Astrologiya, jwldız-joramal degenge kümänmen qarasañız da, Vlad Rosstıñ 2016-2017 jıldarı Resey men Ukrainanı qanday özgerister kütip twrğanı jaylı aytqanına nazar salıñız. Onıñ bwğan deyin jasağan sayasi boljamdarınıñ köbi däl kelgen.

– Vlad, sizdi Ukrainada ğana emes, reseylikter de jaqsı biletin siyaqtı.

– Juırda meni Belkovskiy jarnamalağan bolatın…

– Onıñ jazbasınan keyin sizdiñ boljamdarıñızdı oqıp, tänti boldım. Siz soñğı jıldarı bolğan sayasi oqiğalardıñ köbin däl boljapsız.

– Iä, Qırımdı bölip alatının, YAnukoviçtiñ bilikten quılatının aldın ala aytqanmın.

– Franciyadağı teraktilerdi de dwrıs boljadıñız.

– Dwrıs aytasız. Men teraktiler Bel'giyada bolatın şığar dep oylağanmın, biraq olar qauiptiñ aldın alıp, ülgerip qaldı. Bwdan bölek, wşaq apatı bolatının aldın ala sezip, jwrttıñ bärine Egipetke barmay, Türkiyada demalıñdar dep eskertkenmin.

– YAnukoviç demekşi, onıñ aldınan esiktiñ jabılıp qalğanın äldebir belgige balağan swhbattarıñızdı oqıp şıqtım.

– Onıñ Ukrainadan qaşatını, quğındalatını sözsiz edi. Al üstine venok qwlap ketkende, «özine nemese jaqın adamdarınıñ birine qater tönip twr eken» dep oyladım. Üstine venok qwlap edi, ol balasınan ayırıldı.

– Al mwnıñ astrologiyamen, jwldızdarmen qanday baylanısı bar?

– Ekeui bir-birin tolıqtıradı. Belgiler men ırımdar, jwldızdar bir-birin tolıqtırıp twradı. Hiromantiya da sonday. Mısalı, keyde adamnıñ alaqanındağı Saturn «döñesinen» krest körsem, kölik apatınan saqtanu kerek dep eskertemin. Kimder ekenin aytpay-aq qoyayın, biraq opat bolğan adamdar bar. Viktor YAnukoviçtiñ balasına «sudan qater bar» dep eskertkenmin, ol boljamım däl keldi. Onı jaqsı tanimın, kezdesip, keñesterimdi bergenmin.

– Ol sizdiñ kömegiñizge jüginip pe edi?

– Ärine, men Ukrainada VIP-persona, VIP astrologpın ğoy.

– Vlad, älgi venoktıñ qwlauı, esiktiñ jabılıp qaluı siyaqtı dünieler mağan äldebir äzäzil küşterdiñ qitwrqı äreketi, elementaldar äseri siyaqtı körinedi.

– Mwnıñ bäri – belgi. Poroşenkonıñ wlıqtau räsiminde äueli mıltıq, keyin adam qwlap tüsti, bwl – onıñ ömirine qastandıq jasaluı mümkin ekenin körsetetin belgi bolatın. Kezinde Ronal'd Reyganğa osınday belgi berilgen. Biraq aldın alıp, Reygan qastandıqtan aman qaldı. 2016 jıl – Poroşenko üşin öte qauipti jıl, onıñ küzeti qırağı boluı tiis. Biraq ayağı nöl sanımen bitetin jıldarı saylanğan AQŞ prezidentteri qızmet merzimi ayaqtalmay qaytıs bolğanın bilesiz. Olarğa ündister köseminiñ qarğısı tigen. Biraq nölge ayaqtalatın jılı saylanğan Djordj Buş tiri qaldı. Men ayağı nölge bitetin jıldarı saylanatın prezidentterge kamikadze dep qaraymın. Sondıqtan Amerikada 2020 jılı saylanatın kelesi prezident te kamikadze boluı mümkin. Ündis kösemi qarğısınıñ küşi äli bitken joq.

– Aqırı Amerika jaylı ayttıñız, kelesi prezident kim bolatının swrayın. Biraq saylauğa tüsetin kandidattar tizimi äli tügel emes.

– Men Hilari Klintonnıñ jeke astrologı bar ekenin tüsindim. Öytkeni ol prezident saylauına tüsuge bergen ötinişin jwldızdar sätti ornalasqan uaqıtta saytına jariyalap ülgerdi. Saylau nauqanında da käsibi astrologtıñ kömegine jügingeni anıq. Sondıqtan ol saylauda oñay jeñip şığadı dep esepteymin. Eñ qızığı, ol öz kandidaturasın wsınardan birer kün bwrın «däl uaqıtı kelgende bärin saytımnan köresizder» degen edi. Ötken saylauda da jwrt Hilari jeñedi dep boljağan, eşkim Obama jeñip ketedi dep oylağan joq. Biraq ol kezde Hilari ötinişti Ay oñınan tuatın kezde bermey, sätsizdikke wşıradı. Al bwl jolı astrologtı jaldağanı anıq, oğan asa bilikti käsibi astrolog kömektesip jür, mwnı birden bayqadım.

– Al respublikalıq partiya şe?

– Respublikalıq partiyada mwnday harizma joq. Buştar klanınan bireu şıqsa ğana Hilari Klintondı jeñer edi. Djeb Buştıñ jwrttı üyirip äketetin harizması joq, onıñ jwldıznamasında AQŞ prezidenti bolatını jazılmağan. Al Donal'd Tramp qazir köp dauıs jinap jürgenin öziñiz de bilesiz, alayda erteñ onı qoldaytındar azayadı. Onıñ planetası – Uran, sondıqtan ol äli talay şu şığaradı, mümkin onı respublikaşılar wsınadı. Biraq respublikaşılar onıñ kandidaturasın alıp tastap, basqa bireudi tabadı dep oylaymın. Degenmen, däl qazir Klintonnıñ aldın orap ketetindey eşkim joq.

– Endi özimizdiñ qwrlıqqa oralsaq… Putin biligi twsında siz ürey tudıratın nemese kerisinşe, ruh beretin äldebir belgilerdi bayqadıñız ba?

– Onı wlıqtau räsimi eşqanday problemasız ötti. Jalğız biletinim, Zaratuştra zamanındağı küntizbe boyınşa tüye jılı qayta aynalıp soğatın är 32 jıl sayın [Reseyde] biliktegi adam ornınan ketiriledi. 1921 jılı, yağni tüye jılında Lenindi bilikten is jüzinde taydırıp, Gorkige jiberdi, ol şamamen köktemde – naurız ayınan aljasa bastağan. Oğan 32 jıldı qossaq, 1953 jıl şığadı. Tağı da naurız ayında Stalin qaytıs boldı, mümkin öz ajalınan emes şığar. Dini seminariyada oqıp jürgende «ajalıñ kisi qolınan boladı» degen boljamnan keyin ol köleñkesinen qorqatın bolğan. Eldiñ sayasatı sol sätten bastap kürt özgerdi. 1953 jılğa 32 jıldı qossaq, 1985 jıl şığadı. Bwl jılı da el sayasatı kürt özgeriske wşırap, naurız ayında bilikke Gorbaçev keldi. Oğan 32 jıldı qossaq, Resey sayasatı tığırıqqa tireletin 2017 jıl – Zaratuştra küntizbesi boyınşa tağı tüye jılı. Al naurızda Putinniñ bilikte qalu-qalması belgili boladı. Ol bilikke 1999 jılı 9 tamızda – kün twtılğanda kelgendikten, onıñ ekinşi ciklı bar. Al 11 tamızda kün swmdıq twtılıp, bükil Europağa köringen. Ol şınımen de Resey tağdırına ıqpal etetin karması mıqtı bileuşi. Onıñ tağdırı 18,5 jılda şeşilui tiis. Eger 1999 jıldan bastap sanasaq, kün twtılu ciklı tağı qaytalanatın 2017 jıl şığadı eken. YAğni, küntizbelik cikldıñ eki körsetkişi boyınşa, 2017 jıl Putin üşin eñ qauipti jıl ekenin köremiz. Ärine, ol saray töñkerisinen de qorquı tiis, tipti ömirine qastandıq jasaluı mümkin. Ädette mwnday jağday äsirese naurızda boladı. Nege ekeni belgisiz, biraq Çernenko da, Stalin de naurızda qaytıs boldı, Lenindi Gorki kentine naurızda jiberdi. Osınday qızıq ürdisti bayqauğa boladı. Sondıqtan 2017 jıl Reseyge ülken betbwrıs äkeletin jıl bolmaq. Biraq, 2016 jılı Putin üşin tamaşa jıl boladı. Jwrt kütkendey äri Putin uäde etkendey, zaman jaqsarmaydı, kerisinşe, bäriniñ qiyuı ketip, dollar bağamı 100 rubl'ge jetedi, mwnay arzandap, 25 dollarğa deyin qwldıraydı, zeynetaqı men jalaqını indeksteu toqtaydı.

– Qazir mwnaydıñ arzandauı men rubl'diñ qwldırauınan şoşıp otırğan reseylikterge qanday keñes aytar ediñiz?

– Qazir reseylikterge valyuta, altın satıp aluğa, Resey rublinen qwtıluğa keñes berer edim.

– Qazir reseylikterdiñ köbi, äsirese Putinniñ sayasatımen kelispeytin adamdar emigraciya jaylı şındap oylana bastadı.

– Ondaylar az. Tatar-moñğol bwğauınıñ tikeley mwrageri sanalatın Reseyde halıqtıñ ämirşisiz küni joq, sonıñ aytqanımen jüruge üyrengen. Olarğa «qazir ömirleriñdi qara bwlt torlap twr, küni erteñ-aq jarıq bastaladı» dese, jwrttıñ bäri sol «jarıqtı» kütip otıradı. Öytkeni orıstardıñ DNK-sı men genealogiyasında fin-ugor klasteriniñ Ü-hromosomdarı basım. Al fin-ugorlar töñkeris jasauğa qabiletti polyaktar nemese ukraindar emes, olar äliptiñ artın bağudı jön köredi. Biraq Resey üşin saray töñkerisi degen dağdılı närse. Birinşi Petr zamanınan bergi tarihtı qarasaq, Reseyde bilik mwragerlik jolmen nemese saray töñkerisi arqılı auısıp kelgen.

– Vlad, mwnday ülken sayasi boljamdar jasauğa köp astrologtardıñ batılı barmaydı, qatelesuden qorqadı. Al siz nege qorıqpaysız?

– Öytkeni keybir sayasatkerler meniñ boljamdarıma senbeydi. Al özgeleri sense de, elegisi kelmeydi. Biraq, internette mağan Resey jaqtan: «Putin turalı ne sandıraq jazıp otırsıñ? Seni öltiremiz» degen sarında qoqan-loqı jasağandar boldı.

– YAğni Kreml'diñ äygili troll'deriniñ şabuılına wşırağan ekensiz ğoy?

– Iä, biraq birer märte şüylikkeni bolmasa, ondaylar köp emes.

– Qazir köp salalarda Resey-Ukraina baylanıstarı üzilip qaldı. Ukrainada ötken käsibi kongreste bayandama jasap kelgen reseylik bir därigerge Reseydegi äriptesteri «satqınsıñ» dep jauıqqanın estigen edim. Al astrologtar qauımında ne bolıp jatır? Resey-Ukraina astrologtarı bwrınğısınşa aralasa ma, joq älde mına qaqtığıs salqını olardıñ qarım-qatınasına da tidi me?

– Men tipti ukrainalıq astrologtardıñ özimen aralaspaymın, sondıqtan reseylikterde ne bolıp jatqanın naqtı bilmeymin. Boljamdarınıñ köbi kelmey qalğanımen, Globanı qattı qwrmetteymin. Qazir Globanı tıñdap alıp, bärin soğan kerisinşe jasau kerek. Biraq, kezinde onıñ däristerin tıñdap, diplom alğanmın.

– Qazir astrologtardıñ forum, pikirtalastarında janjaldasıp qalmaysızdar ma?

– Ukrainada atağımdı köre almaytındardıñ kesirinen keyingi kezderi onday jiındarğa qatıspaytın boldım. Juırda bir konferenciyağa şaqırtu aldım. Biraq oğan barmaymın, «Donbass» telearnasına swhbat beruge kelisip qoydım, soğıs jaylı aqparat bergenim jön siyaqtı.

– Al soğısqa qatıstı qanday boljam aytasız?

– 2016 jılı tolıq bitim ornaytını dausız. «Şahter» biıl küzde «Donbas-arenada» oynaydı dep kämil senemin, yağni oyınşılarğa eşqanday qater tönbeydi.

– Al DHR men LHR-dıñ bolaşağı ne boladı?

– Putin tiri twrğanda olar Pridnestrov'e, Abhaziya, Oñtüstik Osetiya jäne soltüstik Kipr siyaqtı osı küyinde qaladı. Al Putin bilikten ketken kezde ol jerlerdiñ bäri keri qaytarılıp, Ukrainanıñ qwramına kiredi. Sodırlardıñ basşıları, qazir ol jaqtı basqarıp otırğandardıñ bäri Reseyge ketedi. Ärine, olarmen eşkim kelisimge kelmeydi, olarğa elimizde orın joq.

– Skeptikterdiñ «astrologiya – ğılım emes, al jwldız-joramalğa senudiñ qajeti joq, mwnıñ bäri oydan şığarılğan dünieler» degen sözderin talay estigen şığarsız. Onday adamdarğa ädette ne dep jauap beresiz?

– Onday kezde: «Jigitter, sonda 18-19 ğasırlarğa deyin astrologiya men astronomiya eki bölek ğılım boldı ma?» dep swraymın. Ekeui bir ğılım bolğan. Kezinde Kepler siyaqtı qayratkerler astrologiyamen aynalısıp, aqşa tapqan. Sondıqtan men «bwl – ğılım, tüsinuge bolmaytın metafizikalıq ğılım» dep kesip aytamın. Bögde ğalamşarlıqtar bar degenge jwrttıñ bäri senedi, biraq eşkim olardı körgen joq nemese kim ekenin tüsindire almaydı. Planetalardıñ ornalasu qwpiyasın, olardıñ kündi aynalıp qozğalatının anıqtağan Koperniktiñ özi astrologiyamen kün körip, ğılımda talay jañalıq aşqan. Kopernik maytalman astrolog bolğan adam. Bwğan eşkim senbeydi, biraq bwl – şındıq.

(Dmitriy Volçek alğan swhbat orısşadan audarıldı.)

Azattıq radiosı