Twrğın üy qwrılıs jinaq banki «Qoljetimdi baspana-2020» bağdarlamasınıñ balamasın jasap şığardı
kerey.kz
Bank salımşıların 2022 jılğa deyin qoljetimdi baspanamen qamtamasız etu maqsatında «Bäyterek» Holdinginiñ enşiles kompaniyası – «Qazaqstannıñ twrğın üy qwrılıs jinaq banki» AQ «Öz üyim» attı dağdarısqa qarsı bağdarlamanı dayındap şığardı. Bağdarlama 3 bağıttan twradı: jergilikti atqaruşı organdardıñ özara ärekettestigi, memlekettik-jeke seriktestik jäne ekinşi deñgeyli banktermen ıntımaqtastıq.
Qazirgi uaqıtta JAO (jergilikti atqaruşı organ), ekinşi deñgeyli bankter jäne qwrılıs kompaniyalarımen kelissözder jürgizilude.
«Öz üyim» bağdarlamasınıñ negizgi artıqşılıqtarı – Twrğın üy qwrılıs jinaq banki salımşılarına tolıqtay basımdıq beriledi, bir şarşı metrine tömen bağa qarastırılıp, valyuta bağamdarına täuelsiz bolmaq jäne üy satıp alu kezinde erekşe talaptar qoyılmaydı. Bağdarlamağa Banktiñ kez-kelgen klientteri qatısa aladı, alayda birinşi bolıp üy satıp alu qwqığına baspanası joq salımşılar ie boladı. Atalğan jobanıñ Öñirlerdi damıtudıñ 2020 jılğa deyingi bağdarlamasınan bir ayırmaşılığı – salımşılardıñ Almatı jäne Astana qalalarında soñğı eki jılda tirkeude twruı mindetti emes.
Qazirgi uaqıtta Bağdarlamanıñ är şarşı metrge ortaşa körsetkişi 180 mıñ teñgeni qwrap otır. Qarız töleminiñ jıldıq payızı 5-10% aralığında. 2016 jılı bağdarlamanıñ barlıq bağıtı boyınşa jasalatın jwmıs kölemi 350 mıñ şarşı metrdi qwramaq. «Öz üyim» Bağdarlaması ayasında barlığı 1,5 mln. ş.m. üy salu josparlanıp otır.
Atalğan bağdarlama Öñirlerdi damıtudıñ 2020 jılğa deyingi bağdarlamasına keremet qosımşa bolıp tabıladı. Twrğın üy qwrılıs jinaq banki salımşıları osı bağdarlama arqılı baspananı qoljetimdi bağamen satıp alu mümkindigine qol jetkizbek. «Öz üyim» bağdarlamasınıñ biregeyligi – salımşılar aşıq türde dauıs beru arqılı qwrılıs kompaniyasın jäne baspana jobasın özderi tañdaydı. Bağdarlamanı Bank jeke qarajatınan qarjılandıradı.
Osı jılı «Jas otbasılarğa arnalğan üyler» jäne «Halıqtıñ barlıq sanatına arnalğan üyler» bağıtı boyınşa Öñirlerdi damıtudıñ 2020 jılğa deyingi bağdarlaması ayasında 459 mıñ şarşı metrdi qwraytın kelisim jüzege asadı. Memlekettik bağdarlama ayasında da bağa twraqtı. Bir şarşı metr üşin öñirlerde bekitilgen bağa 90-115 mıñ teñge bolsa, al Astana men Almatı qalalarında 142,5 mıñ teñge bolmaq.
Pikir qaldıru