Elbası Nazarbaev Universitetiniñ alğaşqı tülekterine diplom beru räsimine qatıstı
kerey.kz
Jinalğandarğa söz arnağan Memleket basşısı tülekterdi, olardıñ ata-anaların, Qamqorşılıq keñesiniñ müşelerin, basşılıqtı, professorlar men universitet qızmetkerlerin alğaşqı lektiñ bitiruimen qwttıqtadı, sonday-aq mecenattarğa alğıs ayttı-dep habarlaydı Aqorda baspa söz qızmeti.
Nwrswltan Nazarbaev diplom tapsıru räsimi universitet qana emes, bükil respublika üşin de mañızdı oqiğa ekenin atap ötti.
– Tarihımızdağı alğaşqı halıqaralıq deñgeydegi ğılımi jäne bilim beru ortalığınıñ – jetekşi joğarı bilim beru ornınıñ twñğış tülekteri endi bükil Qazaqstannıñ ömirine aralasqalı otır. Elimiz jas, jan-jaqtı dayarlanğan, bilikti mamandardıñ jaña buın ökilderine ie boldı. Bwl äsirese, Wlt josparı negizinde memleketti jañğırtu jönindegi tereñ özgeristerge kirisip jatqan qazirgidey kezde ayrıqşa mañızdı, – dedi Qazaqstan Prezidenti.
Memleket basşısı Astanada osınday universitet aşu arqılı jahandıq bilim berudiñ quattı jaña oşağı qalıptasqanın atap ötti.
– Ol bizdiñ ekonomikamız men ömirimizdi bilimmen, ğılımi jañalıqtarmen, innovaciyamen eseleytin boladı. Azamattarımızdıñ ömirin jaqsı jağına özgertip, olardıñ boyına bastamaşılıq pen otanşıldıqtı, üzdiksiz oqu men käsibi ösudiñ maşığın ornıqtıradı Bwnıñ bäri Qazaqstannıñ twraqtı jäne jahandıq twrğıdan damığan memleket retinde ömir sürui üşin, öz memleketimizdi jañğırtıp, nığaytu üşin, Otanımızdıñ bedeli men älemge tanımaldığın arttıru üşin jasaluda. Sizderge ömirlik joldama beru arqılı biz osı kökeytesti maqsatımızğa qaray jaqınday tüstik, – dedi Nwrswltan Nazarbaev.
Qazaqstan Prezidenti tülekterge universitettiñ tarihi tiziminiñ basında twru märtebesi bwyırıp otırğanına nazar audardı.
– Universitettegi dayarlıq deñgeyin sizder arqılı, sizderdiñ isteriñiz arqılı bağalaytın boladı, bwl – ayrıqşa jauapkerşilik. Men sizderdiñ ärqaysıñızdan zor qwlşınıs pen käsibi deñgey kütemin. Sizderdiñ oqularıñız alğaşqı diplomdı alumen ayaqtalmaydı. Ol ömir boyı jalğasadı. Eñ bastı ömirlik täjiribeni oqudan keyin meñgeresizder. Oğan qalay qol jetkizudi sizderge bes jıl boyı oqıttı. Eger mamandıqtarıñız ben eñbekteriñiz ömirlik süyikti isteriñizge aynalmasa, jattalğan närse tez wmıtıluı mümkin. Öz isiniñ nağız käsipqoyı tek bilip qana qoymaydı, bilgenin naqtı iske asıra da aladı. Universitettiñ barlıq tülekteri osınday käsipqoylar bolatınına senemin, – dedi Memleket basşısı.
Bwl orayda, Nwrswltan Nazarbaev tülekter öz isiniñ şeberi ğana bolıp qoymay, Qazaqstan qoğamınıñ adamgerşilik qwndılıqtarın da jan-jaqtı nığaytıp, öz Otanına qızmet etudiñ biik ülgisin tanıtatınına, halqımızdıñ materialdıq, ruhani jäne mädeni qwndılıqtarın eseleu isine zor üles qosatınına ayrıqşa senim bildirdi.
Qazaqstan Prezidenti elimizdiñ bilim beru salasındağı birqatar jetistikterine toqtalıp ötti.
– Düniejüzilik ekonomikalıq forum jariyalağan Adami kapitaldı damıtu indeksine säykes, Qazaqstan bir jılda birden 8 orınğa köterilip, 37-orınğa şıqtı jäne Ekonomikalıq ıntımaqtastıq jäne damu wyımına müşe Portugaliya, Grekiya, Ispaniya, Çili, Meksika, Türkiya, sonday-aq Malayziya, Qıtay, Braziliya siyaqtı elderden ozdı. Eldiñ sauattılıq deñgeyiniñ reytingi boyınşa Qazaqstan 33-orındı ielendi, al bilim beru jüyesiniñ sapası jöninen birden 9 tarmaqqa köterildi. Bwl tabıstarğa sizderdiñ universitet te zor üles qostı, – dedi Nwrswltan Nazarbaev.
Memleket basşısı universitet tülekteri memleketimizdiñ jaña buın elitasınıñ negizi ekenin atap ayttı.
– Eldi damıtıp, halıqtı baqıtqa, baq-berekege jetkizu isi sizderge jükteledi. Mwnıñ qanşalıq qiın is ekenin men jaqsı bilemin. Bügingidey jahandanu jağdayında sizderge twraqtılıq pen damu qarqının wstap twrudan da artığıraq maqsatqa wmtılu qajet boladı. Sizderge «Bastan asıp sekire almaysıñ» dep qanşa jerden nıqtasa da, biik meje qoyuğa tura keledi. Eger sizderde qazir bekem äri batıl ambiciya bolmasa, onda keyin tabısqa jetu üşin küş-jiger tabu qiın boladı, – dedi Qazaqstan Prezidenti.
Nwrswltan Nazarbaev universitettiñ diplom iegerlerin jwmısqa qabilettilik, tapqırlıq, şiraqtıq tanıtuğa şaqırdı.
– Men bizde basqaruşılardıñ, memlekettik qızmetşilerdiñ, biznesmender men qoğamdıq köşbasşılardıñ jaña şoğırı ösip kele jatqanın körip otırmın. Köp wzamay qazaqstandıq mamandar, eñ aldımen, osı universitettiñ tülekteri bükil älemge öziniñ jañaşıldığın, bäsekege qabilettiligin jäne qajettiligin körsetedi dep senemin. Älemniñ jetekşi universitetteriniñ tarihı – eñ aldımen onıñ tülekteriniñ tabısınıñ tarihı. Bwl universitette de onıñ tülekteri atqarğan wlı isterdiñ jahandıq ayşıqtı tarihı bolatınına senimdimin, – dedi Memleket basşısı.
Qazaqstan Prezidenti bwl künderi bükil elimiz boyınşa mıñdağan qazaqstandıq studenttiñ diplom alıp jatqanına nazar audardı.
– Joğarı oqu orındarınıñ barlıq tülekterin qwttıqtaymın, olarğa ömirden layıqtı orındarın tabuın, sättilik jäne baqıt tileymin. YUNISEF-tiñ bağalauı boyınşa, Jastardıñ damuınıñ jahandıq indeksinde Qazaqstan 27-orın alıp otır. Bwl Franciya, Türkiya jäne Şveciya siyaqtı elderdiñ körsetkişinen joğarı. Biz qazirgi atqarıp jatqan isterimizdiñ bärin sizder üşin, sizderdiñ bolaşaqtarıñız üşin jasap jatırmız. Büginde sizderdiñ aldarıñızdan bükil älemge jol aşıq. Sizder qızıqtı kezeñde ömir sürip, bolaşaqqa qaray qarıştap qadam basqan elmen birge erjetip kelesizder. Osınıñ barlığı bizdiñ qoğamdağı tatulıq pen twraqtılıqtıñ arqasında. Sondıqtan sizderdiñ bastı missiyalarıñız – eldegi birlik pen kelisimdi nığaytu. Barşağa beybit zaman men igilikti ömir jolın tileymin, – dedi Nwrswltan Nazarbaev.
Studentter men oqıtuşılar universitettegi jasalğan jağday üşin Memleket basşısına alğıstarın aytıp, küş-jigerlerin eldiñ bwdan äri damu jolına jwmsaytındarın jetkizdi.
***
Nazarbaev Universitetiniñ twñğış tülekteri qatarında 446 student oquın tämamdadı. Oqu ornınıñ qwrılğan kezinen beri bilim alıp kele jatqan jastardıñ jalpı sanı 2800-ge jetti. Oquğa tüsu emtihandarınıñ qorıtındısı boyınşa eñ joğarı nätijege qol jetkizgen talapkerler studenttiñ universitettegi barlıq oqu kezeñindegi şığındarın öteytin memlekettik bilim beru grantı arqılı oqidı. Grantqa jıl sayın 500 adam ie boladı.
Studentterdiñ basım köpşiligi gumanitarlıq jäne äleumettik ğılımdar, injeneriya, ğılım men tehnologiya mektepterinde, sonday-aq bilim beru, memlekettik sayasat jäne biznestiñ joğarı mektepterinde oqidı. Oquşılardıñ arasında komp'yuterlik ğılımdar, injenerlik mehanika, robottı tehnika jäne mehatronika, bilim beru isin basqaru, biologiyalıq ğılımdar, elektrlik jäne elektrondıq injeneriya, sonday-aq qwrılıs injeneriyası mamandıqtarı meylinşe swranısqa ie mamandıqtar bolıp otır.
Pikir qaldıru