- Rinat, birinşiden bäygeñ qwttı bolsın! Bügingi jeñisiñe quanıştımız. Bwrınğı aytıstarıñda artıq-kem aytılğan şumaqtarıñ ğalamtorğa tarap ketkeli sen turalı äñgime köbeydi. Memleketke, Elbasığa, «Nwr Otanğa» dwşpan qılıp körsetkisi kelgender de boldı. Bügin, mine, «Nwr Otan» partiyasınıñ qoldauımen ötken aytıstıñ Bas jüldesin ielendiñ. Sonda aralarıñda tatulıq ornadı ma?

- Arazdıq boldı deudiñ özi artıq şığar. Men artıq-kem ayqanımmen joğarğı biliktiñ tarapınan jauap retinde eşteñe aytılğan da, jasalğan da joq. Eger nağız dwşpan körip, ökpeli bolsa «jauap» bergisi kelse biliktiñ küşi de, qauqarı da bar ğoy. Joğarı jaqtan «Rinattı aytısqa qatıstırmañdar» degen bwyrıq keldi dep biraz aytıstan şettetkeni ras. Biraq kim bilip jatır, ol bwyrıqtı kim berdi, qaydan berildi? Men joğarğı jaqtağı kisilerdiñ toylarında da, basqa jiındarında da birge bolıp jürmin, biraq solardıñ bireui aytpaydı «Rinat, seni biz bögep jatırmız» dep. Bolmasa, jasıratını joq, künde bolmasa da, Prezidentpen ayına bir ret kezdesetin adamdarmen de aralasamın. «Seni Elbası jek köredi» dep solardıñ bireui aytpaydı. Biraq osı äñgime qaydan şığadı? Qazaq «Küriştiñ arqasında kürmek su işedi» deydi. Bireudiñ atın, is-äreketin paydalanıp, öziniñ zañın ornatqısı keletin adamdar bar. Sonday adamdar «Joğarğı jaq ayttı» dep qaramağındağılarğa bwyrıq beredi. Ol bayqwstar sosın şapqılay jöneledi. Qısqası, däneker boludıñ ornına bäleker bolıp otır.
Meniñ osı jauabımnıñ däleli bügingi aytısta körindi. «Nwr Otan» partiyası Törağasınıñ birinşi orınbasarı Bauırjan Baybek ağamızdıñ özi aytıp otır ğoy «Men bwrın Rinattı tanımaydı ekenmin» dep. Demek, meni tanımaytın kisiler men jaylı bwyrıq bermeytini aqiqat qoy. Bwrın atımdı estigen şığar mümkin, biraq bügin sahnada tanısıp otırmız. Men de aşığın ayttım, «Men eşkimge jau emespin, elge dwşpan emespin» dep. Meniñ Qwday bergen jalğız memleketim bar. Ol-Qazaqstan!
Jalpı, Tu, Eltañba, Änwran, Elbası degen närseler memlekettik simvoldar ğoy. Eger biz özimiz twrıp jatqan üyimizdi jaqsı köretin bolsaq osı memlekettik simvoldardı süyuge de, qwrmetteuge de mindettimiz! Basqa bireu bizge öziniñ jaqsısın äkep bermeydi.
Endi bwğan deyin bir-eki ret men jaylı teris aqparat taratqandardıñ jolı bolğan şığar, biraq ärnärseniñ aq-qarası aşılatın kezi boladı ğoy.
Bügingi aytıs mağan jüldesimen mañızdı emes. Meniñ işimde jatqan aytsam dep jürgen sözderimdi aytqanımmen jäne sonı estise eken dep jürgen kisilerdiñ estigenimen mañızdı boldı.

- Degenmen, osı aytısta tätti aytqandarıñ da, qattı aytqandarıñ da boldı. «Nwr Otan» partiyasınıñ ökilderi, deputattar şımbayına batsa da tüsinistikpen qabıldadı. Sen de köp närsege tüsinip, ımırağa kelip, ıñğayğa köngeniñ ğoy?
— Men aytısqa keşe şığa salıp, bügin «jalmauız» bop ketken joqpın. Jemistiñ özi kögeretin uaqıtı boladı, pisetin uaqıtı boladı, sosın şiritin uaqıtı boladı. Aqınnıñ oyı da solay. Bir aytqanda jetpese, eki aytqanda jetpese, işte qalay bolğanda da jetkizem degen oy payda boladı. Kele-kele mende bir ğana maqsat payda boldı. Ol — meniñ eşkimge jau emes, dwşpan emes ekenimdi däleldeu. Sol jolda aytqan närseni bir estimegesin, qattı aytqıñ keledi, eki estimegesin odan da qattı aytqıñ keledi. Bireuge qattı, bireuge aqırın tietinin oylamadım emes, oyladım.
Al, qazir ortaq mämilege, ortaq şeşimge keletin uaqıtta men öz tarapımnan ketken qatelikter üşin jäne meniñ sözderim qattı tigen kisilerden qorıqqanımnan emes, jaltaqtap, jağımpazdanğındıqtan emes, şınayı türde pendeligim pärmen alıp ketken sätterim üşin keşirim swraudan qaşpaymın. «Sözimniñ qıl sıymaydı arasına» degen Qwlmambet siyaqtı aqınmın dep ayta almaymın. Meniñ de kem tüsken, artıq ketken jerlerim bolğanın moyındaymın.
- Soñğı swraq, bügingi aytısta Elbasınıñ atına, «Nwr Otan» partiyasınıñ atına biraz jaqsı şumaqtarıñdı arnadıñ. Osınıñ barlığı öziñniñ jürek söziñ be, joq älde aytu kerek boldı ma?
— Men bireudiñ bwyrığımen öleñ aytpaymın. Özimniñ twrıp jatqan üyimdi Memleketimnen, prezidentimnen bölip qaray almaymın. Olardıñ barlığı bir-birimen baylanıstı närse.
Är bala öziniñ äkesine de arızın ayta aladı ğoy. Joğarğı bilik basında otırğan kisilerge halıqtıñ atınan ökpe-nazımdı aytatın bolsam, ol – däl sonday qaraqwrım halıqtıñ jetkizgisi keletin armanı, nazı. Odan artıq eşteñe joq.

- Äñgimeñizge rahmet!

AITYSKER.COM