OLAR – QAZAQSTANDI RESEYGE QOSQISI KELETİN “QAZAQTAR”
kerey.kz
Reseyge qosıluı tiis», «qazaq orısqa qosılsa ğana adam boladı» nemese «Men 1991 jıldan beri Olimpiada körmeymin. Sebebi, KSRO qwladı. Qazaqstan Reseyge qosılğanda ğana köretin bolamın» deytin Ermek Täyşibekov joq. Biraq, ol siyaqtılar az emes. Aramızda jür. Jäne atı-jönine qarasaq bäri de qazaq…
Olar «orıs älemin» jarnamalaydı. Olar «qazaq orıssız kün köre almaydı» deydi. Olar Putinge tabınadı. Olar äleumettik jeli arqılı jwmıs jasaydı. Olardıñ jazbaları qauipti, uıttı. Siz, mwnı bilip jüruiñiz kerek.
Qazaq wltşıldarın balağattap, memlekettik tildi mazaqtap, «orıs älemin» wlıqtap jürgen äleumettik jelidegi «qazaqtardıñ» bir tobınıñ oy-pikirin qaz-qalpında bergendi jön kördik.
Olardıñ maqsatı ne? Olar neni közdeydi, neni añsaydı jäne neden qorqadı?..Abay bolıñız! Senip qalmañız…Pikirlerdiñ adamdı arbap alatın «qwdireti» bar.
Ruslan IBRAEV:
«MENİÑ OTANIM – KSRO»
«Mağan bizdiñ wltşıldar: «Eger bizdiñ jerimizde däl Ukrainadağı jağday qaytalanatın bolsa qaytesiñ? Qazirgi «DNR», «LNR» siyaqtı wyımdar qwrılıp jatsa solardıñ qatarında qazaqtarğa qarsı soğıspaqsıñ ba?» degen saual qoyadı. Men olarğa bılay dep jauap beremin: «Soğıs bastalmay twrıp, aldımen maydan boladı…Mine, sol kezde men bizdiñ policeylerge, omondarğa şay ısıtıp beremin, tamağın jasaymın, palatkilerin qwramın. Olarğa barınşa qoldau körsetemin, kömektesemin. Mwnıñ barlığın senderdey wltşıldardı bilikke jibermeu üşin jasaymın…».
…
«Qazaqstan meniñ – kişi Otanım. Meniñ ülken Otanım – KSRO. Bir kezgi Keñes Odağınan tarap ketken, respublikalar, birigiñder!».
…
«Alma-Atanıñ bwrınğı atauı – Vernıy. Atı aytıp twr, biz qazaqtar senimdi odaqtaspız. Batısşılardıñ auzına qwm qwyılsın. Biz Reseymen birgemiz».
…
«Qazaq tili deysiz be? Külkimdi keltirmeñiz. Tarihta wlı wlttar şağın elderdi jwtıp qoyğan mısaldar az emes…Orıs tilin joğaltqan wlt älemmen aradağı baylanısın üzedi. Ğılım, medicina, injeneriya -biz barlığın orıs tili arqılı meñgerdik».
…
«Batısşıldar men wltşıldar jürgen jerde – ılği töñkeris, atıs-şabıs, soğıs. Däl osındaylardıñ kesirinen 1917 jılğı revolyuciya boldı. Däl osındaylardıñ kesirinen azamattıq soğısta qanşama adamnan ayırıldıq. Qazir de arağa ot salmaqsıñdar. Tarihımız ortaq bauırlas elmen (Reseymen) arazdastırğılarıñ keledi. Armandapsıñdar, bolaşaqqa Euraziyalıq Odaqpen birge baramız».
Nariman ESIMBEKOV:
«EÑ WLI KÖSEM – STALIN!»
«KSRO-da tuğan ärbir adam öziniñ älemdegi eñ keremet memleketten ayırılıp qalğanın jaqsı tüsinedi. Al bwl memlekettiñ qabırğasın qalağan älemdegi eñ wlı kösem – Stalin!»
…
«Amerika Reseyge külli älemdi qarsı qoyğısı keldi, biraq jaqın arada külli älem AQŞ-qa qarsı şığadı».
…
«EQIW-ğa tañım bar. Ukrainanıñ şığısındağı hunta mıñdağan adamdı öltirip jatır. Malayziyalıq «Boing» wşağın da atıp qwlatqan solar. Älde men qatelesem be? Anığı, orıs älemin neğwrlım jekkörgen sayın, soğırlım bauırlas orıstar küşeye tüsedi. Al jaqın uaqıtta olar älemdi bileytin boladı. Sonda ğana ädildik ornaydı».
…
«Wltşıldar eldiñ sanasın ulap jatır. Äsirese, jastardıñ…Orıstı jekswrın qılıp körsetu üşin nasihat jürgizude. Wltşıldarğa AQŞ jetekşilik etedi. Aştıq taqırıbın jaqsı paydalanıp otır. Aytalıq, sol kezgdegi jüye, orıstar qazaqtardı qırğan deydi…Mwnıñ bäri ötirik. Ötirik! Tarihtı bwrmalau».
Erlan ESENALIEV:
«ORIS TİLİNİÑ TÖÑİREGİNE TOPTASU KEREK»
«5 instituttıq reform». «100 qadam», «Qazaqstan-2050», «Nwrlı jol». Atauı ayğaylap twrğan ideyalar men bağdarlamalardı bizdiñ elimiz tek «orıs älemimen» birikkende ğana jüzege asıra aladı. Reseysiz bwl bağdarlamalardıñ birde biriniñ mäni joq, änşeyin lozung retinde qaladı».
…
«Eger twtas TMD keñistiginde reseylik RT sputniktik telearnasın aldımen 2 ayğa taratıp, artınşa bir kezgi KSRO qwramında bolğan elderde Reseydiñ qwramına ötu turalı referendum jürgizer bolsaq, nätijesi mınaday boladı: alğaşqı eki ayda Qazaqstan halqınıñ 80 payızı Reseyge qosıluğa kelisedi. Al habar taratudı 6 ayğa wzartar bolsaq halıqtıñ 95 payızı Resey qwramına qosıluğa niet tanıtadı».
…
«Aytıñızdarşı, qazaq, qırğız, özbek siyaqtı etnostar öz täuelsizdiginiñ 25 jılında adamzatqa paydalı qanday da bir jañalıq aştı ma? Qazaq, özbek, qırğızğa tiesili jetistikterdiñ 98 payızı orıs intellektisiniñ jemisi. Orıs intellektisiniñ kömegimen qazaqtar HHİ ğasırğa endi. Biz orıs örkenieti mwrağa qaldırğan dünieni paydalanıp kelemiz».
…
«Tañ qalamın. Nege Qazaqstannan orıstar köşip jatır, al olardıñ ornına oralmandar kelude…Nege? Bügingi Qazaqstandı onıñ öndirisin twrğızğan orıstar. Olar bar qiındıqtı bizben birge kördi. Qazirgi oralmandardıñ babaları qiın sätte basqa elge köşip ketti. Orıstar nege qazirgi oralmandardıñ babaları siyaqtı köşip ketpedi? Qazaqstandağı örkenietti jasağan da, qwrğan da orıstar. Al oralmandar dayın düniege keldi».
…
«Men qazaq wltşıldarın batıs-ukraindıq Banderovşılarğa wqsatamın. Qazaq jäne ukrain wltşıldarın anglo-amerikandıq transwlttıq korporaciyalar, qorlar, oligarhtar qarjılandıradı. Olar Qazaqstan täuelsizdik alğan twsta payda boldı…».
…
«Orıs wltı – külli Euraziya halıqtarın ortaq geoörkenietti keñistikke biriktiretin wlt. Orıs degenimiz beybitşilik bastauşısı, ädilettilik pen damudıñ jolbasşısı».
…
«Biz alıp «orıs älemin» qalay saqtap qalamız, bilesizder me? Ol üşin Reseydiñ, orıs tiliniñ töñiregine toptasuımız kerek».
Kayrat BAYGEREEV:
«ALAŞORDALIQTAR – QORQAQTAR»
«Georgiy lentası – «orıs äleminiñ» simvolı. Orıs älemi degenimiz ne? Birinşiden, bwl etnikalıq tüsinik emes. Bwl twtas örkeniet. YAğni, bwl älemdi orıstıñ balalaykası, «berezkası» nemese orıs baletimen şekteuge bolmaydı».
…
«Orıs äleminiñ ideologiyası birinşi kezekte – pravoslaviya. YAğni, din. Keñes ükimeti pravoslavtı bolatın… Sondıqtan da biz – bir kezdegi KSRO azamattarı, wlttıq nemese dini erekşeligimizge qaramastan bolmısımız bir. Biz hristiandıq qwndılıqtar jüyesiniñ ökilimiz».
…
«1945 jıldıñ 30 säuirinde Raqımjan Qoşqarbay jäne orıs soldatı Grigoriy Bulatov Reyhstagqa tu tikkende qazaq qayta tudı. Sol kezden beri biz orıs äleminiñ ajıramas böligine aynaldıq».
…
«Bügin keybireuler orıs älemin tıqsırğısı keledi. Bizdiñ jerde…Batıs idelogiyası basıp baradı. Orıs tili de qısım körude. İs-qağazdardı latınşağa köşiru de orıs örkenietin ısırudıñ bir jolı. Mınanı tüsinip alu kerek: orıs örkenietin joğaltıp alsaq, qazaq degen wlttıñ özi qwridı. Biz änşeyin «azamattıq qoğamğa» aynalamız».
…
«Alaşordalıqtar – bwl bol'şevik Amangeldi Imanovtı satıp ketken qorqaqtar, alayaqtar. Mine, büginde olar külli qazaq halqınıñ armanı men etalonına aynalğan. Tarihtı bwrmalau jürip jatır. Keñes odağı bolmasa,yağni, wjımdastırudan, tıñ igeruden jäne basqa tektonikalıq özgerister kezeñinen ötpese, qazaq wlt retinde qalıptaspas edi.
Al, alaşordalıqtardıñ bizdiñ wltqa eş qatısı joq. Qaydağı bir Bökeyhanovtıñ sureti qazir barlıq mektepte ilinip twr…Sonda orıs älemi qayda?!».
…
«Qazaq tilin bilu turalı talap qoyu mädenietsizdik pen bilimsizdiktiñ belgisi. Mwnday talaptı köp jağdayda oy-sanası, bilim deñgeyi şekteuli, tek qana qazaqşa söyley alatın adamdar qoyadı. Mwsa payğambar evrey tilin bilgen joq, biraq öz missiyasın orındap ketti…».
Dayındağan, Duman BIQAY
facebook äleumettik jelisinen alındı
Pikir qaldıru