Şındıq izdeuşiler öz hattarında biraz şındıqtıñ betin aşqanın ayta kele, «Qazaqstan aumağında osı jıldıñ 10 mamırınan bastap 134 mıñ  kiik qırıldı degen resmi aqparat taratılğan edi, alayda qırılğan kiikterdiñ naqtı sanı  150 mıñnan asadı. QR Investiciyalar jäne damu ministrliginiñ Aeroğarış komitetijäne oğan qarastı «Ğarış-ekologiya» mekemesi basşıları  Qostanay jäne Aqtöbe oblıstarına Proton zımıranınıñ bölşekteri qwlamaydı dep mälimdegen bolatın, şındığında, soñğı bes jılda Qostanay oblısınıñ Amangeldi, Jangeldin audandarınıñ, Aqtöbe oblısınıñ Irğız audanınıñ aumağına Proton zımıranınıñ bölikteri wdayı qwlaytını däleldendi» dep jazğan.

Sonımen birge ekspediciya müşeleri kiikterdiñ, jabayı añdar men tört tülik maldıñ jappay qırılıp jatqanına geptildiñ äseri bar ekenine senimdi ekenderin jetkizdi.

Hat soñında belsendiler Prezidentke, Ükimet jäne Parlament basşılarına segiz talap qoydı. Olardıñ qatarında «Bayqoñır» ğarış aylağınan Proton zımıranın wşırudı tez arada mülde toqtatu, Qazaqstan aumağındağı barlıq äskeri-jattığu poligondarın jabu, osığan deyin Proton zımıranınıñ bölşekteri qwlağan, äskeri sınaq jürgizilgen  aymaqtardağı twrğındardıñ densaulığına tolıqtay tekseru jürgiz jäne zardap şekkenderge ötemaqı tağayındau, Proton zımıranınıñ wşırıluınan, äskeri qarular sınaudan qorşağan ortağa kelgen ziyan kölemin tolıqtay anıqtau tağı basqa mäseleler qamtılğan.

Wyım jetekşileri söz soñında 2013-jıldıñ 2-şildesinde «Bayqoñır» ğarış aylağında  Proton zımıranınıñ qwlauınan bolğan zardaptar üşin ötemaqı retinde Resey Federaciyası töleuge mindettelgen 90 mln. dollardı tez arada alıp, kiiktiñ, maldıñ jappay qıralu sebebin anıqtau men  zardap şekkenderge ötemaqı retinde berudi wsındı.

«150 mıñ kiiktiñ, jüzdegen maldıñ, añdar men qwstardıñ jappay qırılğanı üşin naqtı lauazım ielerin jauapqa tartudı, onıñ işinde elimizdegi ekologiya men qorşağan ortanı qorğauğa tikeley jauaptı QR Energetika ministri Vladimir Şkol'nikti, ğarış salasına tikeley jauaptı QR Investiciya jäne damu ministri Äset Isekeşevti lauazımdıq qızmetinen bosatudı talap etemiz» dedi öz sözinde «Antigeptil» qozğalısınıñ jetekşisi Maqsat İliyaswlı.

«Bizdiñ biliktiñ jazğan hatqa, joldağan habarğa jauap bermey qoyatın derti bar. Osı jolı da bizdiñ hatımızğa zañdamda körsetilgen merzimde jauap bermese, bilik organdarın sotqa beremiz» dedi ol.

Abai.kz