjan Qwljabay.

Sonımen, festival' soñında Oñtüstik Qazaqstan oblısındağı «SAQ» studiyası Gonkong qalasınıñ bedeldi bir kinokompaniyasımen birigip jwmıs isteu turalı resmi memorandumğa qol qoyıp qaytqan.

Qazaqparat