Oralmandardıñ köpşiligi – 61,5% Özbekstannan, 14,3% – Qıtaydan, 9,3% – Moñğoliyadan, 6,8% – Türkimenstannan, 4,6% – Reseyden, 3,5% – özge elderden kelgender.

Olardıñ basım böligi – 21,2% Oñtüstik Qazaqstan oblısına, 16,3% – Almatı oblısına, 13% – Mañğıstau oblısına, 9,4% – Jambıl oblısına, 40,1% – özge öñirlerge ornalastı.

Elge kelgenderdiñ jalpı sanınıñ 55,6% – eñbekke qabiletti jastağı twlğalar, 39,9 % – 18 jasqa deyingi balalar, 4,5 % – zeynetkerler qwraydı.

Eñbekke qabiletti jastağı oralmandardıñ köpşiligi (60,8%) jalpı orta bilim, 20,5% – arnaulı orta bilim, 8,7% – joğarı bilim alsa, bilimi joq oralmandar sanı – 9,9%.

2015 jılğı 1 toqsanda elimizge 380 otbası nemese 1026 etnikalıq qazaq kelip, oralman märtebesine ie boldı.

Jañadan kelgenderdiñ köpşiligi Qostanay oblısına (233 adam), Jambıl oblısına (199 adam), Oñtüstik Qazaqstan oblısına (124 adam), Mañğıstau oblısına (159 adam), Aqmola oblısına (68 adam), Qarağandı oblısına (54 adam) jäne özge de öñirlerge ornalastı.

Eske sala keteyik, QR Ükimetiniñ 2014 jılğı 8 şildedegi № 783 Qaulısına säykes oralmandardı ornalastıratın öñirler anıqtaldı, ol tizimge Astana jäne Almatı qalaları kirmeydi.

Oralman märtebesin alğandar «Halıqtıñ köşi-qonı turalı» QR Zañında qarastırılğan barlıq äleumettik jeñildikterdi paydalana aladı.

Beyimdeu jäne ıqpaldastıru qızmetterin körsetu üşin Aqtau, Qarağandı jäne Şımkent qalalarında, sonday-aq, Oñtüstik Qazaqstan oblısınıñ Aqsukent auılında oralmandardı beyimdeu jäne ıqpaldastıru ortalıqtarı qızmet etedi. Ortalıqtarda iske asırılatın beyimdeu bağdarlamaları qwqıqtıq mäseleler boyınşa keñes beru, memlekettik tildi jäne qalaularına qaray orıs tilin oqıtu, käsibi dayarlau, qayta dayarlau jäne biliktiligin arttıru siyaqtı qızmetter körsetedi.