12 tamızda älem jwrtşılığı Halıqaralıq jastar künin atap ötedi. Osı ataulı künge oray NUR.KZ el maqtanışına aynalğan ülgili jastardı nazarlarıñızğa wsınadı.

1. Denis Ten

Elimizdiñ betkewstar mänerlep sırğanauşısı Denis Tenniñ büginde sport salasında jetken jetistikteri orasan.

Denis Ten – Qazaqstannıñ eñbek siñirgen sport şeberi, 2014 jılda ötken qısqı Olimpiada oyındarınıñ qola jüldegeri, 2013 jılı ötken mänerlep sırğanaudan älem çemiponatınıñ kümis jüldegeri, 2015 jılğı älemdik sınnıñ qola jüldegeri.  Mänerlep sırğanaudan tört qwrlıq dodasınıñ, 7-şi qısqı Aziya oyındarınıñ jäne Qazaqstannıñ üş dürkin çempionı.

Qazaqstannıñ tuın älem elderinde talay ret jelbiretip, el namısın qorğağan jas sportşı büginde Halıqaralıq kon'kişiler qauımdastığınıñ reytingisinde üşinşi orınğa twraqtağan.

Ol älemde mänerlep sırğanaudıñ üzdigi ekenin däleldedi. 2010 jılı Kanadanıñ Vankuver qalasında ötken HHİ qısqı Olimpiada oyındarında öner körsetip, mänerlep sırğanaudan finaldıq kezeñge ötken Qazaqstannıñ twñğış sportşısı atanğan.

Sonımen qatar sol dodada erler arasındağı eñ jas sportşı atandı. Ol kezde Denis nebäri 17 jasta bolatın. Denis Ten  1993 jılı 13 mausımda Almatı qalasında düniege kelgen.

2. Zarina Diyas

Qazaqstannıñ şeber tennisşisi äri jeke razryad boyınşa ITF-tiñ bes turniriniñ jeñimpazı Zarina WTA reytinginiñ 3-şi tamızdağı jaña körsetkişi boyınşa 32-şi orınğa twraqtağan.

Zarina Diyas tenniste öz şeberligin däleldep, Qazaqstannıñ birinşi raketkası atağın ielendi. Ol öz şeberligimen bir jıl işinde 500 mıñ dollardan astam qarajat wtqan. Jalpı alğanda öz mansabında  sportşı 700 mıñ dollar tabıs tüsirdi.

2013 jıldıñ soñında WTA reytingisinde 163 orında bolğan Zarina büginde 32 orınğa köterildi.

Zarina Diyas 1993 jılı 18 qazanda Almatı qalasında düniege kelgen.

3. Jansaya Äbdimälik

Jansaya Äbdimälik – şahmattan elimizdiñ namısın abıroymen qorğap jürgen qazaq qızı. Ol nebäri on tört jasında grossmeyster atanğan.

Grossmeyster – şahmatşılar arasındağı eñ joğarğı däreje.

2012 jılğı jastar  arasındağı älem çempionatınıñ kümis jüldegeri. 2011 jılı 20 jasqa deyingiler sanatında  Aziya çempionatında ekinşi orınğa twraqtadı.

2000 jılı 12 qañtarda düniege kelgen Jansaya öz jasına säykes qız balalar arasında eki dürkin çempion atanğan.

3. Swltan Sarmırzaev

Swltan Sarmırzaev – beybit künniñ batırı atanğan qazaq sarbazı. Onıñ dosın qwtqarğan erligi videoğa tüsip qalıp, el nazarına ilikken bolatın.

Qorğanıs ministrligi sarbazdı “Jauıngerlik erligi üşin” memlekettik nagradasımen marapattadı.

Eske salsaq, 2014 jıldıñ qırküyek ayında Qapşağaydağı 28079 äskeri böliminiñ qızmetkeri Swltan Sarmırzaev kezekti oqu-jattığu kezinde batıl äreket jasap, öziniñ jäne qarulas dosınıñ ömirin saqtap qalğan.

Kezekti sekiru kezinde eki jauıngerdiñ paraşyutteri ayqasıp qaladı. Al sekundına 100 metr jıldamdıqpen qwlap kele jatqan Sarmırzaev jedel äreket etip, jerge 200 metr qalğanda qosalqı paraşyutin aşıp,  jerge aman qonadı.

Ayta keterligi, qosalqı paraşyut tek bir adamnıñ salmağın kötere aladı. Soğan qaramastan, jigit täuekelge barıp, dosın da aman alıp qalğan.

Swltan 1994 jıldıñ 25 naurızında Şımkentte düniege kelgen.

4.    Ashat Mırzabaev

25 jastağı qazaqstandıq Ashat Mırzabaev alğaşqı tapqan $2 mln-ın qayırımdılıqqa audarıp, el maqtanışına aynaldı.

Jas ğalım Ashat Mırzabaev älemdegi eñ iri bank toptarınıñ biri sanalatın Barclays kompaniyasında (Wlıbritaniya) jartı jıl jwmıs istep, tapqan $2 mln dollar tabısın qaterli isikti zertteu jwmıstarına jwmsadı.

“Million dollardı eñbektenip tapqan adam ol aqşanı ekinşi ret te taba aladı. Biraq bwl bizdiñ ömirimizdiñ mäni, maqsatı emes qoy. Bizdiñ maqsatımız auqımdı bolu kerek”, – dep öz qadamın tüsindirdi Ashat Mırzabaev.

Qazirgi tañda ol jas önertapqış ğalımdardı älemniñ eñ üzdik kompaniyalarına jwmısqa ornalastırudıñ qamımen jür. Ashattıñ maqsatı – talanttı jastardıñ basın Qazaqstanda qosıp, olarğa eñbek narığında ıñğaylı alañ wsınu.

5. Mariya Mudryak

Nebäri 5 jasında Mariya älemniñ eñ jas opera änşisi retinde Ginnestiñ rekordtar kitabına engen.

On segiz jasında Milan konservatoriyasın üzdik ayaqtağan Mariya önerimen älemdi moyındata aldı.

Ol opera otanı Italiyada älemdik jwldızdarmen iıq tiresip, öner körsetumen qosa, bastı rölderdi orındauğa da mümkindik aldı.

Mariya “Bolaşaq” stipendiyası arqılı şetelde bilim alğan. Djuzeppe Verdi atındağı Milan memlekettik konservatoriyasın tämamdap, Italiyanıñ eñ üzdik jas änşisi atağına ie boldı.

Büginde ol «Figaronıñ üylenu toyı», «Bogema», «Romeo men Djul'etta» sındı operalarda bastı rölderdi somdap keledi.

Mariya 1994 jıldıñ 6 säuirinde Pavlodar qalasında düniege kelgen.

6.    Kämşat Bayğozı

Aqtöbe oblısında Kämşat Bayğozı esimdi 11 jastağı oquşı qız örtke oranğan üyinen jalğız özi eki kişkentay siñlisin qwtqarıp, erlik jasadı. Qız bala batıl äreketi üşin marapattauğa wsınıldı.

Oqıs jağday Alğa audanınıñ Nwrğasır aulında bolğan. Üyinde ört şıqqanın añdağan Kämşat birden jatın bölmeniñ terezesin şağıp, aldımen 11 aylıq siñlisin sırtqa şığaradı. Artınşa 5 jasar siñlisin alıp şığadı.

“Bäri ayaq-astı boldı. Men örtti körip, siñlilerim üşin qattı qorıqtım. Sırtqa şığıp, azdap es jinap alğasın, qolımdı qanatıp alğanımdı bayqadım. Biraq bwl tük emes. Jaraqatım jazılıp jatır”, –  dep swhbat berdi Kämşat.

Kämşat siñlilerin sırtqa alıp şığa salısımen, birer minut işinde üy jarılıp ketken. Qiın jağdayda üreyge salınbay, batıl äreket etken qız bala osılayşa boluı mümkin ölimniñ aldın alıp ülgerdi.

7. Dias Äubäkirov

“Qonjıq” laqap atımen Qaznette tanımal bolıp ülgergen Dias esimdi 12 jastağı jetkinşek Almatıda bolğan selden zardap şekkenderge kömek körsetip, el süyispenşiligine bölendi.

Timur Nüsimbekov Feysbuktegi öz paraqşasında eriktilermen birge selden keyin belsendi jwmıs istep jürgen Qarğalı twrğını Dias Äubäkirov jaylı jazıp, qayırımdı jetkinşek elde tanımal bola bastaydı.

“Dias – 12 jasar Qarğalı twrğını. Jas batır. Tau qonjığı. Qonjıqqa sırt kelbetimen wqsap qana qoymay, onıñ energiyası men quatı öskeleñ qonjıqtıñ ekpinimen para-par. Sel jürip ötken künnen bastap ol qwtqaruşılar, äskeriler, eriktilermen birge tınım tappay eñbek etude, tipti olardan da asıp tüsude”, – deydi jazba avtorı.

“Özim barıp, kömekteskim keldi. Ata-anam “jaraysıñ” dep bwl isimdi qoldadı. Men bwl jerde tañerteñnen keşke deyin su, tamaq jäne özge de qajetti zattardı tasıp, kömektesemin”, — deydi Dias.

8. Oljas Süleymenov

Qarağandı oblısınıñ tuması, «Bolaşaq» bağdarlamasınıñ tülegi Oljas Süleymenov BWW-nıñ 70 jıldığına arnalğan  «Köp til – bir älem-2015» esse bayqauında jeñimpaz atandı.

Oğan 130 eldiñ 3500-den astam studenti qatıstı. Nätijesinde 70 üzdik jwmıs irikteldi. Bayqau jeñimpazdarı BWW ştab-päterinen Düniejüzilik jastar forumına şaqırtu aldı.

Şanhayda bilim alğan «bolaşaqşı» qıtay tilinde esse jazıp, üzdik atanğan.

“Är qazaqstandıq älem adamı bolıp tabıladı dep jazdım. Bwl solay. Elimizde köptegen wlt ökilderi twradı. Barşamız beybit, tatulıqta, kelisimmen ömir sürip jatırmız. Qazaqstannıñ bastı artıqşılığı da osında”, – deydi Süleymenov.