Almatı qalasınıñ jaña äkimi Bauırjan Baybek Qalqaman-2 ıqşamaudanında ornalasqan Nazarbaev ziyatkerlik mektebiniñ oquşılarına olardıñ bolaşağı jaylı aytıp berdi, – dep habarlaydıTengrinews.kz tilşisi. Himiya-biologiya bağıtındağı mekeme 960 oquşığa arnalğan. Onıñ qwrılısına 5,7 milliard teñge jaratıldı.

Jaña Nazarbaev ziyatkerlik mektebinde 300 orındıq jataqhana bar, onda Qazaqstannıñ tükpir-tükpirinen kelgen balalar oqidı. Qwrılısşınıñ mälimetinşe, bilim beru mekemesi Qazaqstandağı eñ irisi. Onıñ territoriyası – 5,7 gektardan asadı. Mektepte eki ülken sport zalı bar, futbol jäne basketol alañdarı, sonımen qatar, balalardıñ auılşaruaşılıq ösimdikterin eguine mümkindik beretin baqşa bar. Qwrılıs jwmıstarı üş jıl jürdi. Ğimarattıñ jalpı audanı 103 mıñ şarşı metr.

© Älişer Ahmetov

Almatınıñ äkimi ğimarattı qarap şığıp, jaña Nazarbaev ziyatkerlik mektebine tüsu konkursında bir orınğa 7-8 adamnıñ talasatının atap ötti. “Sender üzdiksiñder. Sondıqtan jaqsı oqu kerek. Senderge mol jauapkerşilik artılıp otır. Almatı bilim beru salasında köş bastap twrğan qala. Mwnda aytarlıqtay bäseke bar. Tört jıl boyı WBT-da eñ joğarğı körsetkiş boldı. Qalada mamandandırılğan altı mektep bar. Fizmat bar, öte jaqsı mektep. Büginde ministrlikterdiñ, memlekettik organdardıñ basşıları fizmattan şıqqandar. Sonımen qatar, QTL bar, onda da aytarlıqtay bäseke bar. Ärbir mektep – bwl ruh, mädeniet, ata-analarıñnıñ qatısuı. Sizderge eñ bastısı sättilik. Oqu, oqu jäne eşteñeden qorıqpau, Prezidentimiz siyaqtı. Bilim – bwl öte jaqsı, biraq tärbiesiz bilim eşteñege de jetkizbeydi. Öz elderiñniñ patriotı bolıñdar. Tärtipti bolıñdar. Bir jağınan alıp qarağanda barlığıñ bäsekelessiñder, al ekinşi jağınan sender dossıñdar, bir komandasıñdar. 2050 jıldarı sender 48-de bolasıñdar. Eger jaqsı oqitın bolsañdar, sol Qazaqstandı sender qwrasıñdar. Balalarıñ men nemereleriñ bolıp, quanasıñdar, öz elderiñ üşin eñbektenesiñder. Eldi qwru üşin fizikter, himikter, matematikter, biologtar qajet. Barlığı senderdiñ qolda. Osı asudan ötuleriñ üşin barlıq jağday jasalğan”, – dedi Baybek.

Ol Nazarbaev ziyatkerlik mektebiniñ qanday qwrılğılarmen jabdıqtalğanın jäne onıñ batıs elderinde de joq ekenin atap ötti. “Mwnday jağday ol jaqtarda jasalmaydı. Barlıq ata-ananı, äjeler men atalardı qwttıqtağım keledi. Barlıq balanı damıtu kerek. Bilim ğana emes, tärbie de boluı kerek. Jastar patriot boluı üşin aldarına senimdi maqsattar qoyuı üşin, öz halqın süyui üşin. Mwğalimder öte mwqiyat konkurstan ötti. Mwnda jalaqı Almatı boyınşa deñgeyden eki ese köp”, – dedi ol.

Eske sala keteyik, Almatıdağı 864 orındıq birinşi Nazarbaev ziyatkerlik mektebi 2014 jıldıñ 4 şildesinde aşılğan bolatın. Fizika-matematika bağıtındağı mekemege bilim aluğa 672 oquşı qabıldandı. Ayta keteyik, al birinşi Nazarbaev ziyatkerlik mektebi Astanada 5 jıl bwrın salınğan edi. Mekemede robottar tehnikası, jılıjay jäne telestudiya bar. Oquşılar mektepke qabıldanar aldında testileuden ötti, testileuler şetel mamandarınıñ qatısuımen ötti. Mwğalimder de mektepke arnayı konkurstan ötkennen keyin ğana jwmısqa twrdı. Jwmısqa şeteldiñ 22 mwğalimi qabıldanadı delindi. Bilim beru mekemesiniñ basşılığı tülekterdiñ şetel joğarı oqu orındarına tüse alatının jäne emtihandardı ağılşın tilinde tapsıra alatının ayttı.

tengrinews.kz